Եմենի «Անսար Ալլա» շարժումը (հութիներ) բալիստիկ հրթիռով հարվածել է Թել Ավիվի «Բեն Գուրիոն» միջազգային օդանավակայանին: Այս մասին հայտարարել է շարժման պաշտոնական խոսնակ Յահյա Սարիան։
«Եմենի զինված ուժերը «Պաղեստին-2» հիպերձայնային հրթիռով գրոհել են օկուպացված Յաֆֆոյի «Բեն Գուրիոն» օդանավակայանը»,- Al Masirah հեռուստաալիքի եթերում հայտարարել է Սարիան:
Նրա խոսքով՝ օդանավակայանի վրա հարձակումը հաջող է եղել, հարվածի արդյունքում ավիահաղորդակցությունը դադարեցվել է ավելի քան կես ժամով:
Սարիայի խոսքով՝ կիրակի օրը հութիները զանգվածային հարձակում են իրականացրել ԱՄՆ ռազմածովային ուժերի ավիակիր խմբի վրա՝ USS Harry Truman-ի գլխավորությամբ։ Նրանք կիրառել են հրթիռներ և անօդաչու թռչող սարքեր՝ մի քանի ժամ մարտեր մղելով։
Հութիները վերսկսել են ռազմական գործողություններն Իսրայելի դեմ Գազայի հատվածում նրանց կողմից գործողությունների վերսկսման ֆոնին։ Մինչ այդ նրանք հայտարարել են ավիակրի վրա մարտի 16-ի երեկոյան հարձակման մասին՝ դա համարելով Եմենի տարածքի ռմբակոծության պատասխան, որի հետևանքով, հութիների կառավարության առողջապահության նախարարության տվյալներով, զոհվել է ավելի քան 50 մարդ, ավելի քան 100-ը վիրավորվել են:
0Comments