Իրանի ԱԳ նախարարը թերահավատություն է հայտնել ԱՄՆ քաղաքականության նկատմամբ

Իրանի արտգործնախարար Աբբաս Արաղչին մեկնաբանել է ԱՄՆ վարչակազմի անդամների Signal մեսենջերում վերջին նամակագրության արտահոսքը՝ ասելով, որ այս իրադարձությունները ստիպում են Թեհրանին ավելի թերահավատորեն վերաբերվել ԱՄՆ քաղաքականությանը։

«Ամբողջ աշխարհում մարդիկ, այդ թվում՝ ամերիկացիները, հիմա տեսնում են, թե ինչպես են ամերիկացի պաշտոնյաները վերաբերվում համաշխարհային գործերին:

Ոմանք նշել են ծայրահեղ անտեղյակությունը և, որ ավելի կարևոր է, որոշումներ կայացնելիս մարդկային կյանքի լիակատար անտեսում:

«Ինչ վերաբերում է Իրանին, մենք միգուցե ևս մեկ պատճառ ենք տեսնում վերջին քաղաքական նախաձեռնություններն հոռետեսության մեծ բաժինով ընդունելու համար», - գրել է Աբբաս Արաղչին X սոցիալական ցանցում՝ հրապարակելով Պենտագոնի ղեկավար Փիթ Հեգսեթի մասնակցությամբ նամակագրության մի հատված:

Մարտի 24-ին Atlantic-ի գլխավոր խմբագիր Ջեֆրի Գոլդբերգը հոդված է հրապարակել, որտեղ հայտնել է, որ մարտի 11-ին նա ստացել է Signal մեսենջերին միանալու հարցում Մայք Ուոլց մականունով (ԱՄՆ նախագահի ազգային անվտանգության խորհրդականի անունը) օգտատիրոջից։ Երկու օր անց լրագրողը ծանուցում է ստացել, որ իրեն ավելացրել են խմբակային չաթում, որտեղ ԱՄՆ վարչակազմի անդամները քննարկում էին Եմենին հարվածներ հասցնելու հարցը։

Լրագրողի խոսքով՝ մարտի 15-ին Փիթ Հեգսեթ անունով օգտատերը (Պենտագոնի ղեկավարի անունը) հաղորդագրություն է հրապարակել, որը պարունակում է Եմենում Անսար Ալլահ ապստամբ շարժման հութիների դեմ առաջիկա հարվածների մանրամասները՝ ներառյալ թիրախները, զենքերը և հարվածների մեկնարկի սպասվող ժամանակը, որոնք, ըստ Գոլդբերգի, համընկել է ռմբակոծությունների մասին սոցցանցերում առաջին րապարակումների հետ:

Ավելի ուշ Atlantic-ը հրապարակել է նամակագրության մանրամասները: