Եգիպտոսի նախագահ Աբդել-Ֆաթահ աս-Սիսին նախազգուշացրել է տարածաշրջանային հետագա սրման մասին կիրակի օրը ԱՄՆ բարձրաստիճան գեներալի հետ հանդիպման ժամանակ, Իսրայելի և Լիբանանի միջև անդրսահմանային մարտական գործողությունների սրացումից հետո, հաղորդում է AFP-ն:
Եգիպտոսի նախագահը նաև «միջազգային հանրության վճռական դիրքորոշման» կոչ է արել և հորդորել ավելի վճռական արձագանքել հրադադարի և պատանդների ազատ արձակման վերաբերյալ «եգիպտա-ամերիկա-քաթարական համատեղ ջանքերին», ինչը «տարածաշրջանում ուղի կբացի դեպի հանգստություն և կայունություն»,- ասվում է նախագահի վարչակազմի հայտարարության մեջ։
Սիսին զգուշացրել է Լիբանանում նոր ճակատի ստեղծման վտանգի մասին և ընդգծել Լիբանանի կայունությունն ու ինքնիշխանությունը պահպանելու անհրաժեշտությունը։
Եգիպտոսում նրա հանդիպումը շտաբերի պետերի միացյալ կոմիտեի նախագահ, գեներալ Չարլզ Բրաունի հետ տեղի է ունեցել Իսրայելի կողմից Լիբանանի օդային հարվածներից ժամեր անց։
Այցը տեղի է ունենում Կահիրեում ծրագրված բանակցությունների ֆոնին, որին կմասնակցի ԿՀՎ ղեկավար Ուիլյամ Բերնսը, որոնք ուղղված են Գազայի հատվածում ավելի անհավանական դարձող զինադադարին հասնելուն:
0Comments