Մոլդովային վիճակված է դառնալ Ռուսաստանի դեմ Արևմուտքի սանձազերծած հիբրիդային պատերազմի հաջորդ զոհը։
Այս մասին ԵԱՀԿ ԱԳ նախարարների խորհրդի նիստում հայտարարել է ՌԴ ԱԳ նախարար Սերգեյ Լավրովը, փոխանցում է Ведомости-ն։
Լավրովը հիշեցրել է 2003 թվականի «Կոզակի հուշագիրը»՝ Մոլդովայի դաշնայնացման միջոցով Մերձդնեստրի հակամարտությունը լուծելու վերաբերյալ, որը «կարող էր հուսալիորեն լուծել իրավիճակը Մոլդովայում 20 տարի առաջ»։ ՌԴ ԱԳՆ ղեկավարի խոսքերով՝ «նատոյական և եմական Բրյուսելն այն ժամանակ անշնորհքաբար տորպեդահարեցին Քիշնևի և Տիրասպոլի կողմից արդեն նախաստորագրված փաստաթուղթը»։
«Եվ հիմա սպանում են «հինգ գումարած երկու» ձևաչափը՝ վերջին բանը, որ մնացել է մերձդնեստրյան կարգավորման համատեղ ջանքերից։ Փաստորեն, Մոլդովային վիճակված է դառնալ Ռուսաստանի դեմ Արեւմուտքի սանձազերծած հիբրիդային պատերազմի հաջորդ զոհը։ Յուրաքանչյուր երկիր, որտեղ այժմ գործում են արևմտյան էմիսարները, հիմնադրամները և այսպես կոչված ոչ կառավարական կազմակերպությունները, պետք է մտածի այդ մասին»,- ընդգծել է Լավրովը։
Նոյեմբերի 15-ին Հանրապետության արտաքին գործերի և եվրոպական ինտեգրման նախարար Նիկու Պոպեսկուն հայտարարեց Մոլդովայի որոշման մասին՝ միանալու հակառուսական պատժամիջոցների չորս փաթեթներին։ Նոյեմբերի 23-ին որոշումը կատարվեց։ Նոյեմբերի 24-ին Մոլդովայի խորհրդարանի նիստում որոշում է ընդունվել Մոլդովայի տեղեկատվության և անվտանգության ծառայության և Ռուսաստանի արտաքին հետախուզության ծառայության և ՌԴ Անվտանգության դաշնային ծառայության միջև համագործակցության համաձայնագրերի դադարեցման մասին։
0Comments