Ամերիկացի ձեռնարկատեր ու միլիարդատեր Իլոն Մասկը պատասխանել է Ուկրաինայի վերաբերյալ ՌԴ Անվտանգության խորհրդի փոխնախագահ Դմիտրի Մեդվեդևի գրառմանը Twitter-ի օգտատերերի տված արձագանքներին, գրում է ՌԻԱ Նովոստին։
Ապրիլի 8-ին Մեդվեդևը թվիթերյան իր միկրոբլոգում հրապարակել էր անգլալեզու գրառում, որում, ինչպես ավելի վաղ «ВКонтакте» սոցցանցում արված իր գրառման մեջ, նա գրել էր, որ Ուկրաինան կանհետանա, քանի որ այն ոչ մեկին պետք չէ։
Մասկն արձագանքել է օգտատերերի այն քննադատություններին, թե ինքը չի հետևում պատժամիջոցներին ու թույլ է տալիս ռուսական իշխանության ներկայացուցիչների մուտքը հարթակ։
«Բոլոր նորությունները որոշակի չափով քարոզչություն են։ Թող մարդկիկ ինքնուրույն որոշումներ կայացնեն», - գրել է Մասկը:
Նա նաև հավելել է, որ ՌԴ նախագահ Վլադիմիր Պուտինն իր «լավագույն ընկերը» չէ։
0Comments