ԱՄԷ-ում փեսացուն դատի է տվել իր հարսնացուին և նրա հորը՝ «չափազանց և անարդար» պահանջների համար։ Gulf News-ի համաձայն՝ Ֆուջեյրայի դատարանը մերժել է երիտասարդ տղամարդու կողմից իր հարսնացուի և նրա հոր դեմ ներկայացված հայցը։ Փեսացուն բողոքել է, որ աղջիկը հրաժարվել է ամուսնանալ իր հետ, մինչև ինքը չկատարի նրա «չափազանց և անարդար» պահանջները։ 

Մասնավորապես, հարսը ցանկանում էր մեծ հարսանիք շքեղ վայրում, նոր մեքենա և տեղափոխություն իր ընտանիքին ավելի մոտ տուն։

Այս բոլոր պայմանները չեն ներառվել նախնական պայմանագրում, և փեսացուն պնդել է, որ արդեն կատարել է իսլամական նախնական պայմանագրով նախատեսված բոլոր պարտավորությունները, այդ թվում՝ 130,000 դիրհամ (մոտավորապես 35,300 դոլար) մահրը, նվերները, զարդերը և լիովին կահավորված տունը։ Մահրը պարտադիր նվեր կամ գումար է, որը տղամարդը տալիս է կնոջը ամուսնության ժամանակ՝ իսլամական օրենքի համաձայն։ Այն պաշտպանում է կնոջ իրավունքները և նրա սեփականությունն է, որը փեսացուն պարտավոր է վճարել։

Դատարանը նշել է, որ փեսան փորձել է հարկադրաբար ամուսնանալ հարսնացուի հետ՝ առանց նրա համաձայնության, ինչը հակասում է օրենքին, որը նշում է, որ ամուսնությունը փոխադարձ համաձայնության վրա հիմնված պայմանագիր է: Կինն իրավունք ունի չտեղափոխվել համատեղ բնակության վայր, մինչև չստանա մահրը և համապատասխան տունը։

Հայցը մերժվել է, և փեսան պետք է վճարի դատական ծախսերը և փաստաբանի վարձատրությունը։