Փաստաբան Վարազդատ Հարությունյանի ֆեյսբուքյան գրառումը․ «Շաբաթն ամփոփում ենք չափազանց կարևոր ձեռքբերումով.
Վարդան Հարությունյանի փաստաբանական թիմի ջանքերով, որի անդամ է հանդիսանում «Ֆիդելիս»-ի հիմնադիր-գործընկեր, փաստաբան Արմեն Անդրիկյանը, ՀՀ ՊԵԿ նախկին նախագահ Վարդան Հարությունյանի խափանման միջոց կալանքը փոխարինվեց տնային կալանքով:

Արմեն Անդրիկյանը գտնում է, որ պետք է վերացվի կամ ընտրվի ավելի մեղմ խափանման միջոց և այդ ուղղությամբ պաշտպանական խումբը կիրականացնի անհրաժեշտ գործողություններ:

Հիշեցնենք, որ Վարդան Հարությունյանը կալանավորվել էր դեռևս օգոստոսի 8-ին։ Նրան առաջադրված մեղադրանքները վերաբերում են ձեռնարկատիրական գործունեությանը ապօրինի մասնակցելուն, հակամրցակցային գործունեությանը և փողերի լվացմանն առնչվող դրույթներին։ Մինչդեռ մեղադրանքի հիմքում դրված հանգամանքներով քննություն իրականացվել էր դեռևս յոթ տարի առաջ, և քրեական վարույթը կարճվել էր՝ բացակայող հիմքերի պատճառով»։