Վոլգոգրադում «Մայր Հայրենիքը կանչում է» հուշարձանի ներսում տղամարդու դի են հայտնաբերել, «ՌԻԱ Նովոստի»-ին են հայտնել արտակարգ իրավիճակների ծառայությունից։

V1.ru պորտալի տեղեկություններով, դին հայտնաբերվել է քանդակի գլխի հատվածում։ Մահացածը, ենթադրաբար, բուհերից մեկի ռեկտորն է եղել։ Նրա անունն ու աշխատանքի վայրը պորտալի նյութում չեն նշվում։

Քննչական կոմիտեի տարածքային մարմնից «ՌԻԱ Նովոստի»-ին պարզաբանել են, որ տեղի ունեցածի փաստով ստուգում է իրականացվում։

Նախնական տվյալներով, տղամարդու մահը բռնի չի եղել, հաղորդում է «Կոմերսանտը»։

V1.ru-ն հաղորդում է, որ հուշարձանի շուրջ շրջափակում չկա։ «Մարդիկ հանգիստ զբոսնում են քանդակի ստորոտում։ Ներս տանող դուռը փակ է։ Քիչ առաջ հեռացել են ոստիկանության աշխատակիցներն ու կինոլոգները»,- գրում է լրատվամիջոցը։