Արգենտինայի հավաքականի ավագ Լիոնել Մեսսիի առաջին պաշտոնական քարտը, որը թողարկվել է նրա նորամուտի՝ 2004/05 մրցաշրջանում «Բարսելոնայի» կազմում, աճուրդում վաճառվել է 1,5 միլիոն դոլարով։ 

Քարտը ստացել է ամենաբարձր՝ «10» գնահատականը որակի համար։ Վաճառքը տեղի է ունեցել ընդամենը մի քանի օր անց այն բանից հետո, երբ Goldin Auctions աճուրդի տունը կազմակերպել էր նույն քարտի մեկ այլ օրինակի վաճառք՝ 1,1 միլիոն դոլարով, որը նույնպես ստացել էր «10» գնահատական։

Քարտն ունի նաև Mike Baker Authenticated ընկերության ադամանդե վկայական։

Մինչ այս ամենաթանկ վաճառված քարտը Պելեի 1958 թվականի քարտն էր՝ 1,33 միլիոն դոլարով։