ԱՄՆ պետական քարտուղար Մարկո Ռուբիոն հայտարարել է, որ Միացյալ Նահանգները չպետք է վիզաներ տրամադրի այն մարդկանց, ովքեր տոնում են քաղաքական սպանությունները, իսկ եթե այդպիսի անձինք արդեն գտնվում են երկրում, նրանց վիզաները պետք է անվավեր ճանաչվեն։ Այս մասին նա ասել է Fox News հեռուստաալիքին տված հարցազրույցում։

«Մենք չպետք է վիզաներ տրամադրենք մարդկանց, ովքեր գալիս են Միացյալ Նահանգներ և զբաղվում այնպիսի բաներով, ինչպիսիք են սպանությունները և, առավել ևս, դրանցով ուրախացողները։ Իսկ եթե նրանք արդեն այստեղ են, մենք պետք է չեղարկենք նրանց վիզաները»,- նշել է Ռուբիոն։

Նա հավելել է, որ Վաշինգտոնը չպետք է ընդունի այն անձանց, ովքեր պատրաստվում են իրենց բացասական և քայքայիչ վարքագծով վտանգ ներկայացնել երկրի համար։