ՆԳՆ-ից հայտնում են․
«Ապրիլի 27-ին՝ ժամը 23-ի սահմաններում, իրավախախտում կատարելու համար Գյումրի քաղաքի Երևանյան խճուղում Շիրակի մարզի պարեկները կանգնեցրել են Գյումրիի Հալաբյան փողոցի բնակիչ 22-ամյա երիտասարդի վարած «ՎԱԶ-21074» մակնիշի ավտոմեքենան: Վարորդի սթափության վիճակը ստուգելուց հետո պարեկը նրան հայտնել է, որ զրկվում է վարորդական իրավունքից, ինչն օրենքի պահանջ է: Այդ լսելով` վարորդը բռունցքով հարվածել է պարեկների դեմքին, միջամտել են նաև ավտոմեքենայի երկու ուղևորները, որոնք ևս քաշքշել ու հարվածել են պարեկներին:
Կազմված փաստաթղթերն ու ձերբակալվածները ներկայացվել են Շիրակի մարզային քննչական վարչություն:
Նախաձեռնվել է քրեական վարույթ։
Հանգամանքները նախաքննությամբ պարզվում են։
Հայաստանի քրեական օրենսդրությամբ քրեական պատասխանատվություն է նախատեսված պաշտոնատար անձի օրինական ծառայողական գործունեությանը միջամտելու համար։ Ավելին՝ բռնություն գործադրելով միջամտելու պարագայում օրինախախտին սպառնում է բացառապես ազատազրկման ձևով պատիժ։
Հորդորում ենք չմիջամտել ոստիկանների օրինական ծառայողական գործունեությանը․ յուրաքանչյուր դեպք հանգեցնելու է քրեաիրավական հետևանքի։ Ավելին՝ անհրաժեշտ է ենթարկվել ոստիկանության ծառայողների օրինական պահանջներին․ չենթարկվելը կհանգեցնի խիստ հետևանքների»։
Latest from Live24
- Միջուկային զենք առաջինը կօգտագործի ՆԱՏՕ-ն
- «Ռուբեն Վարդանյանը լեգիտիմացնում է Բաքվի դատարանին»․ Արման Բաբաջանյան
- Ռուբեն Վարդանյանը միջնորդել է հարցաքննել Նիկոլ Փաշինյանին
- ՀԾԿՀ-ն մերժել է ՀԷՑ-ի վարչական բողոքը
- Փաշինյանը հրաժեշտի հանդիպում է ունեցել Իրանի դեսպանի հետ
- Մենք մեկ քայլ անգամ հետ չենք կանգնի Արևելյան Երուսաղեմի նկատմամբ մեր իրավունքներից. Էրդողան
- Թրամփը կարող է այցելել Չինաստան՝ Ասիա-խաղաղօվկիանոսյան տնտեսական համագործակցության գագաթնաժողովից առաջ կամ հետո․ SCMP
- Դոլարի փոխարժեքը նվազել է. եվրոն թանկանում է
Լրահոս
Ֆոտո
