Աշունը մշտապես եղել է փոխակերպման ժամանակահատված, բայց 2025-ին գունային թրենդերը ավելի քան դինամիկ են․

 News.am-ի փոխանցմամբ, այս անգամ աշնան գունային ներկապնակը միավորում է համարձակ թանկարժեք քարերի երանգներ, ջերմություն և մեղմ շեշտադրումներ, որոնք հավասարակշռում են հանգստությունը դրամայի հետ։ Աչքի ընկնող երանգները՝ թվային մանուշակագույնը, զեփյուռի կապույտը, ասպենի կանաչը, նռնագույն կարմիրը և սևը, որոնց ավելանում են մոկա շագանակագույնը, մանանեխի դեղինի, փոշե վարդագույնը, ձիթապտղի կանաչն ուտերակոտայի ընդլայնված պալիտրան, միասին ստեղծում են բազմակողմանի սպեկտր, որը խոսում է անհատականության, նրբագեղության և հուզական խորության մասին։   

Մանուշակագույն. մթնշաղի համարձակ էներգիա

Թվային մանուշակագույնը աշնանանն ամենաբնորոշ երանգներից մեկն է, որնառանձնանում է իր ֆուտուրիստական, բայց միևնույն ժամանակ թագավորական երանգով: Այս յուրահատուկ երանգը խորհրդավոր և անվերջ բազմակողմանի է թվում: Դիզայներներն այս գույննօգտագործում են ոչ միայն տպավորիչ վերարկուների, թավշյա զգեստների և աքսեսուարների, այլ նաև նորագույն տեխնոլոգիաների ու սարքերի համար՝ ապացուցելով, որ մանուշակագույնը ոճային ու գեղեցիկ է ցանկացած կիրառման դեպքում։

Մոկա ու շոկոլադե շագանակագույն

Շագանակագույնը վերադառնում է նոր ուժով։Նորաոճ երանգները, ինչպիսիք են մոկկան ու հարուստ շոկոլադային գույները շրջապատին տալիս են ջերմություն ու շոշափելի հարմարավետություն։Այսպիսի երանգները կրում են անժամանակ նրբագեղություն, որը փոխանցելով հանգստություն ու միևնույն ժամանակ նրբագեղություն։ 

Կապույտ․ հանգիստ ու կազմակերպված

Աշնանային երանգների հարստության մեջ զեփյուռային կապույտն առաջարկում է թարմացնող հակակշիռ: Սեպտեմբերի թարմ օդի նման, այս մեղմ, նուրբ երանգը հանգստություն է տալիս ներկապնակին: Այն կատարյալ է տրիկոտաժի, հագուստի համադրությունների համար ու մեղմ անցում է ապահովում համարձակ և չեզոք գույների միջև:

Ասպեն կանաչ

Մշտադալար անտառներից ոգեշնչված՝ ասպեն կանաչը զով, թարմ և խորապես արմատավորված է բնության մեջ: Այս երանգը վերաիմաստավորում է աշնանային կանաչի գաղափարը՝ ապահովելով ժամանակակից նրբագեղություն: Ավելի մուգ անտառային կանաչի և ձիթապտղի երանգների հետ մեկտեղ, կանաչի այս յուրօրինակ երանգը սեզոնի ամենանորաձև երանգներից մեկն է՝ հավասարակշռելով մինիմալիզմը օրգանական ջերմության հետ:

Նռնագույն կարմիր

Հարուստ, նրբագեղ և անսահման շքեղ, նռնագույն կարմիրը աշնան նոր չեզոք գույնն է: Գինու և նուրբ թավշի նման խորը, այս երանգը շեշտադրում է ավելի համարձակ երանգներ՝ առանց կորցնելու իր հմայքը: Դիզայներները այն օգտագործում են ամենուր՝ տաք հագուստի, սահուն զգեստների և աչքի ընկնող կոշիկների, կահույքի և առանձնացող տեխնիկայի մշակման ժամանակ: Ի տարբերություն ավելի վառ կարմիրի, նռնագույնը  չի ճանաչում ժամանակային սահմանափակումնե՝ հանդես գալով որպես 2025 թվականի աշնանանյին գունապնակի ամենաբազմակողմանի երանգներից մեկը:

Կեսգիշերային սև

Թեև սևը երբեք չի բացակայում աշնանային նորաձևությունից, այս տարվա կեսգիշերային սև երանգը կենտրոնական տեղ է գրավում որպես ոչ միայն ֆոնային երանգ։ Մուգ, հզոր և անկասկած գոթական, այն սահմանում է ուրվագծերը և խորություն է հաղորդում։ Մանուշակագույնի կամ կանաչի հետ համադրվելիս այն դառնում էտպավորիչ, էլեգանտ և զուսպ։

Դեղին

Աշնանային ավանդաբար մեղմ երանգների մեջ պայծառություն փնտրողների համար,  դեղինը ի հայտ է գալիս որպես պայծառ լավատեսության պոռթկում: Դրա ջերմությունը փոխանցում է արևի լույսի էությունը, որը շուրջը լցնում է պայծառ փայլով: Այս յուրահատուկ երանգը ցույց է տալիս, որ աշունը չի սահմանափակվում միայն հողային չեզոք և մուգ գույներով:

Աշնանային ներկապնակը ավելին է, քան գույնը, այն հուզականության ու զգացմունքայնության մասին է:Իսկ այս տարվա գույները մեզ անսահման հնարավորություններ են տալիս ինքնարտահայտվել ու կյանքը վառ տպավորություններով լցնել: