ՀՀ և ՌԴ փոխարտգործնախարարները քննարկել են երկկողմ հարաբերությունները
Մարտի 20-ին Մոսկվայում Հայաստանի Հանրապետության և Ռուսաստանի Դաշնության արտաքին գործերի նախարարությունների միջև կայացել են քաղաքական խորհրդակցություններ ՀՀ ԱԳ նախարարի տեղակալ Մնացական Սաֆարյանի և ՌԴ ԱԳ նախարարի տեղակալ Միխայիլ Գալուզինի գլխավորությամբ։ Այս մասին տեղեկացնում են ՀՀ ԱԳՆ-ից։
Խորհրդակցությունների շրջանակներում կողմերը քննարկել են երկկողմ հարաբերությունների օրակարգի հարցերի լայն շրջանակ: Հայաստանի Հանրապետության և Ռուսաստանի Դաշնության միջև հարաբերությունների զարգացման համատեքստում կարևորվել է բոլոր մակարդակներում, այդ թվում՝ արտաքին գործերի նախարարությունների գծով քաղաքական երկխոսությունը, ինչպես նաև տարբեր ոլորտներում փոխշահավետ համագործակցության շարունակականությունը։
Մտքեր են փոխանակվել Հայաստանի և Ռուսաստանի միջև առևտրատնտեսական փոխգործակցության զարգացման, ինչպես նաև մշակութային և հումանիտար ուղղություններով առաջիկայում իրականացվելիք համատեղ միջոցառումների և ծրագրերի վերաբերյալ:
Նախարարի տեղակալը ՌԴ գործընկերոջը տեղեկացրել է ՀՀ արտաքին քաղաքականության հիմնական ուղղությունների և տեսլականի, ինչպես նաև Ադրբեջանի հետ երկկողմ ձևաչափում սահմանազատման ուղղությամբ արձանագրված առաջընթացի, խաղաղության համաձայնագրի համաձայնեցման, ՀՀ կողմից «Խաղաղության խաչմերուկ» ծրագրի շրջանակներում ապաշրջափակման ուղղությամբ տարվող աշխատանքների վերաբերյալ:
Քննարկվել են նաև տարածաշրջանի զարգացումներին առնչվող մի շարք հարցեր:
Latest from Live24
- Լեհաստանի նախագահը ստորագրել է համաձայնագիր՝ երկիր ՆԱՏՕ-ի զորքեր մտցնելու վերաբերյալ
- Հնդկաստանում ուժեղ երկրաշարժ է եղել
- Օկուպացված Ստեփանակերտում հայ տղամարդը մոտեցել է միջացառման վայրին․ նա վիրավորվել է
- Վանաձոր-Ալավերդի ավտոճանապարհին «Mercedes CLS»-ը բախվել է բետոնե էլեկտրասյանը և կողաշրջվել
- Գազայում մեկ օրվա ընթացքում 68 մարդ է զոհվել, իսկ ավելի քան 340-ը վիրավորվել
- Լեհաստանում աճում է ռուսամետ տրամադրությունների ալիքը և թշնամանքը Ուկրաինայի նկատմամբ
- Կրակե գունդ է թռչում Արգենտինայի երկնքում. տեսանյութ
- Իսրայելը զգուշացրել է իր քաղաքացիներին՝ սոցցանցերում զինվորական ծառայության ապացույցներ չհրապարակել
Լրահոս
Ֆոտո
