Հարավային Կովկասն անտեր տարածաշրջա՞ն է, որ Թրամփը կարողանա վարձակալել, նշել է Իրանի գերագույն առաջնորդի խորհրդականը

«Կովկասն աշխարհի ամենազգայուն կետերից մեկն է, և այդ ճանապարհը կդառնա ոչ թե «Թրամփի երթուղին», այլ նրա վարձկանների գերեզմանոցը»,- ասել է Վելայաթին։

Ողջունում ենք Հայաստանի և Ադրբեջանի միջև խաղաղության հաստատման գործում արձանագրված առաջընթացը և շնորհակալություն ենք հայտնում ԱՄՆ նախագահ Դոնալդ Թրամփին խաղաղության հասնելու գործում ունեցած ներդրման համար, գրել է ՆԱՏՕ-ի խոսնակ Էլիսոն Հարթը X սոցիալական ցանցում:

Նրա խոսքով՝ սա նշանակալի քայլ է հարաբերությունների կարգավորման գործընթացում, ինչպես նաև  տարածաշրջանային անվտանգության համար։

Զանգեզուրի միջանցքը Թուրքիան կկապի թյուրքական աշխարհի հետ Կովկասի և Կասպից ծովի, իսկ թյուրքական աշխարհը՝ Եվրոպայի հետ՝ Թուրքիայի միջոցով։ Այս մասին հայտարարել է  Թուրքիայի արտաքին գործերի նախարար Հաքան Ֆիդանը՝  Եգիպտոսի իր եգիպտացի գործընկերոջ հետ համատեղ մամուլի ասուլիսում։

«Երեկ երեկոյան, համաձայնագիրը ստորագրելուց հետո, ես երկար զրույց ունեցա իմ հարգարժան գործընկեր պարոն Բայրամովի հետ։ Մեզ արդեն տրամադրվել էր տեղեկատվություն ստորագրված համաձայնագրերի մասին, բայց ես ուզում էի ստուգել, թե արդյոք ամեն ինչ այնպես է, ինչպես մեզ ասել էին, թե կա՞ն լրացուցիչ մանրամասներ. մենք մանրամասն քննարկեցինք դա։ Մենք նաև քննարկեցինք միջանցքին վերաբերող հարցեր։

Եթե այս միջանցքը, որը մենք համատեղ ծրագրում ենք, իրականացվի, այն կդառնա տրանսպորտային երթուղու կարևոր մաս, որն անխափան կանցնի Եվրոպայից մինչև Ասիայի խորքերը։ Զանգեզուրի միջանցքը կդառնա Թուրքիան թյուրքական աշխարհի հետ Կովկասի և Կասպից ծովի միջոցով կապող հիմնական օղակ, ինչպես նաև կկապի թյուրքական աշխարհը Եվրոպայի հետ՝ Թուրքիայի միջոցով, և ավելի հեռու՝ Ասիայի խորքերը։ Սա կլինի բազմաֆունկցիոնալ երթուղի։ Ես կարծում եմ, որ սա շատ կարևոր և բարենպաստ իրադարձություն է, և ես հույս ունեմ, որ միջանցքը կիրականացվի մոտ ապագայում», -Ասել է Ֆիդանը։

ԱՄՆ-ում Հայաստանի և Ադրբեջանի ղեկավարների հանդիպումը  արժանի է դրական գնահատականի, մենք հույս ունենք, որ սա կնպաստի խաղաղության օրակարգի առաջխաղացմանը, հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

Նրա խոսքով՝ Մոսկվան կվերլուծի ԱՄՆ հայտարարությունները տարածաշրջանային հաղորդակցությունների ապաշրջափակման վերաբերյալ։

Նա հավելել է, որ Ռուսաստանի մասնակցությամբ եռակողմ համաձայնագրերը, որոնցից ոչ մի կողմ չի դուրս եկել, մնում են արդիական։ Զախարովան նշել է, որ արտատարածաշրջանային խաղացողների ներգրավումը պետք է նպաստի խաղաղության օրակարգի ամրապնդմանը։

Իրանը Ռուսաստանի հետ, թե՝ առանց, կխոչընդոտի ԱՄՆ միջանցքի առկայությունն Կովկասում, հայտարարել է Խամենեիի միջազգային հարցերով խորհրդական Ալի Աքբար Վելայաթին

Նրա խոսքով, ԱՄՆ-ի կողմից աջակցվող Հարավային Կովկասում միջանցքի նախագիծը դավադրություն է և ուղղված է սահմանների փոփոխությանը և Հայաստանի բաժանմանը։

Իսպանիան հույս ունի, որ Ադրբեջանի և Հայաստանի միջև ստորագրված համաձայնագրերը կբացեն համագործակցության, փոխըմբռնման և զարգացման նոր փուլ՝ ի շահ երկու երկրների և ամբողջ տարածաշրջանի։ Դրա մասին ասված է Իսպանիայի արտաքին գործերի նախարարության պաշտոնական հայտարարության մեջ։

«Իսպանիան ողջունում է նախագահ Ալիևի և վարչապետ Փաշինյանի միջև Սպիտակ տանը ԱՄՆ-ի մասնակցությամբ ձեռք բերված համաձայնագրերը և կարծում է, որ դա վճռական քայլ կլինի դեպի վերջնական խաղաղություն և Հայաստանի ու Ադրբեջանի միջև հարաբերությունների լիակատար կարգավորում տասնամյակներ տևած հակամարտությունից հետո»,- ասված է հայտարարության մեջ։

Փաստաթղթում նշվում է, որ Իսպանիան վերահաստատում է իր հանձնառությունը Հարավային Կովկասում խաղաղության և կայունության նկատմամբ։

Չեռնոգորիան ողջունում է Հայաստանի և Ադրբեջանի միջև Վաշինգտոնում ԱՄՆ-ի աջակցությամբ խաղաղության համաձայնագրի ստորագրումը։ Դրա մասին հայտարարել է Չեռնոգորիայի փոխվարչապետ և արտաքին գործերի և եվրոպական գործերի նախարար Ֆիլիպ Իվանովիչը։

«Դա կարևոր ներդրում է խաղաղության, ինչպես նաև երկարաժամկետ տարածաշրջանային կայունության և բարգավաճման գործում։ Շնորհավորում եմ Ադրբեջանի, Հայաստանի և Միացյալ Նահանգների ղեկավարներին»,- գրել է Իվանովիչն իր սոցցանցերի էջում։

Թրամփի ուղու մասին խոսելիս չի կարող միջանցքային տրամաբանություն լինել, որովհետև եռակողմ հռչակագրում նշվում է, որ ապաշրջափակումը տարածաշրջանում տեղի է ունենալու ինքնիշխանության, իրավազորության, տարածքային ամբողջականության, ինչպես նաև փոխադարձության սկզբունքի հիման վրա։ «Արմենպրես»-ի հաղորդմամբ՝ նման գնահատական տվեց ՀՀ Անվտանգության խորհրդի քարտուղար Արմեն Գրիգորյանը՝ անդրադառնալով Վաշինգտոնում Հայաստանի, ԱՄՆ-ի և Ադրբեջանի ղեկավարների հանդիպման արդյունքներին։

«Դրանով իսկ բացառվում է միջանցքային տրամաբանությամբ որևէ ապաշրջափակում։ Սա ցույց է տալիս, որ ապաշրջափակումը տեղի է ունենալու վերոհիշյալ հիմունքների վրա, հետևաբար, կարծում եմ, որ նման հարց չի կարող առաջանալ։ Տարածաշրջանի ապաշրջափակումը բխում է տարածաշրջանի բոլոր երկրների շահերից։ Այստեղ երկրորդ կարծիք չի կարող լինել, բայց ես ուզում եմ նաև նշել, որ ապաշրջափակումը տեղի է ունենում Հայաստանի կողմից նախկինում բազմիցս հայտարարված քաղաքական հայտարարությունների շրջանակներում»,- ասաց Գրիգորյանը։

Նա հիշեցրեց, որ Հայաստանը վերջին 4-5 տարիների ընթացքում հայտարարել է այդ մասին, հետևաբար Իրանը ևս տեղյակ է եղել, որ Հայաստանը պատրաստ է վերոհիշյալ հիմունքների շրջանակներում իրականացնել ապաշրջափակում։

«Քանի որ Իրանը նախկինում հայտարարել էր, որ Հայաստանի դիրքորոշումների շրջանակում իրենք աջակցում են ապաշրջափակմանը, ուստի ենթադրում եմ, որ աջակցություն կլինի ապաշրջափակմանը, որովհետև տարածաշրջանի ապաշրջափակմամբ, ընդհանուր առմամբ, հետաքրքրված կլինի նաև Իրանը»,- ասաց ՀՀ ԱԽ քարտուղարը։

Shamshyan.com-ի տեղեկություններով, օգոստոսի 8-ին, ՀՀ Ներքին գործերի նախարարության ոստիկանության համայնքային ոստիկանության գլխավոր վարչության «Զվարթնոց» օդանավակայանի ծառայողները օդանավակայանում ձերբակալել են ՀՀ հայտնի երգիչներից մեկին։

Նրա մոտ հայտնաբերվել է կասկածելի իր, ինչի վերաբերյալ փաստաթղթեր են ձևակերպվել, որոնք փոխանցվել են ՀՀ քննչական կոմիտեի Երևան քաղաքի քննչական վարչության «Զվարթնոց» միջազգային օդանավակայանի տարածքում կատարված հանցագործությունների քննության բաժին։

Նշված բաժին է ներկայացվել նաև երգիչը։

Նախաքննության շահերից ելնելով՝ այս պահին որոշ մանրամասներ չեն հաղորդվում։