Եվրոպական քաղաքները պատվել են անհայտ թռչող անօդաչու թռչող սարքերի (UFD) համաճարակով։ Անօդաչու թռչող սարքերը ամենուր են՝ ռազմական բազաների մոտ, օդանավակայաններում, դաշտերում և քաղաքների վերևում։ Թե ում են պատկանում դրանք, անհայտ է։ Այս մասին իր թելեգրամյան ալիքում գրել է Ռուսաստանի Դաշնության Անվտանգության խորհրդի նախագահի տեղակալ Դմիտրի Մեդվեդևը:

Որո՞նք են տեսությունները։

1. Բանդերիստների կողմից սադրանքներ՝ զենքի մատակարարումը բարելավելու և պատերազմ հրահրելու համար։

2. Այս երկրներում ռուսամետ ընդհատակյա գործունեություն՝ ուղղված ԵՄ-ում կյանքը անկայունացնելուն։

3. Տեղական հետախուզական գործակալությունների կողմից իրենց հակաօդային պաշտպանության համակարգերի ուժի փորձարկում։

4. Տեղական ծույլերի խաղեր՝ խուլիգանական նպատակներով։

5. Ռուսաստանից անօդաչու թռչող սարքերի ուղղակի տեղակայում։

Ի՞նչ տեսություններ են հնարավոր։

Առաջինը հավանական է, չնայած սովորական անօդաչու թռչող սարքի ուղին սովորաբար կարելի է հետևել։ Եվրոպայում ապրում է անմիտ ուկրաինացի շեղվածների մի խումբ։ Եվրոպայում անօդաչու թռչող սարքերի թռիչքն ավելի անվտանգ է, քան առաջնագծում։

Երկրորդ տեսությունը տեսականորեն հնարավոր է, բայց դեռևս կասկածելի։ Մեր երկրին համակրող մարդիկ չեն վատնի իրենց ռեսուրսները՝ ընդհատակից դուրս գալով։ Մեր «գործակալներն ու լրտեսները» սպասում են առանձին հրամանի։

Երրորդ բացատրությունը։ Այո, հետախուզական գործակալությունները և ազգային զինված ուժերը պետք է ստուգեն իրենց պատրաստվածությունը՝ հակահարված տալու անօդաչու թռչող սարքերի հարձակումներին։ Այս տեսությունը գործում է։

Չորրորդ բացատրությունը։ Իհարկե, տեղական ծույլերը կարող են խաղալ՝ անօդաչու թռչող սարքեր արձակելով։ Ինչո՞ւ չզայրացնել իրենց սեփական բյուրոկրատներին։ Լավ միջոց։

Ռուսաստանի նախագահը մանրամասն մեկնաբանեց հինգերորդ բացատրությունը Վալդայի քննարկումների ժամանակ։ Ավելացնելու ուրիշ բան չկա, և նրա խոսքերը նույնպես համապատասխանում են չորրորդ բացատրությանը։

Իրականում «ռուսական անօդաչու թռչող սարքերի» շուրջ խուճապը կարող է առաջանալ վերը նշված պատճառներից որևէ մեկով կամ դրանց համադրությամբ։ Սա գլխավորը չէ։ Գլխավորն այն է, որ նեղ մտածողությամբ եվրոպացիներն անմիջականորեն զգան պատերազմի վտանգները։ Որպեսզի նրանք վախենան և դողան, ինչպես հոտի համր կենդանիները, որոնք քշվում են մորթվելու։ Որպեսզի նրանք վախից կեղեքվեն՝ կանխատեսելով իրենց անխուսափելի և ցավոտ վախճանը։

Գուցե այդ ժամանակ նրանք հասկանան, թե ինչ է պատերազմը։ Եվ նրանք կպոկեն իրենց սեփական խենթերի գլուխները, ինչպիսիք են Մերցն ու Մակրոնը, որոնք արյունահեղությունից փող ու քաղաքական միավորներ են վաստակում»,- գրելէ Մեդվեդևը:

Ֆրանսիայի վարչապետի պաշտոնից հրաժարական տված Սեբաստիան Լեկորնյուն երեք պատճառ է նշել կառավարության ղեկավարի պաշտոնից հեռանալու համար: Այս մասին փոխանցում է ՌԻԱ «Նովոստին»: 

«Այս երկուշաբթի առավոտյան այն պայմանները, որոնք անհրաժեշտ են, որպեսզի ես կարողանամ կատարել վարչապետի գործառույթները եւ թույլ տալ կառավարությանը վաղը ելույթ ունենալ Ազգային ժողովի առջեւ (խորհրդարանի ստորին պալատը-խմբ.), այլեւս չեն պահպանվել»,-ասել է նա մամուլի ասուլիսում: Հեռարձակումն իրականացվել է BFMTV հեռուստաալիքով:

Առաջին պատճառը, ըստ նրա, ընդդիմության արձագանքն էր Լեկորնյուի այն հավաստիացմանը, որ նա կհրաժարվի սահմանադրության 49.3 հոդվածից, որը թույլ է տալիս կառավարությանը առանց քվեարկության անցկացնել օրինագիծը։

Այն թույլ է տալիս անսահմանափակ թվով անգամ ընդունել բյուջեի և սոցիալական ապահովագրության մասին օրինագծի տեքստը՝ առանց պատգամավորների քվեարկության։ Լեկորնյուի խոսքով՝ ընդդիմադիր քաղաքական գործիչները ձեւացրել են, թե այդ քայլում «բեկում» չեն տեսել։

Երկրորդ պատճառը քաղաքական կուսակցությունների դիրքորոշումն է։ Նա պնդում է, որ իրենք շարունակում են գործել այնպես, կարծես խորհրդարանում բացարձակ մեծամասնություն են կազմում, և յուրաքանչյուր կուսակցություն ցանկանում է միայն, որ իր ծրագիրն ամբողջությամբ ընդունվի։

«Երրորդ՝ կառավարության կազմը ընդհանուր շրջանակներում ֆունկցիոնալ չէր և հանգեցրեց որոշակի կուսակցական ամբիցիաների արթնացմանը, երբեմն կապված առաջիկա նախագահական ընտրությունների հետ, ինչը, սակայն, լիովին լեգիտիմ է»,-նշել է նա։

Հոկտեմբերի 6-ին, ժամը 12։07-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Երևան քաղաքի Արմենակյան փողոցում գտնվող հյուրանոցներից մեկի նկուղում։

Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից վեց մարտական հաշվարկ, Հրդեհաշիջման և փրկարարական աշխատանքների կազմակերպման բաժնի, բժշկական ապահովման հերթապահ և Ճգնաժամային կառավարման ազգային կենտրոնի օպերատիվ խմբերը։

Պարզվել է, որ հրդեհը բռնկվել է հյուրանոցի նկուղային հարկում։

Մեկ քաղաքացի տեղափոխվել է բժշկական կենտրոն։

Հրդեհը մեկուսացվել է ժամը 12։36-ին, մարվել՝ 12։53-ին։ Նկուղային հարկում այրվել է մոտ 4 խմ պահեստավորած գորգ։

Հյուրանոցի շենքից տարհանվել է 30 քաղաքացի․ հրշեջ-փրկարարներին հաջողվել է կանխել հրդեհի տարածումը դեպի հյուրանոցի պահեստ և խոհանոց։

ՀՀ կենտրոնական ընտրական հանձնաժողովը հոկտեմբերի 6-ին հրավիրել է արտահերթ նիստ՝ լիազորությունները վաղաժամ դադարած պատգամավորի մանդատը հերթական հաջորդ թեկնածուին փոխանցելու օրակարգով։

ԿԸՀ-ն սեպտեմբերի 29-ին ստացել է Ազգային Ժողովի պատգամավոր Արեգնազ Մանուկյանի՝ պատգամավորի լիազորությունները դադարած համարելու մասին ԱԺ նախագահի արձանագրությունը։

ԿԸՀ-ն հոկտեմբերի 1-ին ստացել է նաև 2021 թվականի հունիսի 20-ին կայացած Ազգային ժողովի արտահերթ ընտրություններին մասնակցած «Հայաստան» կուսակցություների դաշինքի ընտրական ցուցակում ընդգրկված պատգամավորի թեկնածու Հայկ Հրանտի Խալաթյանի կողմից ինքնաբացարկի և մանդատից հրաժարվելու մասին դիմումը։ Դիմումը վավերացված է եղել նոտարական կարգով, հետևաբար վերջինս չի մասնակցել ԿԸՀ նիստին։

Այսպիսով, «Հայաստան» կուսակցությունների դաշինքի ընտրական  ցուցակից ընտրված և լիազորությունները վաղաժամկետ դադարած պատգամավորի մանդատը տրվել է «Հայաստան» կուսակցությունների դաշինքի ընտրական ցուցակի առաջին մասի հերթական հաջորդ թեկնածու Պետրոս Զինավորի Մեղրյանին։

Ամերիկացի ձեռնարկատեր Իլոն Մասկը հայտարարել է, որ իր ղեկավարած xAI ընկերությունը, որը զբաղվում է արհեստական բանականության մշակմամբ, մինչև 2026 թվականի ավարտը կթողարկի խաղ, որն ամբողջությամբ ստեղծված է արհեստական բանականության կողմից։ Այս մասին Մասկը գրառում է կատարել Х-ի իր էջում։

«хAI-ի խաղային ստուդիան մինչև հաջորդ տարվա ավարտ կթողարկի հիանալի խաղ՝ ստեղծված արհեստական բանականության կողմից»,- գրել է նա։

xAI ընկերությունը զբաղվում է Grok արհեստական բանականության մշակմամբ։

Մոլդովան հոկտեմբերի 6-ից դարձավ Եվրոյով վճարումների միասնական տարածքի (SEPA) մաս: Ինչպես «Արմենպրես»-ը տեղեկանում է «Ինտերֆաքս» գործակալությունից, այդ մասին հաղորդել է երկրի Ազգային բանկը։ 

«SEPA-ին Մոլդովայի ինտեգրումը պատմական պահ է ազգային ֆինանսական համակարգի համար և հաստատում է երկրի եվրոպական ուղին», - հայտարարել է Ազգային բանկի նախագահ Անկա Դրագուն։

Ավելի վաղ Մոլդովայից միջազգային փոխանցման արժեքը կազմում էր 20-ից մինչև 200 եվրո։ SEPA-ին միանալուց հետո վճարումը կմշակվի ներքին սակագներով և Եվրամիության (ԵՄ) ստանդարտներով՝ «ընդամենը մի քանի եվրոյով կամ նույնիսկ անվճար»։ 

Մոլդովայի ազգային բանկի (ՄԱԲ) գնահատմամբ, մոլդովացի արտահանողները տարեկան շուրջ 20 միլիոն եվրո կխնայեն ԵՄ-ի հետ առևտրում ծախսերի նվազման հաշվին։

Այս փուլում SEPA-ի մասնակցի կարգավիճակ է ստացել ութ մոլդովական բանկ։ 

Մոլդովան SEPA-ին միանալու գործընթացն սկսել է 2024 թ. հունվարին՝ պաշտոնական դիմում ներկայացնելով Եվրոպական վճարային խորհրդին: 2025 թ. մարտի 6-ին խորհուրդը հավանություն տվեց Մոլդովայի միանալուն։

Եվրոյով վճարումների միասնական տարածքը՝ SEPA-ն եվրոպական համակարգ է, որը թույլ է տալիս մասնակից երկրների վճարային համակարգերի միջև եվրոպական արժույթով փոխանցումներ կատարել միասնական պայմաններով։ SEPA-ն միավորում է ԵՄ անդամ երկրները, Մեծ Բրիտանիան, Եվրոպական տնտեսական գոտին, Շվեյցարիան, Անդորան, Մոնակոն, Սան Մարինոն և Վատիկանը։

Եվրոպայում շատ քաղաքական գործիչներ կան, որոնք այժմ հակված են ամեն ինչում մեղադրել Ռուսաստանին, ընդ որում ՝ դա անում են անհիմն և անխոհեմ: Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, փոխանցում է ՌԻԱ «Նովոստին»:

«Եվրոպայում կան շատ քաղաքական գործիչներ, ովքեր այժմ հակված են ամեն ինչի համար մեղադրել Ռուսաստանին։ Նրանք միշտ դա անում են առանց որևէ հիմքի, անխտիր։

Եվ մենք այդպես ենք դիտարկում այս հայտարարությունները»,-լրագրողներին ասել է Պեսկովը՝ մեկնաբանելով եվրոպացի քաղաքական գործիչների պնդումները, թե Եվրոպայի վրայով անհայտ անօդաչու թռչող սարքերը, ենթադրաբար, կապված են Ռուսաստանի հետ։

Այսօր՝ հոկտեմբերի 6-ին, առեղծվածային դեպք է տեղի ունեցել Երևանում: Ժամը 10:55-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Կենտրոնականի բաժնում օպերատիվ տեղեկություններ են ստացվել, որ Փարպեցու 11Ա շենքի բակում վիրավոր քաղաքացի կա: Ինչպես հայտնում է ֆոտոլրագրող Գագիկ Շամշյանը, դեպքի վայր են ժամանել ոստիկանության Կենտրրոնականի բաժնի օպերատիվ խումբը՝ բաժնի պետ Երվանդ Նիկոյանի գլխավորությամբ:

Մինչ ոստիկանները կժամանեին դեպքի վայր, Հերացու անվան թիվ 1 համալսարանական հիվանդանոցից ահազանգ է ստացվում ոստիկանության Կենտրոնականի բաժին, որ «պոլիտրավմա ախտորոշմամբ շտապօգնության բժիշկների հերթապահ խումբը իրենց մոտ է տեղափոխել մի քաղաքացու:

Հիվանդանոց են մեկնում ոստիկանության Կենտրոնականի բաժնի օպերատիվ խումբը՝ բաժնի պետ Ե. Նիկոյանի և ՀՀ ՆԳՆ ոստիկանության Պարեկային ծառայության Երևան քաղաքի գնդի 4-րդ գումարտակի 3-րդ վաշտի պարեկները՝ գնդի հրամանատար Անդրանիկ Իսախանյանի, գումարտակի հրամանատար Արսեն Ստեփանյանի գլխավորությամբ: Տեղում պարզվում է, որ վիրավորը Արմավիրի մարզի բնակիչ 38-ամյա Հովհաննես Բ.-ն է, ով հիվանդանոց է տեղափոխվել Փարպեցի 11Ա շենքի բակից:

Մանրամասն՝ սկբնաղբյուր կայքում։

Այսօր՝ հոկտեմբերի 6-ին, ծայրահեղ ծանր վիճակում «Վանաձոր» բժշկական կենտրոն տղա է տեղափոխվել: Այս մասին հայտնում է Shamshyan.com-ը:

Ինչպես հայտում է ֆոտոլրագրող Գագիկ Շամշյանը, մոտ 1 շաբաթ առաջ տղային Լոռու մարզի պոլիկլինիկաներից մեկում պատվաստել են ու նա գնացել է տուն, ինչից հետո մի քանի օր տղայի ինքնազգացողությունը վատացել է, ունեցել է սրտխառնոց և ծնողները, տեսնելով, որ այլևս ի վիճակի չեն երեխային բուժել, շտապ տեղափոխել են «Վանաձոր» բժշկական կենտրոն, որտեղ բժիշկներին հաջողվել է տղայի վիճակը մասամբ կայունացնել, որից հետո որոշում է կայացվել, որ երեխան պետք է շտապ տեղափոխվի Երևան՝ հետագա նեղ մասնագիտական բուժօգնություն ստանալու համար: 
 
Մոտ 1 ու կես ժամ առաջ «Վանաձոր» բժշկական կենտրոնից սանավիացիայի ուղղաթիռով տղան տեղափոխվել է Երևան: 
 
Ֆոտոլրագրողի տեղեկություններով՝ նա Լոռու մարզի բնակիչ 16-ամյա Վահե Բ.-ն է, ով պատվաստվել է Վանաձորի թիվ 1 պոլիկլինիկայում: 

Հայտնաբերվել է Շաքիի ջրվեժը գունավորող անձը: Այս մասին հայտնում են ՀՀ շրջակա միջավայրի նախարարությունից:

Ավելի վաղ հաղորդվել էր բնության ջրաերկրաբանական հուշարձան հանդիսացող Շաքիի ջրվեժում կազմակերպված միջոցառման դեպքով Բնապահպանության և ընդերքի տեսչական մարմնում վարչական վարույթ հարուցելու մասին։

ԲԸՏՄ Սյունիքի տարածքային բաժնի և ՆԳՆ ոստիկանության Սիսիանի բաժնի աշխատակիցների համատեղ ձեռնարկած օպերատիվ միջոցառումների արդյունքում պարզվել է, որ ս.թ. հոկտեմբերի 5-ին Սիսիան քաղաքի բնակիչ Ա.Օ.-ն Շաքիի ջրվեժի տարածքում երեխայի հետ կապված միջոցառման ընթացքում ջրվեժը գունավորելու նպատակով օգտագործել է սննդային հավելում համարվող գունանյութ։

Հարուցված վարչական վարույթի շրջանակում լաբորատոր հետազոտության նպատակով կատարվել են ջրի նմուշառումներ։ Ջրի որակի փոփոխության դեպքում կհաշվարկվի ջրային ռեսուրսներին պատճառված վնաս։

Քաղաքացի Ա.Օ.-ն ենթարկվել է վարչական պատասխանատվության՝ բնության հատուկ պահպանվող տարածքի ռեժիմը խախտելու համար։