Հինգշաբթի գիշերը ռուսական բանակը «Շահեդ» տիպի գրոհային անօդաչու թռչող սարքերի միջոցով ռմբակոծել է Խարկով քաղաքը, հայտնել են քաղաքապետ Իգոր Տերեխովը և Խարկովի մարզային ռազմական վարչակազմի նախագահ Օլեգ Սինեգուբովը։ Նրանց տվյալներով՝ հարձակման հետևանքով վիրավորվել է առնվազն 11 մարդ։ Այս մասին գրում է dw.com-ը:
Տերեխովի խոսքով՝ ռուսական զինված ուժերը գիշերը Խարկովին 12 հարված են հասցրել։ Անօդաչու թռչող սարքերից մեկը հարվածել է դպրոցի տարածքին, մյուսը՝ բազմահարկ բնակելի շենքի բակում գտնվող մանկապարտեզի խաղահրապարակին։ Բացի այդ, հարվածներ են հասցվել Խարկովի Սալտովսկի շրջանում գտնվող երկու բնակելի շենքերի և մարզասրահի։
Հրթիռակոծության հետևանքով վիրավորվել է առնվազն 11 մարդ, այդ թվում՝ չորս երեխա, ասել է քաղաքապետը։ «Հրթիռակոծության տակ են հայտնվել բնակելի թաղամասեր, կրթական հաստատություններ, մանկապարտեզներ և ենթակառուցվածքներ։ Տասնյակ մեքենաներ են վնասվել, դպրոցների և տների պատուհաններ են կոտրվել», - թվարկել է Տերեխովը։
Խարկովը չորեքշաբթի գիշերը հարձակման էր ենթրակվել ռուսական զինվորականների կողմից։ Հունիսի 11-ի գիշերը զինված ուժերը 17 «Շահեդ» անօդաչու թռչող սարքերով հարվածներ էին հասցրել Խարկովի երկու շրջաններին՝ Սլոբոդսկոյի և Օսնովյանսկի։ Հարձակման հետևանքով զոհվել էր երեք մարդ, 60-ը՝ վիրավորվել, վիրավորների թվում՝ յոթ երեխա։
Հունիսին ռուսական զինվորականները մի քանի գիշեր շարունակ ռմբակոծել են Խարկովը։ Հունիսի 7-ի գիշերը ռուսական զորքերը քաղաքը ենթարկել են Ուկրաինա ներխուժման սկզբից ի վեր ամենազանգվածային հարվածներին։ Տերեխովի խոսքով՝ քաղաքի վրա արձակվել են 48 «Շահեդ» գրոհային անօդաչու թռչող սարքեր, երկու հրթիռ և չորս կառավարվող ավիառումբ։ Այդ հարձակման ժամանակ զոհվել է վեց մարդ։
ՀՀ կառավարությունն իր այսօրվա՝ հունիսի 12–ի նիստում որոշում կայացրեց, ըստ որի «Հարավկովկասյան երկաթուղի» ՓԲԸ–ին 38,9 մլն դրամով ավելի շատ սուբսիդիա կտրամադրի 2024 թվականի համար։
Որոշման հիմնավորման մեջ նշվում է, որ «Հարավկովկասյան երկաթուղի» ՓԲԸ–ի կողմից վճարվող կոնցեսիոն տարեկան վճարը ծրագրավորվածից ավելի է եղել (նախատեսված ավելի քան 231 մլն դրամի փոխարեն կազմել է ավելի քան 270 մլն դրամ), այդ պատճառով «Ուղևորափոխադրումներից ստացված վնասի դիմաց «Հարավկովկասյան երկաթուղի» ՓԲԸ–ին սուբսիդիայի տրամադրում» միջոցառման համար կհատկացվի 38,9 մլն դրամ:
ՀՀ կառավարությունն ընկերությանը մասնակի կփոխհատուցի համաձայնեցված ծավալներով և ուղղություններով ուղևորափոխադրումների տարեկան վնասն անկախ աուդիտորի կողմից հաստատված հաշվարկների ներկայացման դեպքում:
Սուբսիդիայի համաձայնեցված չափը 2009–2010 թթ. համար կազմել է 10 տոկոս, 2011–2012 թթ. համար` 15 տոկոս, 2013 թ. համար` 20 տոկոս, 2014–2015 թթ. համար` 25 տոկոս, 2016–2038 թթ. համար` 30 տոկոս:
Լոս Անջելեսի ոստիկանությունը ռետինե փամփուշտներ է կիրառել հարյուրավոր ցուցարարներից բաղկացած խմբի դեմ պարետային ժամի գոտուց դուրս, եւ ակտիվիստները նահանջել են։
Ակտիվիստները երթով անցել են քաղաքով, բայց պարետային ժամի գոտուց դուրս։ Ոստիկանությունը մոտ մեկ ժամ չի երեւացել, սակայն ավելի ուշ անվտանգության ուժերը մեքենաներով հասել են ամբոխին։
Դուրս գալով մեքենաներից՝ ուժայինները ռետինե փամփուշտներ են կիրառել։
Ամբոխը նահանջել է, բայց չի ցրվել։
Սուպերմոդել Քենդալ Ջենները իր Ինստագրամի հետևորդներին ներկայացրել է մի շարք տաք լուսանկարներ, որտեղ ցուցադրում է իր նիհար կազմվածքը՝ սև բիկինիով։
29-ամյա աստղը կեցվածք է ընդունել անապատային բնապատկերի ֆոնին՝ հրապարակումը մակագրելով խորհրդավոր արտահայտությամբ՝ «ելակի լուսին»։
Մոդելը ընտրել է մինիմալիստական լողազգեստ՝ բարձր դեկոլտեով և սպորտային մեջքով, որը դրականորեն է ընդգծում նրա մարզված որովայնի մկանները և երկար ոտքերը։ Կերպարն ամբողջացնելու համար Քենդալը ավելացրել է ծղոտե գլխարկ և նստել լողավազանի մոտ։
Լուսանկարներից մեկում Ջենները հայտնվել է կանաչ շապիկով՝ մեքենայի պատուհանից նայելով լեռների և ավազաբլուրների ֆոնին։
Մթնոլորտային լուսանկարների ընտրանին ակնթարթորեն ավելի քան մեկ միլիոն հավանում է ստացել նրա 287 միլիոն բաժանորդներից։
Հունիսի 11-ին դանակահարություն է տեղի ունեցել Երևանի դպրոցներից մեկում: Ժամը 11:55-ի սահմաններում ՀՀ ներքին գործերի նախարարության ոստիկանության համայնքային ոստիկանության գլխավոր վարչության Մաշտոցի բաժնում օպերատիվ տեղեկություններ են ստացվել, որ Աջափնյակ վարչական շրջանում գործող դպրոցներից մեկում վիճաբանություն է տեղի ունեցել, որի ժամանակ աշակերտը դանակահարվել է, հաղորդում է Shamshyan.com–ը։
Մինչ ոստիկանները կժամանեին դպրոց, «Սուրբ Աստվածամայր» բժշկական կենտրոնից ոստիկանության Մաշտոցի բաժին ահազանգ է ստացվում, որ ձախ զստափոսի շրջանում կտրած-ծակած վերք, ձախ նախաբազկի կտրած վերք ախտորոշմամբ իրենց մոտ երեխա է տեղափոխվել:
Ոստիկանները պարզել են, որ երեխան հիվանդանոց է տեղափոխվել նշված դպրոցից Երևանի 1-03 շտապօգնության բժիշկների թիվ 25 հերթապահ խմբի կողմից:
Մինչ «Սուրբ Աստվածամայր» բժշկական կենտրոնում պայքարում էին երեխայի կյանքի համար, ինչը նրանց հաջողվել է, Մաշտոցի ոստիկանները պարզել են, որ ժամը 11:30-ի սահմաններում նշված դպրոցի տարածքում՝ հետնամասում, վիճաբանություն է տեղի ունեցել հիվանդանոց տեղափոխված երկու 14-ամյա տղաների միջև, որի ժամանակ 14-ամյա տղան իր մոտ եղած դանակով հարվածներ և մարմնական վնասվածքներ է պատճառել իր հասակակից տղային:
Մաշտոցի ոստիկաններն այնուհետև իրականացրել են անհրաժեշտ օպերատիվ հետախուզական միջոցառումներ, պարզել են՝ որտեղ է գտնվում կասկածյալը և ծնողների հետ տարված բացատրական աշխատանքների շնորհիվ ծնողների ուղեկցությամբ ներկայացել է ոստիկանության Մաշտոցի բաժին:
Ծնողները իրենց հետ բերել են նաև հանցագործության գործիք դանակը:
Դեպքի փաստով ոստիկանության Մաշտոցի բաժնում փաստաթղթեր են ձևակերպվել, որոնք փոխանցվել են ՀՀ քննչական կոմիտեի Երևան քաղաքի քննչական վարչության Աջափնյակ և Դավիթաշեն վարչական շրջանների քննչական բաժին:
Կայքի տեղեկություններով՝ կասկածյալն ու վիրավորը սովորում են Աջափնյակ վարչական շրջանում գործող տարբեր դպրոցներում:
Հ-ում ՌԴ դեսպանությունը շնորհավորական ուղերձ է հղել Ռուսաստանի օրվա կապակցությամբ․
«Շնորհավորում ենք Ռուսաստանի քաղաքացիներին և հայրենակիցներին, բոլոր նրանց, ովքեր հոգևոր կապ են զգում մեր երկրի հետ, հարգում են նրա դարավոր պատմությունը և հարուստ մշակութային ժառանգությունը, Ռուսաստանի օրվա կապակցությամբ:
Այս նշանակալի տոնին մաղթում ենք խաղաղություն և նորանոր հաջողություններ, իսկ մեր մեծ հայրենիքին՝ բարեկեցություն և բարգավաճում:
Շնորհավոր Ռուսաստանի oր»:
Ներկայացնում ենք տարադրամի փոխարժեքները՝ ըստ rate.am-ի:
ԱՄՆ դոլարի առքի առավելագույն արժեքն է 382.5 դրամ, վաճառքի նվազագույն արժեքը՝ 385 դրամ:
Եվրոյի առքի առավելագույն արժեքն է 437 դրամ, վաճառքի նվազագույն արժեքը՝ 440 դրամ:
Ռուսական ռուբլու առքի առավելագույն արժեքն է 4.76 դրամ, վաճառքի նվազագույն արժեքը՝ 4.88 դրամ:
Հանրապետության տարածքում հունիսի 12-13-ի կեսօրից հետո, 14-16-ի գիշերը և կեսօրից հետո առանձին շրջաններում սպասվում են կարճատև անձրև և ամպրոպ, հնարավոր է նաև կարկուտ։ Հունիսի 12-13-ի գիշերը սպասվում է առանց տեղումների եղանակ։
Քամին՝ հյուսիսարևմտյան՝ 2-5 մ/վ, ամպրոպի ժամանակ սպասվում է քամու ուժգնացում՝ 18-22 մ/վ արագությամբ։
Օդի ջերմաստիճանը հունիսի 12-13-ն աստիճանաբար կբարձրանա 3-5 աստիճանով։
Երևան քաղաքում հունիսի 12-14-ի գիշերը սպասվում է առանց տեղումների եղանակ։ Հունիսի 12-14-ի երեկոյան, 15-16-ի գիշերը և երեկոյան հնարավոր են կարճատև անձրև և ամպրոպ, ամպրոպի ժամանակ՝ քամու ուժգնացում՝ 15-18 մ/վ արագությամբ։
Գերմանիայի պաշտպանության նախարար Բորիս Պիստորիուսը ժամանել է Ուկրաինայի մայրաքաղաք Կիև:
Նա ցանկանում է ծանոթանալ ռազմաճակատում և ՀՕՊ-ի հետ կապված վատթարացող իրավիճակին, ինչպես նաև քննարկել հետագա ռազմական օգնությունը Ուկրաինայի կառավարության ներկայացուցիչների հետ։
Սա Գերմանիայի պաշտպանության նախարարի երկրորդ այցն է Կիև վերջին վեց ամիսների ընթացքում։
Ոմանք հանդես են գալիս Կտրիճ Ներսիսյանի պաշտպանության դիրքերից։ Ի՞նչն եք պաշտպանում, ու՞մ եք պաշտպանում․ սու՛տը, կեղծի՛քը, պղծությու՛նը․ այսպիսով պաշտպանում եք ինքներդ ձեզ և դուք շանս չունեք, գրել է Փաշինյանը։
«Հայաստանյայց Առաքելական Սուրբ Եկեղեցին կեղծավորների ու փարիսեցիների գերությունից ազատելու գործընթացում ոմանք փորձում են թուրքական կամ ադրբեջանական հետք տեսնել։
Հենց սա է փարիսեցիության ամենաուղիղ արտահայտությունը, երբ «ադրբեջանական» կամ «թուրքական» փաստարկ են օգտագործում որպես իրենց աղտեղությունը հայաստանյան հանրությունից քողարկելու միջոց։
Այս մեթոդը օգտագործողները այդ թվում արտաքին ուժերին հնարավորություն են տալիս ցանկացած առողջ դիսկուրս խափանել, ցանկացած բարեփոխում վիժեցնել և Հայաստանյայց Առաքելական Սուրբ Եկեղեցին պահել փակուղու մեջ, ինչպես այսօր է։
Հայաստանի և Հայաստանյայց Առաքելական Սուրբ Եկեղեցու արևշատությունը չցանկացող ցանկացած ուժի համար նվեր են մեր եկեղեցու սրբությունները պղծած Կտրիճ Ներսիսյանը և նրա նման վեղարավորները։
Ոմանք հանդես են գալիս Կտրիճ Ներսիսյանի պաշտպանության դիրքերից։ Ի՞նչն եք պաշտպանում, ու՞մ եք պաշտպանում․ սու՛տը, կեղծի՛քը, պղծությու՛նը․ այսպիսով պաշտպանում եք ինքներդ ձեզ և դուք շանս չունեք։
Հայաստանյայց Առաքելական Սուրբ Եկեղեցին վերադարձվելու է Հիսուս Քրիստոսին և հայ ժողովրդին։ Կտրիճ Ներսիսյանը պետք է ազատի վեհարանը։
Հ․Գ․ Շատերն ուզում են հիմնավորել, թե ես նոր Կաթողիկոսի թեկնածու ունեմ։ Ցավոք, կաթողիկոսի թեկնածու չունեմ։ Կաթողիկոսի նկարագիր ունեմ․ մարդ, ով հավատում է Աստծուն, մարդ ով Հիսուս Քրիստոսի հետևորդ է և ոչ թե խարդախ-վաշխառու, մարդ, ով ծառայում է Եկեղեցուն, բարեպաշտ հոգևորական է և ոչ թե վեղարի տակ թաքնված անառակ։ Եվ մենք ունենալո՛ւ ենք բարեպաշտ և աստվածավախ Կաթողիկոս»։
