Լևոն Եղոյանը նշանակվել է ՀՀ քննչական կոմիտեի պետության, սահմանադրական կարգի հիմունքների և հասարակական անվտանգության դեմ ուղղված հանցագործությունների քննության գլխավոր վարչության պետ

Լևոն Արտուշի Եղոյանի կենսագրությունը

Ծնվել է 1981 թվականի հոկտեմբերի 26-ին Վայք քաղաքում:

Աշխատանքային գործունեություն

2024-2025թթ. – ՀՀ քննչական կոմիտեի պետության, սահմանադրական կարգի հիմունքների և հասարակական անվտանգության դեմ ուղղված հանցագործությունների քննության գլխավոր վարչության պետի տեղակալ,
II-V.2024թ. – ՀՀ քննչական կոմիտեի պետության, սահմանադրական կարգի հիմունքների և հասարակական անվտանգության դեմ ուղղված հանցագործությունների քննության գլխավոր վարչության երկրորդ վարչության պետ,
I-II.2024թ. – ՀՀ քննչական կոմիտեի պետության, սահմանադրական կարգի հիմունքների և հասարակական անվտանգության դեմ ուղղված հանցագործությունների քննության գլխավոր վարչության երրորդ վարչության պետ,
2020-2024թթ. – ՀՀ ազգային անվտանգության ծառայության քննչական դեպարտամենտի, այնուհետև՝ քննչական գլխավոր վարչության երրորդ բաժնի պետ,
2019-2020թ. – ՀՀ հատուկ քննչական ծառայության խոշտանգումների և մարդու դեմ ուղղված հանցագործությունների քննության վարչության հատկապես կարևոր գործերի քննիչ,
2018-2019թթ. – ՀՀ քննչական կոմիտեի զինվորական քննչական գլխավոր վարչության հատկապես կարևոր գործերի քննության վարչության ՀԿԳ քննիչ,
2014-2018թթ. – ՀՀ քննչական կոմիտեի զինվորական քննչական գլխավոր վարչության ութերորդ կայազորային քննչական բաժնի պետի տեղակալ,
2013-2014թ. – ՀՀ ՊՆ N զորամասի քննիչ, ՀԿԳ քննիչ՝ ապա հրամանատարի տեղակալ,
2008-2013թթ. – ՀՀ ոստիկանության քննչական գլխավոր վարչության Վայոց ձորի մարզի քննչական բաժնի Վայք-Ջերմուկ քննչական խմբի քննիչ, ապա՝ ավագ քննիչ,
2007-2008թթ. – ՀՀ ոստիկանության քննչական գլխավոր վարչության Վայոց ձորի մարզի քննչական բաժնի քննիչ։

Կրթություն

2003 թվականին ավարտել է Երևանի պետական համալսարանի իրավագիտության ֆակուլտետի բակալավրիատը, 2007 թվականին՝ նույն բուհի իրավագիտության ֆակուլտետի մագիստրատուրան:

Պարգևներ

Ծառայողական պարտականությունները բարեխղճորեն կատարելու համար խրախուսվել է գերատեսչական տարբեր պարգևներով:

Այլ տվյալներ

2003-2005թթ. – ծառայել է ՀՀ զինված ուժերում:
Ամուսնացած է, ունի 3 երեխա:

Գորիսի պետական քոլեջում անժամկետ գործադուլ ու դասադուլ են հայտարարել, որի մասին Քոլեջի կոլեկտիվը հոկտեմբերի 4–ին իրազեկել է ՀՀ վարչապետին և ԿԳՄՍ նախարարին։ Այս մասին նշված է նախաձեռնող խմբի հայտարարությունում։

«Գործադուլավորների և դասադուլավորների պահանջին ծանոթանալու համար ստորև ներկայացնում ենք իրազեկման գիրը։

2025 թ. մարտ-ապրիլիցԳորիսի պետական քոլեջում ստեղծված վիճակի մասինԴուք տեղյակ եք, ուստիև անիմաստ ենք համարումկրկին այդ ամենը ներկայացնելը։

Նոր ուսումնական տարվա առաջինիսկ օրերից կրթօջախում շարունակում է լարվածիրավիճակը, քանզի մերդիրքորոշումը՝ ստեղծված կացության վերաբերյալ, չի փոխվել, իսկ նախարարությունը չտեսնելու և չլսելուէ տալիս այդ ամենը։

Ավելին՝ հարուցված է քաղաքացիականգործ՝ ՎԴ/4825/05/25, տեղի է ունենումդատավարություն, որի ընթացքում արդեն իսկբազմաթիվ փաստեր են ի հայտ եկել՝ ԱրաքսիաՍվաջյանի գլխավորած հավաստագրման հանձնաժողովի կողմից թույլտված ապօրինությունների, փաստաթղթերի կեղծման ուաղավաղման մասին։

Այս պատմության մեջ մեզզարմացնում է հատկապես ԿԳՄՍ նախարարԺաննա Անդրեասյանի անտարբերությունը՝ կարծեք ոչինչտեղի չի ունեցել ուտեղի չի ունենում, կարծեք միևնույնէ նրա համար, թեինչ է կատարվում Գորիսի 100-ամյաքոլեջում։

Ստեղծված իրավիճակից դուրս գալուհամար՝ օրեր առաջ՝ սեպտեմբերի 29-ին, կոլեկտիվը (57 ստորագրությամբ) դիմում է հղել նախարարին՝ առաջարկելով խնդրի կարգավորմանժամանակավոր ու ողջամիտ տարբերակ՝հիմք ընդունելով նաև հանգամանքը, որ դատարանը կիրառել է հայցի ապահովման միջոց։

Տեսնում ենք սակայն, որնախարարը նորից խուսափում է իրականությանհետ առերեսվելուց և մերառաջարկությունը քննարկելուց։

Տեսնում ենք նաև՝ նախարարըքայլեր է ձեռնարկում իրավիճակին առավել սրությունհաղորդելու համար։

Ավելի ենք համոզվում՝ նախարարությունը պատվեր է կատարում՝ ինչ-որմարդկանց անձնական պատվեր՝ պետությանհաշվին, կրթական հաստատության հաշվին, ուսանողներիհաշվին։

Ավելի ենք համոզվում՝ տեղի ունեցողըհաշվեհարդար է ու վրեժխնդրություն՝Կարեն Լազարյանի դեմ։

Սպառված համարվելով մեր իրավունքներըև հարյուրավոր ուսանողների շահերը պաշտպանելումիջոցները, ստիպված ենք դիմելգործադուլի, որի վերաբերյալ մեր մտադրություննենք հայտնում Ձեզ։

Գործադուլըկմեկնարկի րոպեներ հետո այնպահից, երբ (առանց կոլեկտիվիհետ համաձայնության գալու և քննարկելու) կնշանակվի նոր ստեղծվողքոլեջի տնօրենի պաշտոնակատար։

Մեր պահանջը հետևեյալն է՝

չեղարկել ՀՀ ԿԳՄՍնախարարի կամ նրա տեղակալիհրամանը՝ Գորիսում ստեղծվող բազմագործառութային քոլեջի տնօրենիպաշտոնակատար նշանակելու մասին,

տնօրենի պաշտոնակատարի նշանակումը հետաձգել՝ մինչև ՎԴ/4825/05/25 քաղաքացիական գործի դատաքննության ավարտը և դատարանի վճռի ուժիմեջ մտնելը,

տնօրենի պաշտոնակատարի նշանակումը հետաձգելու անհնարինության դեպքում տնօրենիժամանակավոր պաշտոնակատար (մինչև նշվածդատավարության ավարտումն ու տնօրենիթափուր տեղի համար մրցույթիհայտարարումը և նոր տնօրենիընտրությունը) նշանակել Գորիսի պետականքոլեջի գործող տնօրեն ԿարենԼազարյանի (մեր այդ առաջարկությանհիմնավորումը ներկայացրել ենք կոլեկտիվիս.թ. սեպտեմբերի 29-ի դիմումիմեջ),

Գորիսում՝ պետական քոլեջում, հանդիպում ԿԳՄՍ նախարար ԺաննաԱնդրեասյանի հետ՝ քննարկելու ստեղծված վիճակը։

Վերոնշյալ այդ պահանջներով էլ կսկսենքգործադուլն այն պահից (ինչպեսնշեցինք), երբ (առանց մերկոլեկտիվի հետ համաձայնության գալու) կնշանակվինոր ստեղծվող քոլեջի տնօրենիպաշտոնակատար։

Եվ կշարունակենք գործադուլն այնքան ժամանակ, քանի դեռ վերոնշյալ պահանջները չեն կատարվել։

Հ.Գ. Այսօր՝ հոկտեմբերի 6-ին, ԿԳՄՍնախարարությանից իրազեկվել է, որստեղծվող քոլեջի տնօրենի նշանակումըկատարվում է առանց Գորիսիպետական քոլեջի կոլեկտիվի կարծիքը հաշվիառնելու, ուստի և հայտարարվումէ գործադուլ վերոնշյալ պահանջներով:

Գնունու շուկային հարակից մայթը վերադարձվեց երևանցիներին: Այս մասին զեկուցվել է այսօր տեղի ունեցած Երևանի քաղաքապետարանի գործակարգավարական խորհրդակցության ժամանակ:

Նախորդ շաբաթ ապամոնտաժվեց համայնքին պատկանող հողի վրա տեղադրված և կամ կառուցված շուրջ 30 կրպակ ու տաղավար: Տարածքը կբարեկարգվի և կդառնա անվտանգ ու հարմարավետ հետիոտնի անցուդարձի համար։ 

Հայաստանի երկրորդ նախագահ Ռոբերտ Քոչարյանի որդին՝ Սեդրակ Քոչարյանը, Հայաստանի Հանրապետության դեմ՝ հանձին Գլխավոր դատախազության, Երևան քաղաքի ընդհանուր իրավասության դատարան հայցադիմում է ներկայացրել: Սեդրակ Քոչարյանը պահանջում է ճանաչել իր անմեղության կանխավարկածի խախտումը և փոխհատուցել ոչ նյութական վնասը՝ 2 մլն դրամի չափով: Գրում է Հետքը: 

Սեդրակ Քոչարյանի ներկայացուցիչ, փաստաբան Հայկ Ալումյանը «Հետք»-ի հետ զրույցում ասաց, որ դատարան դիմել են ոչ շատ տարածված հայցով, քանի որ պրակտիկայում անմեղության կանխավարկածի խախտման հետ կապված շատ քիչ հայցադիմումներ են ներկայացվում:

«Սեդրակ Քոչարյանին մեղադրանք է առաջադրված, և գործը գտնվում է դատարանում: Սեդրակ Քոչարյանն ի սկզբանե պնդել է, որ այդ գործողությունները չի կատարել: Այն ընթացքում, երբ գործը նախաքննական մարմնից ուղարկվել է դատարան՝ քննության համար, դատախազը, որը այս գործով մեղադրողն է դատարանում, իսկ նախաքննության ժամանակ հսկող դատախազն էր, հարցազրույց է տվել Հայաստանի առաջին հեռուստաալիքին, և որպես հաստատված հանգամանք պնդել է, որ Սեդրակ Քոչարյանը կատարել է այդ հանցագործությունները: Ոչ թե ասել է՝ մենք իրեն մեղադրում ենք այսինչ կամ այնինչ բանում, այլ հաստատված փաստ ներկայացրել է այն, ինչի վերաբերյալ դեռ դատավարություն պիտի ընթանա, դեռ  դատարանը պիտի դատավճիռ կայացնի՝ արդարացման կամ մեղադրական»,- ասում է Հայկ Ալումյանը:

Նշենք, որ Սեդրակ Քոչարյանին մեղադրանք է առաջադրվել այն բանի համար, որ հանդիսանալով «ԼԼ Բիմբո» ՍՊԸ-ի համահիմնադիր և հնարավորություն ունենալով կանխորոշելու դրա գործադիր տնօրենի որոշումները` միջոցներ տրամադրելու և խոչընդոտներ վերացնելու եղանակով օժանդակել է իր հետ փոխկապակցված անձ Սերժ Սարգսյանին օրենքով նախատեսված արգելքին հակառակ ձեռնարկատիրական գործունեությանը մասնակցելուն և առանձնապես խոշոր չափերով կաշառք ստանալուն:

Ավելին՝ սկզբնաղբյուրում:

Այս շաբաթ Հնդկաստանի պաշտպանության նախարարության բարձրաստիճան պաշտոնյաները կհանդիպեն իրենց ռուս գործընկերներին, որպեսզի քննարկեն Մոսկվայից ՀՕՊ S-400 զենիթահրթիռային համակարգերի ևս հինգ համալիրի համատեղ արտադրության կամ ուղղակի գնման հարցը՝ նպատակ ունենալով ուժեղացնել Հնդկաստանի հեռահար պաշտպանական կարողությունները, տեղեկացնում է Hindustan Times-ը։ 

Ակնկալվում է, որ գործարքը կհաստատվի մինչև Ռուսաստանի նախագահ Վլադիմիր Պուտինի դեկտեմբերի 5-ին Հնդկաստան ժամանելը, որը նախատեսված է վարչապետ Նարենդրա Մոդիի հետ ամենամյա գագաթնաժողովի համար։ 

2018 թվականի հոկտեմբերի 5-ին կնքված 5.43 միլիարդ դոլարի գործարքի մաս կազմող հինգ S-400 համակարգերից երկուսը կմատակարարվեն մինչև 2026 թվականի վերջը, Հնդկաստանը և Ռուսաստանը քննարկում են ևս հինգ համակարգերի գնման հարցը՝ երկրի ամբողջ 7000 կիլոմետրանոց ափագիծը ցանկացած հարձակումից պաշտպանելու և այն ինտերնետին միացնելու համար: HT-ն տեղեկացել է, որ երկու կողմերն էլ արդեն համաձայնության են եկել լրացուցիչ հինգ համակարգերի գնի շուրջ՝ 2018 թվականի գնի համեմատ ունեցած տարեկան աճով: 

Պայմանները դեռ վերջնական չեն և խոսվում է, որ հինգ համակարգերից երեքը կգնվեն ուղղակիորեն, իսկ մնացածը կկառուցվեն հնդկական մասնավոր հատվածի ընկերությունների կողմից՝ տեխնոլոգիաների փոխանցման ծրագրի շրջանակում։ Գործարքը կկնքվի կառավարության և տեխնիկական սպասարկման, վերանորոգման և կապիտալ ներդրումների ձեռնարկությունների միջև, որոնք ստեղծվել են հնդկական մասնավոր հատվածի հետ համագործակցությամբ, հայտնել են անանունության պայմանով աղբյուրները, որոնք ծանոթ են հարցին։ 

Նրանք հավելել են, որ Հնդկաստանի կողմից S-500 համակարգը գնելու մասին տեղեկությունները սխալ են, քանի որ Ռուսաստանում այդ համակարգը դեռևս մշակման փուլում է։

Հնդկաստանը ցանկանում է Ռուսաստանից ձեռք բերել նաև օդ-օդ դասի RVV-BD հրթիռ, որի թռիչքի հեռահարությունը 200 կմ-ից ավելի է։ Նա դա անում է իր Su-30 MKI ավիապարկը ուժեղացնելու համար, քանի որ նույնիսկ Պակիստանն է շահագործում չինական արտադրության և 200 կմ հեռահարությամբ PL 15 օդ-օդ հրթիռը և այն օգտագործել է Հնդկաստանի դեմ «Սինդհուր» գործողության ժամանակ։ Ռուսական R-37 կամ RVV-BD հրթիռը պետք է ինտեգրվի Su-30 MKI-ին՝ ռուսական մշակման կործանիչի օդային ռադիոտեղորոշիչի (ռադարի) արդիականացմամբ։ Թեև Հնդկաստանի ռազմաօդային ուժերի գլխավոր մարշալ Ամար Փրիթ Սինգհը խոսել է այն մասին, որ իր զինված ուժերը քննարկում են ռուսական հինգերորդ սերնդի Su-57 կործանիչի ձեռքբերման հնարավորությունը, կառավարությունը դեռևս չի հայտնել իր կարծիքը այդ, ինչպես նաև ամերիկյան F-35 կործանիչի վերաբերյալ։ Ռուսական S-400 «Տրիումֆ» համակարգը «Սինդհուր» գործողության ընթացքում արդարացրել է սպասումները՝ իր հարվածային հնարավորությունների, ինչպես նաև պահպանության տեսանկյունից, երբ Պակիստանը հարվածներ էր հասցնում այդ համակարգից Ադամպուրի և Բհուջի ավիաբազաներին՝ օգտագործելով չինական հեռահար զենքեր։

Թալիբանի խոսնակ Զաբիհուլլահ Մուջահիդը հայտարարել է, որ Աֆղանստանը չի վերադարձնի Բաղրամի ավիաբազան Միացյալ Նահանգներին։ Նա այս հայտարարությունն արել է Sky News-ին տված հարցազրույցում։

«Աֆղանցիները երբեք, ոչ մի պարագայում թույլ չեն տա, որ իրենց հողը հանձնվի որևէ մեկին»,- ընդգծել է Թալիբանի խոսնակը։

Մուջահիդը նաև հայտնել է, որ Թալիբանի կառավարությունը բանակցություններ է վարել ԱՄՆ ներկայացուցիչների հետ Վաշինգտոնում Աֆղանստանի դեսպանատան և Քաբուլում ԱՄՆ դեսպանատան վերաբացման վերաբերյալ։

Սեպտեմբերին ԱՄՆ նախագահ Դոնալդ Թրամփը հայտարարել է, որ Սպիտակ տունը ցանկանում է վերադարձնել Քաբուլից հյուսիս գտնվող Բաղրամի ավիաբազան, քանի որ Չինաստանին մոտ լինելու պատճառով դրա տեղանքը շատ կարևոր է:

Ֆրանսիայի նախագահ Էմանուել Մակրոնը պետք է հեռանա պաշտոնից։ Այս մասին իր X սոցիալական ցանցի էջում հայտարարել է «Անպարտելի Ֆրանսիա» կուսակցության խորհրդարանական խմբակցության ղեկավար Մաթիլդա Պանոն։ 

«Հետհաշվարկը սկսվել է։ Մակրոնը պետք է հեռանա»,- գրել է նա։

Քաղաքական գործիչը հիշեցրել է, որ Ֆրանսիայի վարչապետ Սեբաստիան Լեկորնուն հրաժարական է տվել իր նշանակումից մեկ ամսից էլ քիչ ժամանակ անց, իսկ մեկ տարուց էլ քիչ ժամանակահատվածում կառավարության երեք ղեկավարներ «պարտություն են կրել»։