Բուքինգհեմյան պալատը հայտարարել է, որ Մեծ Բրիտանիայի թագավոր Չարլզ III-ը անակնկալ ուղերձով կդիմի ազգին, հաղորդում է Daily Mirror-ը։

Ուղերձի ձայնագրությունը կհրապարակվի օգոստոսի 15-ին: Ակնկալվում է, որ միապետը ելույթ կունենա Երկրորդ համաշխարհային պատերազմի ավարտի 80-ամյակի առթիվ: Ճապոնիան կապիտուլյացիան արեց 1945 թվականի օգոստոսի 15-ին , որից հետո Չարլզի պապը՝ Գեորգ VI թագավորը, ռադիոյով հայտարարեց այդ մասին: Չարլզ III-ը ելույթ կունենա դրանից ուղիղ 80 տարի անց: Daily Mirror-ի աղբյուրները պնդում են, որ նա ինքն է գրել ուղերձի տեքստը:

Վլադիմիր Պուտինի և Դոնալդ Թրամփի հանդիպումը նախնական նախատեսված է հաջորդ շաբաթվա վերջին։ Այս մասին հաղորդում են Sky News-ը և NBC News-ը՝ հղում անելով Սպիտակ տան բարձրաստիճան պաշտոնյայի: TASS-ի աղբյուրը հաստատել է, որ հանդիպումը կարելի է սպասել հաջորդ շաբաթվա վերջին։

Գագաթնաժողովի վայրը դեռևս ընտրված չէ, սակայն որպես հանդիպման վայրեր դիտարկվում են ԱՄԷ-ն, Հունգարիան, Շվեյցարիան և Իտալիան:

Իտալական ANSA լրատվական գործակալությունը հաղորդում է, որ Դոնալդ Թրամփը զանգահարել է Իտալիայի վարչապետ Ջորջիո Մելոնիին և հարցրել, թե հնարավո՞ր է բանակցություններ կազմակերպել Հռոմում: Սակայն, գործակալության տվյալներով, Մոսկվան դեմ է հանդիպումը Իտալիայում անցկացնելուն, քանի որ Հռոմը «չափազանց կողմնակալ է Ուկրաինայի օգտին»։

Նրա կարծիքով՝ նման բանակցությունները նախապես մշակման և նախապատրաստման կարիք ունեն։

«Եկեք նախապես կողմնորոշվենք. օրինակ՝ հերոս քաղաք Մինսկը, Ստամբուլը, Ժնևը։ Կողմնորոշվեցինք, որ մեկ ամսից կլինի այդ հանդիպումը։ Առաջին օրը, օրինակ, քննարկում ենք ռուս-ամերիկյան հարաբերությունները։ Երկրորդ օրը, եթե համաձայնության գանք ինչ-որ փաստաթղթի նախագծի շուրջ, հրավիրում ենք Զելենսկուն, Լուկաշենկոյին, Պետրովին, Սիդորովին։ Դա արժանի բան կլինի», - պարզաբանել է Բելառուսի ղեկավարը։

Լուկաշենկոն կարծում է, որ Պուտինը Թրամփի հետ հաճույքով կհանդիպի Բելառուսի մայրաքաղաքում, իսկ ահա Ռուսաստանին ինչ-որ ժամկետ տալը լուրջ չէ։

Լրագրողը կասկած է հայտնել՝ կարելի՞ է հրադադարից առաջ այդ հանդիպումը այսպես հեշտությամբ կազմակերպել:

«Ճիշտ է, պետք է նախապես պատրաստել։ Ուզում եք՝ ես կկազմակերպեմ դա: Հանուն խաղաղության: Ամերիկյան մասը, ռուսականը: Եթե հիմա սկսենք պատրաստել։ Կտեսնեք, թե ինչպես է Զելենսկին իրեն պահում: Նա կհամառի կասի՝ ես կտրականապես դեմ եմ»։

«Time»-ի թղթակիցը նաև համաձայնել է, որ Վլադիմիր Զելենսկին բանակցությունների համար չի գնա Մինսկ։

Միացյալ Նահանգները Պաղեստինը ճանաչելու ծրագրեր չունի և կարծում է, որ արմատական պաղեստինյան ՀԱՄԱՍ շարժումը պետք է վերացվի։ Այս մասին հայտարարել է ԱՄՆ փոխնախագահ Ջ.Դ. Վենսը Մեծ Բրիտանիայի արտաքին գործերի նախարար Դեյվիդ Լեմմիի հետ հանդիպման ժամանակ, հաղորդում է Reuters-ը։

Քաղաքական գործիչը նշել է, որ Վաշինգտոնը չի հասկանում, թե ինչ է նշանակում «Պաղեստինի պետության իրական ճանաչումը», քանի որ Պաղեստինում գործող կառավարություն չկա։ Նա հավելեց, որ ԱՄՆ նախագահ Դոնալդ Թրամփը «շատ հստակ ուրվագծել է իր նպատակները և այն, ինչ ուզում է հասնել Մերձավոր Արևելքում»։

«Նախ, մենք ուզում ենք ապահովել, որ ՀԱՄԱՍ-ը երբեք այլևս չկարողանա հարձակվել Իսրայելի անմեղ քաղաքացիական բնակչության վրա: Մենք կարծում ենք, որ դա պետք է իրականացվի ՀԱՄԱՍ-ին արմատախիլ անելով: Երկրորդ, ԱՄՆ նախագահը խորապես ցնցված է Գազայում մարդասիրական ճգնաժամի սարսափելի պատկերներով: Այսպիսով, մենք ուզում ենք լուծել այդ խնդիրը», - եզրափակել է Վենսը:

Պաղեստինյան ՀԱՄԱՍ արմատական շարժումը հաստատել է իր պատրաստակամությունը՝ ձեռնարկելու քայլեր Գազայի հատվածում Իսրայելի հետ հրադադարի համաձայնության հասնելու համար: Այդ մասին ասվում է Telegram-ում շարժման տարածած հայտարարության մեջ, որը հրապարակվել է պաղեստինյան անկլավում գործողությունն ընդլայնելու Իսրայելի ծրագրերի առնչությամբ:

«Մենք կրկին հայտարարում ենք, որ եգիպտացի և կատարցի միջնորդների հետ մեր փոխգործակցության ընթացքում շարժումը դրսևորել է ամբողջ անհրաժեշտ ճկունությունը և դրական տրամադրվածությունը՝ հրադադարի ջանքերի հաջողության ապահովման համար: Մենք կներդնենք բոլոր ջանքերը, որպեսզի ձեռնարկենք քայլեր, որոնք կհարթեն համաձայնության հասնելու ուղին», – հայտարարության տեքստից հատված է մեջբերում ՏԱՍՍ-ը:

Դրա հետ մեկտեղ, շարժման պնդմամբ, Իսրայելի վարչապետ Բենիամին Նեթանյահուի՝ Գազան օկուպացնելու որոշումը հաստատում է, որ նա և իր կառավարությունն «անտարբեր են» պատանդների ճակատագրի նկատմամբ։ 

«Նրանք հասկանում են, որ ագրեսիայի ընդլայնումը նշանակում է նրանց զոհաբերում», – պնդում են պաղեստինցի արմատականները։

Արցախ Միությունը խորը մտահոգություն է հայտնում վաշինգտոնյան առաջիկա եռակողմ հանդիպմանը Արցախի ժողովրդի իրավունքների բացարձակ անտեսման առթիվ

Արցախ Միությունն իր խորը մտահոգությունն է հայտնում Վաշինգտոնում այսօր կայանալիք Հայաստանի, Ադրբեջանի և ԱՄՆ-ի ղեկավարների եռակողմ հանդիպման օրակարգի և դրանում ցեղասպանության ու հայրենազրկման ենթարկված Արցախի (Լեռնային Ղարաբաղի) ժողովրդի իրավունքների բացարձակ անտեսման ու ոտնահարման առթիվ:

Իհարկե, հակամարտային որոշ հարցերի շուրջ գլխավոր գերտերության երաշխավորմամբ բանակցային համաձայնության ձեռքբերումն ինքնին կարող է առաջընթաց համարվել, սակայն դա չի կարող արվել մնացած սկզբունքային հարցերի ու հակամարտության առաջնային զոհերի հիմնարար իրավունքների հաշվին:

Տեղեկատվական դաշտում առկա տվյալների համաձայն՝ հանդիպման օրակարգում ներառված չեն Արցախի և արցախցիներին վերաբերող հարցեր, օրինակ՝ Արցախի ժողովրդի անվտանգ, հավաքական և արժանապատիվ վերադարձը, արցախյան մշակութային ժառանգության և մասնավոր ու հանրային սեփականության պաշտպանության մեխանիզմների ներդրումն ու կիրառումը, Բաքվում պահվող բոլոր 23 հայ գերիների ազատումը և այլն։ Ընդ որում, ավելի քան տրամաբանական ու բարոյական կդիտարկվեր առնվազն գերիների վերադարձի հարցի լուծումը՝ որպես խաղաղության համար անհրաժեշտ մարդասիրական քայլ:

Հավասարապես մտահոգիչ են նաև Լեռնային Ղարաբաղի հակամարտության կարգավորման նպատակով ստեղծված ԵԱՀԿ Մինսկի խմբի լուծարման մասին տեղեկությունները, ինչը դիվանագիտական մեծ պարտություն է Հայաստանի արտաքին քաղաքականության համար։ Այս կառույցը հակամարտության կարգավորման միջազգային մանդատ ունեցող միակ ձևաչափն է, իսկ այն, որ հակամարտությունը դեռևս չի կարգավորվել, փաստում են բազմաթիվ միջազգային իրավական ակտեր և նորմեր, ըստ որոնց՝ բռնի ուժով հաստատված ստատուս քվոն չի կարող լեգիտիմացվել։

Ավելին՝ խիստ տարակուսելի է, որ ՀՀ իշխանությունները, որոնք բազմիցս հայտարարել են «խաղաղության համաձայնագրի» ստորագրման հետ մեկտեղ Մինսկի խմբի լուծարման մտադրության մասին, այժմ կատարում են այդ ռազմավարական սխալը՝ առանց որևէ համաձայնագրի ստորագրման և նույնիսկ առանց գերիների ազատ արձակման կամ Ադրբեջանի կողմից մեկ այլ զիջման:

Արցախի 150,000 քրիստոնյա հայերի իրավունքների զանգվածային խախտման ու անտեսման, բռնի տեղահանման և խեղված ճակատագրերի վրա հիմնված խաղաղությունը չի կարող արդար ու մնայուն լինել: Ուստի, ոչ ոք արցախցիներից ավելի չի ձգտում խաղաղության, սակայն հակամարտության կարգավորումը ինքնանպատակ չէ։ Կա պարզ ճշմարտություն՝ կարգավորման որևէ փաստաթուղթ չի կարող լինել կենսունակ, եթե կողմերից մեկն ստանում է ամեն ինչ, իսկ մյուս կողմը՝ ոչինչ:

Արցախ Միությունը պահանջում է ՀՀ իշխանություններից կատարել Արցախի ժողովրդի հանդեպ ստանձնած պարտավորությունները և հակամարտության կարգավորման գործընթացում ապահովել նրա իրավունքների պաշտպանությունն ու վերականգնումը:

Արցախ Միությունը նաև կոչ է անում ԱՄՆ իշխանություններին և անձամբ նախագահ Դոնալդ Թրամփին չանտեսել հակամարտության էությունն ու պատճառները և, որպես աշխարհակարգի գլխավոր երաշխավոր, ՄԱԿ-ի Անվտանգության խորհրդի մշտական անդամ և ԵԱՀԿ Մինսկի խմբի համանախագահ երկիր, ապահովել Արցախի ժողովրդի վերադարձը հայրենիք, մշակութային ժառանգության և հանրային ու մասնավոր սեփականության պաշտպանությունը, հայ գերիների անհապաղ ազատ արձակումը, ՀՀ բռնազավթված տարածքների վերադարձը Հայաստանին և Ադրբեջանում հայատյացության քաղաքականության վերացումը: Առանց հակամարտության այս և որոշ այլ բաղադրիչների արդյունավետ հասցեագրման՝ որևէ կայուն ու համապարփակ խաղաղություն չի կարող գործել Հարավային Կովկասում:

Արաբկիրի թաղապետ Արամ Ազատյանը հրաժարական է տվել։ Այս մասին նա տեղեկացրել է ֆեյսբուքի իր էջում․

«Սիրելի արաբկիրցիներ, բարեկամներ և հետևորդներ, ցանկանում եմ տեղեկացնել, որ այսօր որոշում եմ կայացրել աշխատանքից ազատման դիմում գրել․․

Ցանկությունս է, որ Արաբկիրը զարգանա, ծաղկի»:

Նա սոցցանցում թվարկել է 2022թ–ից մինչ օրս իր կատարած աշխատանքներն ու շնորհակալություն հայտնել Երևանի ղեկավարներին ու արաբկիրցիներին իրեն վստահելու համար։