Ահաբեկիչները ծրագրել էին հարձակում իրականացնել Շրի Լանկայի եւս մեկ հյուրանոցի վրա, սակայն նրանց ծրագրերը ձախողվել են, հայտնում է «Ֆրանս Պրես» գործակալությունը՝ վկայակոչելով ոստիկանությունում աղբյուրներին:
Չի հստակեցվում գրոհայինների եւս մեկ թիրախ համարվող հյուրանոցի անունը: Հաղորդվում է, որ ենթադրյալ ահաբեկիչը գրանցվել էր հյուրանոցում եւ կիրակի այնտեղ էր, սակայն այս պահին չպարզված պատճառով պայթուցիկ սարքը չէր գործարկել:
Ոստիկաններին ավելի ուշ հաջողվել է պարզել նրա գտնվելու վայրը: Ոստիկաններին տեսնելով՝ նա պայթուցիկը գործարկել է, որի հետեւանքով 2 մարդ է զոհվել:
Ոստկանությունում աղբյուրները հայտնել են նաեւ, որ կիրակի իրագործված հարձակումների գործում առանցքային դերակատարում են ունեցել Կոլոմբոյից համեմունքների հարուստ վաճառականի երկու որդիները: Նրանք են գործակել պայթուցիկները Shangri-La եւ Cinnamon Grand հյուրանոցներում:
Քննիչի խոսքով՝ եղբայրները, ում անունները չեն հրապարակվում, մտել են «ընտանեկան բջջի» մեջ, սակայն հայտնի չէ, թե ինչպես էին կապված այլ ահաբեկիչների հետ, որոնք հարձակումներին մասնակցել են: Գործակալության աղբյուրը նշել է, որ երիտասարդները National Thowfeek Jamaath (NTJ) խմբավորման առանցքային անդամներն էին, որին իշխանությունները պայթյունների պատասխանատուն են համարում:
Շրի Լանկայում պայթյունների շարքը տեղի է ունեցել Զատկի կիրակի, առաջին վեցը պայթյունը երեք տաճարներում՝ Կոլոմբոյի, Նեգոմբոյի եւ Բատիկալոայի եւ երեք հյուրանոցներում, 7-րդը՝ կղզու արեւմուտքում, 8-րդը՝ Կոլոմբոյի մեձքաղաքային բնակելի համալիրում: Տեղական լրատվամիջոցների տեղեկություններով՝ ահաբեկչություններն իրագործել են մահապարտ ահաբեկիչները: Մայրաքաղաքում երկուշաբթի նոր պայթյուն էր որոտացել եկեղեցու մոտ, որտեղ կիրակի պայթյուն էր տեղի ունեցել: Վերջին տեղեկություններով՝ պայթյունների հետեւանքով զոհվել է 321 մարդ, տուժել է 520-ից ավելին:
0Comments