Կրասնոյարսկի երկրամասում տղամարդիկ սպանել են հայաստանցի վարկատուին պարտքերի պատճառով

Քրեական հետախուզության աշխատակիցները ձերբակալել են Կրասնոյարսկի երկրամասի Աչինսկի երկու բնակչի Հայաստանի բնակչին սպանելու կասկածանքով, որին նրանցից մեկը պարտք էր մոտ 1 մլն ռուբլի, տեղեկացրել է ՌԴ ՔԿ տարածաշրջանային գլխավոր վարչությունը Թելեգրամում։

Քննության տվյալներով՝ սպանության մասին տեղեկությունն ստացվել է դեկտեմբերի 23-ին։ Հարուցվել է քրեական գործ, ձերբակալվել են Աչինսկի 37 եւ 56 տարեկան բնակիչներ։ Նրանց ներկայացվել է նախնական պայմանավորվածությամբ անձանց խմբի կողմից կատարված սպանության մեղադրանք։

Տուժածը մշտապես եկել է Աչինսկ բուժվելու համար։ Նա փող է տվել իր 56-ամյա ծանոթին՝ մոտ 1 մլն ռուբլի։ Պարտապանը որոշել է, որ ավելի լավ է ազատվել պարտատիրոջից, տեղեկացրել է «ՌԻԱ Նովոստի»-ն։

«Նա ներգրավել է ընկերոջը՝ խոստանալով վճարել 50 հազար ռուբլի։ Պարտքը վերադարձնելու պատրվակով նրանք տուժածին բերել են պարտապանի ընկերոջ տուն եւ սպանել՝ գլխին հարվածելով»,- նշվել է մամուլի հաղորդագրությունում։

Հանցագործությունը թաքցնելու նպատակով նրանք տուժածի մարմինը նետել են առուն։ Ներկայում նրանք ձերբակալված են։

Երկրամասի ՆԳՆ-ում տեղեկացրել են, որ սպանվածը հարեւան պետության 75-ամյա բնակիչն էր, որը պետք է տուն թռչեր մահվանից մի քանի ժամ առաջ։ Քննիչները պարզել են, որ զոհվածը մի քանի տարի ապրել է Աչինսկում՝ բուժվելու նպատակով, եւ այդ ընթացքում ծանոթներին տոկոսով փող է տվել։