ՀՀ-ն ՌԴ-ի եւ Վրաստանի հետ հարաբերություններում առաջնորդվում է արտաքին քաղաքականության համատեղման սկզբունքով

^{Հայաստանը Ռուսաստանի եւ Վրաստանի հետ հարաբերություններում առաջնորդվում է արտաքին քաղաքականության համատեղման սկզբունքով։ Այս մասին 2018-ի պետական բյուջեի կատարողականի քննարկման ժամանակ հունիսի 6-ին խորհրդարանի մշտական հանձնաժողովների համատեղ նիստում ասել է Հայաստանի արտգործնախարար Զոհրաբ Մնացականյանը՝ պատասխանելով ՄԱԿ Գլխավոր վեհաժողովում Աբխազիայի եւ Հարավային Օսիայի հարցով Երեւանի քվեարկության մասին հարցին։}

^{ԱԳՆ ղեկավարի խոսքով՝ Հայաստանը Ռուսաստանի հետ ռազմավարական դաշինք ունի, ծավալուն օրակարգ եւ խոր հարաբերություններ։ «Մենք կշարունակենք, եւ դա նշված է կառավարության ծրագրում, ընդլայնել եւ զարգացնել նրա հետ մեր ռազմավարական հարաբերությունները»,- հավաստիացրել է Մնացականյանը։}

^{Միեւնույն ժամանակ, ինչպես նշել է Հայաստանի արտաքին քաղաքական գերատեսչության ղեկավարը, Երեւանը նաեւ կարեւոր օրակարգ ունի Թբիլիսիի հետ, որը վերաբերում է տարածաշրջանային կայունությանն ու անվտանգությանը։}

^{РЕКЛАМАՀիշեցնենք, որ հունիսի 4-ին ՄԱԿ ԳՎ 7-րդ նստաշրջանում ընդունվել է բանաձեւ «Աբխազիայից եւ Ցխինվալի շրջանից հարկադրյալ տեղահանվածների եւ փախստականների կարգավիճակի մասին»։ Փաստաթղթի ընդունմանը «կողմ» է քվեարկել 79 պետություն, «դեմ»՝ 15, եւս 57 երկիր, նրանց մեջ՝ Հայաստանը, ձեռնպահ է մնացել։}