Թուրքիայի նախագահ Ռեջեփ Թայիփ Էրդողանը հայտարարել է, որ իր երկիրը միջոցներ կձեռնարկի ազգային անվտանգությունը պաշտպանելու համար՝ Սիրիայում ընդդիմության, ինչպես նաև Քրդստանի աշխատավորական կուսակցության և Սիրիայում նրա հետ կապված զինյալների սպառնալիքի դեպքում: Ըստ թուրք առաջնորդի վարչակազմի, այս մասին նա ասել է ԱՄՆ պետքարտուղար Էնթոնի Բլինքենին, երբ վերջինս ժամանել է Անկարա։
«Նախագահ Էրդողանն ասել է, որ Թուրքիան, հանուն իր ազգային անվտանգության, քայլեր կձեռնարկի բոլոր ահաբեկչական կազմակերպությունների դեմ, հատկապես Քրդական բանվորական կուսակցության(PKK) [և դրա հետ կապված սիրիական աշխարհազորայինների] և ԻՊ-ի դեմ, որոնք գործում են Սիրիայում և սպառնալիքի աղբյուր են Թուրքիայի համար։ Նա ասել է, որ որպես ՆԱՏՕ-ի երկիր՝ Թուրքիան կխոչընդոտի PKK-ի և նրա մասնաճյուղերի՝ Սիրիայում ստեղծված իրավիճակից օգտվելու փորձերին։ Այն կօգտագործի բոլոր հնարավորությունները և ԴԱԻՇ-ի դեմ պայքարում երբեք թուլություն թույլ չի տա»,- ասվում է վարչակազմի հայտարարության մեջ։
Էրդողանը հայտարարել է, որ «Թուրքիան ի սկզբանե հավատարիմ է եղել Սիրիայի տարածքային ամբողջականության, միասնության և միասնական կառուցվածքի պահպանմանը, և որ միջազգային հանրությունը պետք է համագործակցի Սիրիայի վերածննդի և վերակառուցման հարցերում»։ Նա նաև նշել է, որ Թուրքիան «կշարունակի ջանքերը՝ զարգացնելու թուրք-ամերիկյան հարաբերությունները բոլոր ոլորտներում»։
Ազգային անվտանգության վտանգի դեպքում Թուրքիան Սիրիայում ընդդիմության դեմ գործողություններ կձեռնարկի. Էրդողան
Մանրամասներ
0Comments