Իսրայելը կբախվի տնտեսական աղետի, որը կարող է պետությանը կանգնեցնել անհաղթահարել պարտքի առջեւ ապագա սերունդների համար, հայտնել է Կնեսետի Պետական վերահսկողության կոմիտեի նախագահ Միկի Լեւին (Յեշ Ատիդ)՝ վարչապետ Բենիամին Նեթանյահուին կոչ անելով անհապաղ հրաժարական տալ, գրել է Jpost-ը։
Լեւին քննադատել է վարչապետին այն բանի համար, որ նա անձնականը վեր է դասում Իսրայելի բարօրությունից։ «Նա միայն իր մասին է մտածում։ Նրա բոլոր գործողություններն ուղղված են սեփական գոյությունը պաշտպանելուն»։ Նա նաեւ նշել է, որ անգամ «Լիկուդ» կուսակցության ներսում լայնորեն տարածված է դժգոհությունը Նեթանյահուի գործունեությունից։ Նա նշել է, որ Նեթանյահուն կուսակցությանը մեծ վնաս է հասցրել։
Նրա խոսքով՝ Նեթանյահուն չի կարող վարչապետ մնալ այս մասշտաբի ձախողումից հետո։
Անհանգստություն հայտնելով պետական բյուջեի առիթով՝ Լեւին նրան մեղադրել է «անպետք նպատակների համար միջոցները «թալանելու» մեջ։ Նա ընդգծել է հավասար հնարավորությունների կարեւորությունը կրթության հարցում եւ քննադատել անպետք ծախսերի ներառումը, ինչպիսին է ավելի քան 600 մլն շեքելի տրամադրումը հրեական ինքնության առաջմղման համար։
Լեւին կանխատեսում է արել, որ 2024թ. բյուջեն կվատացնի Իսրայելի տնտեսական վիճակը՝ ապագա սերունդներին անհաղթահարելի պարտքերի առջեւ կանգնեցնելով։ Նա նախազգուշացրել է, որ Իսրայելի ՀՆԱ-ն կնվազի, դեֆիցիտը կաճի, իսկ արտաքին պարտքը կշարունակի ավելանալ։
Օրենսդիրն առաջարկել է փակել առնվազն 10 նախարարություն, որոնք նա համարում է ոչ անհրաժեշտ, հատկապես պատերազմի ժամանաակ, երբ յուրաքանչյուր շեքելը պետք է ուղղվի ՀԱՄԱՍ-ի դեմ պատերազմին։
0Comments