Զելենսկին «ստիպված կլինի հավանություն տալ» խաղաղության ծրագրին։ Ըստ Sky News-ի՝ այս մասին հայտարարել է ԱՄՆ նախագահ Դոնալդ Թրամփը։

Հարցին՝ արդյոք նա քննարկե՞լ է Ուկրաինայի համար 28 կետանոց խաղաղության ծրագիրը Վլադիմիր Զելենսկու հետ, Թրամփը պատասխանել է. «Մենք ունենք ծրագիր։ Այն, ինչ տեղի է ունենում, սարսափելի է։ Սա պատերազմ է, որը երբեք չպետք է տեղի ունենար։ Մենք կարծում ենք, որ գտել ենք խաղաղության հասնելու միջոցը։ Նա ստիպված կլինի հավանություն տալ այդ ծրագրին»։

Լրագրողի այն մեկնաբանությանը, թե խաղաղության ծրագիրը որոշակի քննադատության է արժանացել, Թրամփը պատասխանել է. «Դուք ասում եք, որ դա նրա [Զելենսկու] սրտով չէ։ Նրան պետք է դա դուր գա, իսկ եթե դա նրա սրտով չէ, կարծում եմ՝ նա կարող է շարունակել պայքարել։ Նա պետք է գործարք կնքեր մեկ տարի առաջ, երկու տարի առաջ»,- հավելել է Թրամփը։