Համասի ահաբեկչական խմբավորման կողմից իսրայելցի հյուծված պատանդների պատկերող քարոզչական տեսանյութի հրապարակումից հետո՝ ՄԱԿ-ի Անվտանգության խորհուրդը որոշել է օգոստոսի 5-ին արտակարգ նիստ անցկացնել, հայտարարել է Իսրայելի խոսնակ Դենի Դանոնը։
Իսրայելի վարչապետ Բենիամին Նեթանյահուն դիմել է Կարմիր խաչի միջազգային կոմիտեին (ԿԽՄԿ)՝ իսրայելցի պատանդներին սնունդ և շտապ բժշկական օգնություն տրամադրելու հարցում օգնություն ցուցաբերելու խնդրանքով, հայտնում է նրա գրասենյակը, հաղորդում է DW-ն։
ՀԱՄԱՍ-ը պատրաստակամություն է հայտնել Կարմիր խաչի մարդասիրական կոմիտեին պատանդների մոտ մտնելու հնարավորություն տրամադրել, սակայն միայն այն պայմանով, որ բացվեն մշտական մարդասիրական միջանցքներ՝ ափամերձ գոտու բոլոր բնակիչներին սնունդ և դեղորայք մատակարարելու համար։ ՀԱՄԱՍ-ի մարտական թևը՝ «Իզզ ալ-Դին ալ-Կասամի բրիգադները» պնդում են, որ իրենք միտումնավոր կերպով չեն պատանդներին առանց սննդի պահում և որ նրանք ստանում են նույն սնունդը, ինչ Գազայի հատվածի բնակչությունը։
ՀԱՄԱՍ-ի և նրան դաշնակից «Իսլամական ջիհադ» ահաբեկչական խմբավորման կողմից հրապարակված տեսանյութում պատկերված են իսրայելցի պատանդներ Էվյաթար Դավիթը և Ռոմ Բրասլավսկին։ Նրանք բողոքում են սովից և լացում։ Դավիթին ստիպել են փոս փորել Գազայի հատվածի տակ գտնվող թունելում և ասել, որ դա իր գերեզմանն է։ Երկուսն էլ ահաբեկիչների գերության մեջ են 2023 թվականի հոկտեմբերի 7-ից։
Latest from Live24
- USAID–ն պաշտոնապես փակվում է. գործընթացը կգլխավորի Ռասել Վոուտը. Ռուբիո
- Ռուսաստանի ՆԳՆ-ն այլ երկրներում գրանցված ավտոմեքենաների տուգանքների նոր կանոններ է առաջարկել
- ՀՀ վարչական դատարանի որևէ դատավոր բերման չի ենթարկվել և ձերբակալված չէ․ ԲԴԽ մամուլի խոսնակ
- Թուրքիան փակել է իր օդային տարածքը իսրայելական ինքնաթիռների համար․ Ֆիդան
- Պուտինի և Ալիևի միջև Պեկինում հանդիպման վերաբերյալ պայմանավորվածություն չկա. Ուշակով
- Ռուսաստանը պատրաստ է ԱԷԿ-ի հետ կապված Հայաստանին տարբեր սցենարներ առաջարկել. Զախարովա
- Թուրքիա մեկնող զբոսաշրջիկների թիվը կրճատվում է
- Իրավապահները խուզարկում են դատավորների տներն ու գրասենյակները․ Ձերբակալվել են մի շարք անձինք, այդ թվում՝ փաստաբան
Լրահոս
Ֆոտո
