Հավաքական անվտանգության պայմանագրի կազմակերպության (ՀԱՊԿ) երկրների գրեթե բոլոր զորակազմերը ժամանել են Բելառուս համատեղ զորավարժությունների համար, որոնք նախատեսված են և տեղի կունենան երկրի խորքում, ինչպես «Արևմուտք-2025» զորավարժությունները, լրագրողներին հայտնել է Հանրապետության Անվտանգության խորհրդի պետքարտուղար Ալեքսանդր Վոլֆովիչը։

Զորավարժությունները, որոնք համատեղում են ՀԱՊԿ հավաքական ուժերի տարբեր բաղադրիչների վարժանքները, կանցկացվեն օգոստոսի 31-ից սեպտեմբերի 6-ը Բելառուսի տարածքում՝ Լոսվիդո և Լեպելսկի զորավարժարաններում։

«ՀԱՊԿ երկրների գրեթե բոլոր զորամիավորումները ժամանել են Լոսվիդոյի զորավարժարան, որը նույնպես գտնվում է մեր երկրի խորքում։ Սրանք նույնպես պլանավորված զորավարժություններ են, որոնք հերթով տեղի են ունենում ՀԱՊԿ երկրների տարածքում», – Վոլֆովիչի խոսքերն է մեջբերում «Բելտա» լրատվական գործակալությունը։

Հիշեցնենք՝ ՀԱՊԿ-ի կազմում են Ռուսաստանը, Բելառուսը, Ղազախստանը, Ղրղզստանը, Տաջիկստանը և Հայաստանը։