«Այն քաղաքացիները, որոնք թղթային QR կոդով ուղետոմսեր էին ձեռքբերում, կարող են գնել տրանսպորտային քարտ և այն պարբերաբար լիցքավորել։ Քարտերը հնարավոր է լիցքավորել Telcell տերմինալների, հավելվածի և transport.yerevan.am կայքի միջոցով։ Հնարավոր է տնից մուտք անել հեռախոսի համարը և լիցքավորել։ Սա կարևոր է, որ որովհետև լիցքավորման ակտիվացման համար որոշակի ժամանակ է պահանջվում՝ սովորաբար 2-5 րոպե։ Անհարմարություններից խուսափելու համար հորդորում եմ նախապես լիցքավորել քարտերը»,–այս մասին ասուլիսի ժամանակ ասել է Երևանի քաղաքապետի տեղակալ Սուրեն Գրիգորյանը՝ ներկայացնելով հասարակական տրանսպորտի վճարման համար թղթային QR կոդով ուղետոմսի այլընտրանքները:

Գրիգորյանը նշել է, որ Telcell դրամապանակից օգտվելու գործընթացում առկա է բարելավում։ Եթե առաջ դա իրականացվում էր ֆիզիկապես՝ մարդկանց կողմից (հայտը ուղարկվում էր և այն հաստատվում էր կամ մերժվում էր որոշակի ժամանակի ընթացքում), ապա արդեն իրականցվում է ինքնաշխատ համակարգի միջոցով, այն տեղի է ունենում ավելի արագ