Ադրբեջանի նախագահ Իլհամ Ալիևը հայտարարել է, թե Ֆրանսիան դեմ է Ադրբեջանի և Հայաստանի միջև խաղաղության պայմանագրի պայմաններին։
«Ֆրանսիան աջակցում է հայկական դիրքորոշմանը, որը ձգտում է խաղաղության պայմանագիրը ստորագրել առանց Սահմանադրության փոփոխությունների՝ հնարավորություն թողնելով ապագա տարածքային պահանջների համար»,- նշել է նա։
Ո՞վ է ասում, որ ՔԿՀ-ում բռնություն է կիրառվել, ընդամենը ստանդարտ գործ է եղել, խուզարկություններ. նախարար. Տեսանյութ
Վարչապետ Նիկոլ Փաշինյանի գլխավորությամբ Կառավարությունում տեղի է ունեցել Ոստիկանության բարեփոխումները համակարգող խորհրդի նիստը:
Օրակարգի շրջանակում քննարկվել է Ոստիկանության բարեփոխումների 2024-2026 թթ. ռազմավարական ծրագրի իրականացման ընթացքը:
Ներքին գործերի նախարար Արփինե Սարգսյանը նախ անդրադարձել է ռազմավարական ծրագրի գերակայություններին և ներկայացրել այն աշխատանքները, որոնք իրականացվել են այդ ուղղություններով: Արփինե Սարգսյանի ներկայացմամբ, իրականացված միջոցառումներն ուղղված են եղել քաղաքացիական վերահսկողության ներքո գործող ոստիկանության կառուցվածքային և ֆունկցիոնալ համակարգի վերջնական ձևավորմանը, մարդկային ռեսուրսների կառավարման ինստիտուցիոնալ նոր մոտեցումների ներդրմանը, բարեվարքության ամրապնդմանն ու հանրային հաշվետվողականությանը, կրթական միջավայրի բարելավմանը, արդի մարտահրավերներին դիմակայող պրոֆեսիոնալ ոստիկանական համակարգի ձևավորմանը, ոստիկանական ծառայությունների շրջանակներում մարդու իրավունքների և ազատությունների պաշտպանության պատշաճ ապահովմանը, ոստիկանության հանդեպ հանրային վստահության աստիճանի լավարկմանը, ինչպես նաև մատուցվող ծառայությունների որակի բարելավմանը: Նշվել է, որ ռազմավարական ծրագրի կատարողականը թվային տվյալներով հետևյալն է՝ 2024թ. համար նախատեսված 25 միջոցառումից կատարվել է 24-ը, 1-ը կատարվել է մասնակի:
Անդրադարձ է կատարվել թվայնացման ոլորտում իրականացված աշխատանքներին, նշվել է, որ սահմանվել են հանրային ծառայությունների մատուցման որակի չափորոշիչները, մշակվել է ՆԳՆ ներքին անվտանգության և հակակոռուպցիոն վարչության 2025 թվականի տարեկան միջոցառումների ծրագիրը, իրականացվել է շենքային պայմանների համալիր վերլուծություն, մեկնարկել և իրականացվում է «Մարդկային ռեսուրսների կառավարման բարեփոխումներ» ծրագիրը: Ըստ զեկույցի, արդեն գործում է ՆԳՆ նորաստեղծ կրթահամալիրը՝ քաղաքացիական կառավարմամբ, որը դիտարկվում է նաև որպես հետազոտական հաբ: Պարեկային ծառայության զարգացման ուղղությամբ իրականացված աշխատանքների արդյունքում այն գործում որպես արտաքին ծառայության նոր և ժամանակակից մոդել: Զեկուցվել է, որ իրականացված միջոցառումների արդյունքում նվազել է ճանապարհատրանսպորտային պատահարների ընդհանուր թիվը, աճել է իրավախախտումների բացահայտումը: Միջոցառումներ են իրականացվել նաև քրեական ոստիկանության, համայնքային ոստիկանության զարգացման, օպերատիվ աշխատանքի արդյունավետության բարձրացման ուղղությամբ: Նշվել է, որ վերափոխվել են ոստիկանության զորքերը, ձևավորվել է ոստիկանության գվարդիան: Ըստ 2024թ․ անցկացված սոց. հարցումների, ոստիկանության նկատմամբ հանրային վստահության մակարդակը կազմում է 72%:
Նիստի ընթացքում ներկայացվել են տարբեր դիտարկումներ և առաջարկություններ ոստիկանության բարեփոխումներին ուղղված միջոցառումների, մասնավորապես՝ ոստիկանության ինստիտուտի գործունեության կատարելագործման և կարողությունների բարելավման վերաբերյալ:
Ամփոփելով քննարկումը՝ վարչապետը կարևորել է բարեփոխումների գործընթացի շարունակականությունը՝ հիմնվելով իրականացված միջոցառումների արդյունքների վրա: Նիկոլ Փաշինյանը նաև ընդգծել է գաղափարախոսական ուղերձի կարևորությունը բարեփոխումների իրականացման ճանապարհին. «Շատ կարևոր է, թե պետությունն ինչ է ասում իր ոստիկանին, իր աշակերտին, իր քննիչին, իր պաշտոնյային: Գաղափարախոսական աշխատանքը շատ կարևոր է, այդ թվում՝ նաև քաղաքացի-ոստիկան հարաբերությունների առումով»:
Միլիարդատեր Իլոն Մասկը կմնա ԱՄՆ նախագահ Դոնալդ Թրամփի և փոխնախագահ Վենսի ընկերն ու խորհրդականը նույնիսկ այն բանից հետո, երբ նա լքի իր պաշտոնը Կառավարության արդյունավետության գրասենյակում (DOGE):
Այս մասին Fox News-ին տված հարցազրույցում ասել է Ջեյ դի Վենսը։ Նշենք, որ ավելի վաղ լրատվամիջոցները գրել էին, որ Թրամփն իր շրջապատին տեղեկացրել է, որ առաջիկա շաբաթներին Իլոն Մասկը կհեռանա DOGE-ի ղեկավարի պաշտոնից։
«DOGE-ը շատ աշխատանք ունի անելու, և այո, այդ աշխատանքը կշարունակվի Իլոնի հեռանալուց հետո: Բայց, ըստ էության, Իլոնը կմնա և՛ իմ, և՛ նախագահ Թրամփի ընկերն ու խորհրդականը», - ասել է Վենսը։
Ֆրանսիան և Գերմանիան կոչ են անում կոշտ և միասնական պատասխան տալ ԱՄՆ-ի մաքսատուրքերին։ Այս մասին հայտարարել է Ֆրանսիայի նախագահ Էմանուել Մակրոնը։
«Եվրոպայի պատասխանը բաղկացած կլինի 2 փուլից. առաջին պատասխանը կտրվի ապրիլի կեսերին։ Երկրորդը՝ ավելի ընդարձակ, ապրիլի վերջին։ Մեր պատասխանը լինելու է հստակ, այնպես, որ բոլորին դա հասկանալի կլինի»,- ասել է նա։
Գերմանիայի կանցլերն իր հերթին հայտարարել է, որ ամբողջ համաշխարհային տնտեսությունը կտուժի ԱՄՆ-ի չմտածված միջոցառումներից:
Իսպանիայի վարչապետ Պեդրո Սանչեսը հայտարարել է իսպանական տնտեսությունը 14,1 մլրդ եվրո արժողությամբ առևտրային տուրքերից պաշտպանելու պետական ծրագրի մեկնարկի մասին:
Ապրիլի 2-ին ԱՄՆ նախագահ Դոնալդ Թրամփը հրամանագիր է ստորագրել հայելային ներմուծման մաքսատուրքեր սահմանելու մասին. բազային նվազագույն դրույքաչափը կազմել է 10%:
Ադրբեջանն այն պետությունը չէ, որը կարողանա Իրանի համար սպառնալիք ստեղծել․ իրանցի վերլուծաբան. Տեսանյութ
Իրանը չի թողնի, որ վնասվի ՀՀ-ի հետ սահմանը, «Զանգեզուրի միջանցք» չի լինի, դա Թուրքիայի ծրագիրն է. Տեսանյութ
ԵՊՀ Արևելագիտության ֆակուլտետի Իրանագիտության ամբիոնի վարիչ Վարդան Օսկանյանը գրել է․
«Իրանի և Միացյալ Նահանգների միջև հնարավոր պատերազմի վերաբերյալ տեղեկատվության և ապատեղեկատվական հոսքերի հսկայական աղմուկի հորձանուտում առայժմ լայնածավալ պատերազմի մասին խոսելն անժամանակ է։
Սպիտակ տան անանուն աղբյուրներին հղմամբ՝ արևմտյան ԶԼՄ-ներում արտահոսքեր են տեղի ունենում առ այն, որ նախագահ Թրամփը լրջորեն է մոտենում անուղղակի բանակցություններ սկսելու Իրանի պաշտոնական դիրքորոշմանը, ուստի նման գործընթացը բացառելն անհնար է։
Սրան զուգահեռ, սակայն, կողմերը կոշտացրել են հռետորաբանությունը և ավելացրել ռազմական պատրաստությունները, որոնք, այդուամենայնիվ, ցուցիչ չեն, որ ամեն ինչ հենց այս պահին վստահաբար ընթանում է Իրան-ԱՄՆ լայնածավալ ռազմական բախման հանգեցնելու սցենարով։
Ակնհայտ է, որ նման պատերազմը ձեռնտու չէ ո՛չ Թեհրանին, ո՛չ Վաշինգտոնին, սակայն այդպիսի պատերազմի շահառու այնուամենայնիվ կա՝ Նեթանյահուի վարչակարգը, ուստի չպետք է ամբողջությամբ բացառել, որ վերջինիս հնարավոր սադրիչ գործողությունները կարող են դառնալ այն կայծը, որից կբռնկվի մերձավորարևելյան «վառոդի տակառը»:
Բայց այստեղ էլ հայտնվել է լրացուցիչ զսպող հանգամանք, Սիրայում թուրքական զորքերի առաջխաղացումը և հատկապես ՀՕՊ համակարգերի տեղակայումը, որը զգալիորեն ավելացնում է հենց սիրիական հողի վրա կամ օդում թուրք-իսրայելական բախման վտանգը։
Այնպես որ, Մերձավոր Արևելքում, ինչպես գրեթե միշտ, իրավիճակը շատ բարդ է, իսկ այժմ՝ նաև չափազանց դինամիկ»։
ՀՀ կառավարությունը որոշում ընդունեց, որով կկարգավորվի սեռաբջիջների և սաղմի (էմբրիոնի) արտահանման և ներմուծման հետ կապված իրավահարաբերությունները։
ՀՀ կառավարությունը ապրիլի 3-ի նիստում հավանություն տրվեց կառավարության որոշման նախագծին, որով կարգավորվում է մարդու վերարտադրության հետ կապված օրգանները երրոդ երկրների արտահանման հարաբերությունները։
Նախագծի հիմնավորման մեջ նշված է, որ որոշման անհրաժեշտությունը բխում 2024թ. օգոստոսի 6-ից ուժի մեջ մտած «Մարդու վերարտադրողական առողջության և վերարտադրողական իրավունքի մասին Օրենքում փոփոխություններ և լրացումներ կատարելու մասին» ՀՀ Օրենքի փոփոխություններից, որով նախատեսվել է Կենսաբանական ծնողների գրավոր համաձայնության և բժշկական օգնության և սպասարկման համապատասխան տեսակի լիցենզիա ունեցող բժշկական կազմակերպության տրամադրած տեղեկանքի ձևերը սահմանելու պահանջ:
Միաժամանակ, նշվում է, որ 2016թ. հունիսի 30-ի N335-Ն որոշման հավելված 3-ով հաստատված է Հայաստանի Հանրապետության կողմից երրորդ երկրների հետ առևտրի դեպքում մարդու օրգանների և հյուսվածքների, արյան և դրա բաղադրամասերի ցանկը (այսուհետ, Ցանկ), որի մեջ ներառված են նաև սեռաբջիջները և էմբրիոնը, սակայն գործող որոշման լիազորող նորմ հանդիսացող «Մարդուն օրգաններ և (կամ) հյուսվածքներ փոխպատվաստելու մասին» Հայաստանի Հանրապետության օրենքում հստակ սահմանված է, որ վերջինիս դրույթները չեն տարածվում մարդու վերարտադրողականության գործընթացի հետ առնչվող օրգանների, դրանց մասերի ու հյուսվածքների (ձվաբջիջ, ձվարաններ, ամորձիներ, սերմնահեղուկ, էմբրիոններ) վրա: Հաշվի առնելով վերը նշված հանգամանքները, անհրաժետություն է առաջացել կանոնակարգել սեռաբջիջների և սաղմի (էմբրիոնի) արտահանման և ներմուծման հետ կապված իրավահարաբերությունները, համապատասխանեցնել որոշման լիազորող նորմը Օրենքի համապատասխան հոդվածին, ինչպես նաև սահմանել Կենսաբանական ծնողի (ծնողների) գրավոր համաձայնության և բժշկական օգնության և սպասարկման համապատասխան տեսակի լիցենզիա ունեցող բժշկական կազմակերպության տրամադրած տեղեկանքի ձևերը:
2016թ. հունիսի 30-ի N335-Ն որոշմումը կարգավորում է Ցանկում ներառված օրգանների և հյուսվածքների, արյան և դրա բաղադրամասերի ներմուծման կամ արտահանման համար լիցենզիայի տրման հետ կապված հարաբերությունները, մինչդեռ, համաձայն Եվրասիական տնտեսական հանձնաժողովի Կոլեգիայի 2015թ. ապրիլի 21-ի թիվ 30 որոշման, սեռաբջիջների և սաղմերի ներմուծման, արտահանման համար պահանջվում է ոչ թե լիցենզիա, այլ եզրակացություն (թույլատրման փաստաթուղթ):
Եթե վիզա ստանալիս ստել եք, աշխատել եք առանց համապատասխան թույլտվության կամ վիզայով կամ արտոնությամբ սահմանված ժամկետից երկար եք մնացել ԱՄՆ-ում, ապա դա կարող է հանգեցնել լուրջ պատիժների, մասնավորապես՝ ազատազրկման, արտաքսման կամ ապագայում ԱՄՆ վիզա ստանալու մշտական արգելքի։
ԱՄՆ դեսպանատուն
Ֆոտո
