Հասարակական, քաղաքական գործիչ Էդգար Ղազարյանի ֆեյսբուքյան գրառումը․ «2025 թվականի հունիսի 9-ի դրությամբ Նիկոլ Փաշինյանը վայելում է Ազգային ժողովի 71 պատգամավորների վստահությունը։
Մի քանի ամիս առաջ այդ թիվը 107 էր, հետո դարձավ` 105, շաբաթ օրվա դրությամբ դարձավ 99, իսկ հիմա արդեն 71:
Թիվը ոչ միայն նվազում է, այլ սրընթաց կերպով իջնում։ Ընդամենը 18 պատգամավորի խելամիտ, Սահմանադրության և օրենքների պահանջներից բխող որոշման արդյունքում մենք կհասնենք բաղձալի թվին և արդյունքն։
Իմպիչմենտ լինելու է։
Նիկոլ Փաշինյանը հեռացվելու է սահմանադրական ճանապարհով, խաղաղ, անարյուն։
Մեկ ամիս առաջ այսօրվա իրականությանը ոչ ոք չէր հավատում։
Որոշները դեռ չեն հավատում այն իրականությանը, որ գալու է առաջիկայում»:
Վարչապետի կնոջ՝ Աննա Հակոբյանի ֆեյսբուքյան գրառումը․ «Այս տողերի հեղինակը նախընտրել է իր անունը թաքցնել։ Նա հավակնում է լինել մարդկության պատմության մեջ միակ ինկոգնիտո ոջիլը։
«Միայն Արցախի վաճառքից ստացված 15 մլրդ դոլարը բավական կլինի, որ Աննան աշխարհի բոլոր փաստաբաններին միանգամից վարձի ու հայկական ԶԼՄ-ներին դատի տա ու դատավորներին էլ առնի»։
«Միայն Հայաստանում շրջանառվող հսկայական ծավալի թմրամիջոցների շնորհիվ Աննայի ու Նիկոլի գրպանը տարեկան մի քանի միլիարդ դոլար փող է մտնում երևի»»։
Աննա Հակոբյանը մեջբերում էր կատարել Armeniannews.Info թելեգրամյան ալիքի հրապարակումից։
Երեկ՝ հունիսի 8-ին, ՀՀ ներքին գործերի նախարարության ոստիկանության քրեական ոստիկանության գլխավոր վարչության Կոտայքի քրեական վարչության ծառայողները տեղեկություններն իրացնելով հայտնաբերել և ոստիկանության Բյուրեղավանի բաժին են տեղափոխել մի խումբ անձանց:
Ինչպես հայտնում է Գագիկ Շամշյանը, պարզվել է, որ տեղափոխվածներն են Կոտայքի մարզի բնակիչներ Ֆելիքս Միրզոևը, ով ֆոտոլրագրողի տեղեկություններով՝ Արզնիի համայնքապետն է, 35-ամյա Դավիթ Վանյանը, 34-ամյա Վիրաբ Վիրաբյանը, 32-ամյա Աշուր Իլյայեևը, 53-ամյա Կառլեն Սիմոնովը, 46-ամյ Արկադի Մոիսեևը, 39-ամյա Ալբերտ Սարկիսովը:
Պարզվել է նաև հիվանդանոց տեղափոխվածի ինքնությունը, ով Կոտայքի մարզի բնակիչ 22-ամյա Կոլյա Միսեևն է:
Մանրամասները՝ սկզբնաղբյուրում
«Իշխանափոխությունն առանց դրսի ճնշման հնարավոր չէ, փողոցային ճնշման գեներատորները միշտ եղել ենք մենք»,- ԱԺ-ում լրագրողների հետ զրույցում ասաց «Հայաստան» խմբակցության պատգամավոր Արթուր Խաչատրյանը՝ հավելելով, որ այսօր կան մարդիկ, ովքեր ուզում են «առաջին ջութակի» դեր ստանձնել։ Նրա խոսքը վերաբերում էր հասարակական գործիչ Նարեկ Մալյանին: Արձագանքելով վերջինիս կողմից ընդդիմությանը հասցեագրվող քննադատություններին՝ Խաչատրյանն ասաց․ «Ինքն է նախաձեռնել իմփիչմենթը, թող իմփիչմենթի զանգն էլ ինքը խփի։ Մենք ասում ենք 28 պատգամավոր կա»։
Դիտարկմանը, թե Մալյանը պատգամավոր չէ, գործընթացը ինքը չի կարող սկսել, Խաչատրյանն ասաց․ «Բա ինքը ի՞նչ կարող է անել, փողոցային պայքա՞ր, դե թող գնա փողոցում պայքարի, տեսնենք՝ քանի՞ հոգի է բերելու․․․թող իմփիչմենթի պրոցեսը սկսեն, մենք մեր վերաբերմունքը կարտահայտենք»։
Նա նաև հայտնեց, որ երբեք չեն ասել, թե միակ ընդունելի գործիքը ընտրություններն են, իրենք ասել են՝ բոլոր հնարավոր միջոցները՝ ընտրություններ և փողոցային պայքար։
«Ապրելու երկիր» կուսակցության համահիմնադիր Մեսրոպ Առաքելյանի ֆեյսբուքյան գրառումը․ «2025թ․ մայիսին սննդամթերքի գնաճը կազմել է 7,4%։ Մրգերը թանկացել են 13,4%-ով, բանջարեղենը՝ 29%-ով։
Աշխատավարձերի և թոշակների ինդեքսավորումը պետք է դառնա պարտադիր նորմ։ Այսինքն ամեն տարի աշխատավարձերը և թոշակները պետք է բարձրանան առնվազն գնաճի չափով, ինչպես մի շարք երկրներում է նախատեսված»:
Նիկոլ, դու ո՞վ ես, որ Վեհափառի հեռացման կոչ ես անում։ Այս մասին ֆեյսբուքյան իր էջում գրել է Հայաստանի հանրապետական կուսակցության գործադիր մարմնի անդամ Էդուարդ Շարմազանովը։
«Մեր եկեղեցու հիմնադիրները Հիսուսի առաքյալներն են՝ Թադեւոսն ու Բարդուղիմեոսը։
Մեր Վեհափառը նստած է Գրիգոր Լուսավորչի գահին։
Հայոց Վեհափառը՝ Աստծո օծյալ է, դու՝ ո՞վ ես։
Ասեմ՝ դու Ադրբեջանի ու Թուրքիայի օրակարգ սպասարկողներից մեկն ես։
Դու իրականացնում ես Հայաստանն «Արեւմտյան Ադրբեջան» դարձնելու ծրագիրը ու հայոց եկեղեցին է քո համար գլխավոր խոչընդոտը։
Մարտահրավեր ես նետում մեր եկեղեցուն,նշանակում է մարտահրավեր ես նետում հայ ազգին ու հայոց պատմությանը։
Բելն էլ էր Հայկի վրա հարձակվում,բայց «թքեց փայտիկին»։
Հիմա էլ դու՞…
Բոլորս պետք է ամուր պաշտպանենք ինքներս մեզ ու մեր հայրենիքի սիմվոլ հայոց եկեղեցին ու նրա հայրապետին», – եզրափակել է Շարմազանովը։
Հայաստանի Հանրապետությունում բացահայտ կերպով ահաբեկչություն է ծրագրվում՝ պետական մակարդակով: Այս մասին ֆեյսբուքյան իր էջում գրել է Մայր աթոռ Սուրբ Էջմիածնի Թանգարանների և արխիվի տնօրեն Հայր Ասողիկ Կարապետյանը:
«Ո՞ւր եք Երկրի համապատասխան կառույցներ, որտե՞ղ եք պետական ներկա ու նախկին գործիչներ, պատգամավորներ և մնացյալ հանգամանավոր անձեր... Մի՞թե այդքան կույր եք և այդքան խուլ: Մի՞թե այդքան նվաստ եք, այդքան վաճառված հոգիներ, որ Ձեր նենգ խաղերի սլաքներն ուղղում եք Սուրբ Եկեղեցուն և Սրբություն Սրբոց Մայր Աթոռ Սուրբ Էջմիածնին: Ինչ է, ժողովրդին բախմա՞ն եք տանում: Սուրբ Եկեղեցու բակն արյա՞մբ եք ուզում լցնել...
Լսեցեք և կանգ առեք, ապիկարներ, ոչ մի եկեղեցական՝ ամենախոնարհ սպասավորից մինչև բարձրաստիճան, երբեք ձեզ թույլ չի տա պիղծ ձեռքերով ու անձերով Սուրբ Էջմիածնի և նրա Ազգընտիր ու Աստվածարյալ Հայրապետի վրա սուր բարձրացնել:
Հայոց Եկեղեցում հուդաներ չկան, որ վաճառվեն և Տիրոջ Օծյալի դեմ ամբոխի ուղեկցեն: Հայոց Եկեղեցում ամեն մի սպասավոր առաքյալ է՝ պատրաստ նահատակվելու»,-գրել է նա:
Նման քննարկում և նախաձեռնություն այս պահին չկա։ Ես ինքս էլ որևէ քննարկման չեմ մասնակցել, նման քննարկում չի եղել: Այս մասին լրագրողների հետ զրույցում ասաց Էդուարդ Հակոբյանը, պատասխանելով հարցին, թե կոնկրետ ի՞նչ մասով է եկեղեցին հիմա հարկեր վճարում և գուցե նախաձեռնություն լինի, որ եկեղեցին հարկային դաշտում հայտնվի:
Հակոբյանը հիշեցրեց նաև իր ասուլիսում արված մեջբերումները. «Ես ասել եմ, որ հարկերը պետք է վճարենք, որպեսզի կարողանանք լիարժեք երջանիկ դառնալ: Վարչապետն էլ այս վերջին ելույթի ժամանակ նշեց կրթություն, առողջապահություն, ճանապարհներ, անվտանգություն, բազմաթիվ բաներ, առանց որոնց երջանկություն ունենալը անհնար է»,
Հակոբյանը չպատասխանեց այն հարցին, թե ինչպես է վերաբերում իշխանության ներկայացուցիչների կողմից եկեղեցու վերաբերյալ հայտարարություններին՝ նշելով, որ դա ՊԵԿ նախագահին չվերաբերող հարց է. «Այն մասով, ինչ մասով որ եկեղեցին հարկ վճարում է, այդ հարկերը վճարում է որևէ խնդիր չկա։ Իմ ՊԵԿ նախագահ եղած ժամանակաշրջանում նման խնդրի չեմ առնչվել, բայց քանի որ հարցը բարձրացնում եք, ավելի մանրամասն կփորձեմ հասկանալ, եթե նման խնդիր կա։ «Մենք վարչարարություն ենք իրականացնում, եթե վարչարարության ընթացքում կնկատենք որևէ խնդիր, համապատասխան գործիքակազմով կտեղեկացնենք, կհուշենք մեր եկեղեցուն, որ այս խնդիրները կան, խնդրում ենք շտկեք։
Այն մասով, որով եկեղեցին առևտրային գործունեություն է իրականացնում, այդ մասով պարզ է, որ պետք է վճարի հարկեր։ Այն մասը, որը եկեղեցական գործունեությանն է վերաբերվում, այդ մասով հարկեր որպես այդպիսին չի վճարում»,–ասաց նա։
Լոս Անջելեսում ընթացող բողոքի ցույցերի ժամանակ ոստիկանի արձակած կրակոցից ավստրալացի լրագրող է տուժել։ Տեսանյութը տարածվել է համաշխարհային լրատվամիջոցներում։
Ըստ ԶԼՄ–ների ոստիկանը կրակել է ռետինե փամփուշտով։
Հիշեցնենք` արդեն 3 օր է` ԱՄՆ–ում մարդիկ ցույցեր են անում` բողոքելով միգրացիոն նոր քաղաքականությունից։ ԱՄՆ ներգաղթի և մաքսային ոստիկանությունը (ICE) հունիսի 7-ին անօրինական միգրանտներին հայտնաբերելու գործողություն է իրականացրել Լոս Անջելեսի կենտրոնում, գործողությունը վերաճել է ցուցարարների հետ բախումների: ԱՄՆ նախագահ Դոնալդ Թրամփը քաղաք է մտցրել Ազգային գվարդիայի 300 զինվորական և սպառնացել է 500 ծովային հետևակ ուղարկել։
Վերջին տվյալներով՝ երեկ Լոս Անջելեսում բողոքի ցույցերի ժամանակ առնվազն 27 մարդ է ձերբակալվել։
Երևանում հունիսի 9-ի և 12-14-ի երեկոյան, 10-ի գիշերը և երեկոյան հնարավոր է կարճատև անձրև և ամպրոպ, ամպրոպի ժամանակ քամու ուժգնացում՝ 15-18 մ/վ արագությամբ։ Հունիսի 11-ին, 12-13-ի գիշերը սպասվում է առանց տեղումների եղանակ։ Այս մասին հայտնում են «Հիդրոօդերևութաբանության և մոնիթորինգի կենտրոն»-ից:
Մարզերում հունիսի 9-ի, 11-13-ի կեսօրից հետո, 10-ի և 14-ի գիշերը և կեսօրից հետո առանձին շրջաններում սպասվում է կարճատև անձրև և ամպրոպ, հնարավոր է նաև կարկուտ։ Հունիսի 11-13-ի գիշերը սպասվում է առանց տեղումների եղանակ։ Քամին՝ հյուսիսարևմտյան՝ 2-5 մ/վ, ամպրոպի ժամանակ սպասվում է քամու ուժգնացում՝ 18-22 մ/վ արագությամբ։
Օդի ջերմաստիճանը հունիսի 10-ի ցերեկը կնվազի 2-3, հունիսի 11-13-ին աստիճանաբար կբարձրանա 3-5 աստիճանով։
Ֆոտո
