Հունգարական պահպանողական կուսակցության՝ «Ֆիդես – Հունգարական քաղաքացիական միության» անդամ Իշտվան Բոլդոգն առաջարկել է Coca-Cola ընկերության արտադրանքը բոյկոտել նույնասեռական զույգի պատկերով նոր գովազդի հայտնվելուց հետո: Քաղաքական գործիչն այս մասին հայտնել է իր ֆեյսբուքյան էջում, փոխանցում է «ՌԻԱ Նովոստի»-ն:
«Ես դեմ եմ Coca-Cola-ի գովազդային արշավին: Մինչեւ նրանք Հունգարիայից չվերացնեն իրենց սադրիչ պաստառները, ես նրանց արտադրանքը չեմ գործածի»,- նշել է Բոլդոգը:
«Սերը սեր է» եւ «Ոչ մի շաքար, ոչ մի դատապարտում» կարգախոսներով գրառումները երկրում հայտնվել են Sziget երաժշտական փառատոնի անցկացումից առաջ:
Համացանցում նաեւ ստորագրահավաք է սկսվել՝ պաստառները հեռացնելու պահանջով եւ «հնարավորինս արագ ու սանձել նույնասեռական լոբբին՝ ուղղված երեխաներին, ընտանիքին եւ ընդհանրապես հանրությանը»: Իրենց ստորագրությունն են դրել արդեն ավելի քան 27 հազար մարդ:
0Comments