Հայաստանի ֆուտբոլի ազգային հավաքականը կխաղա աշխարհի 2026 թվականի առաջնության ընտրական փուլի F խմբում: Վիճակահանությունն այսօր կայացել է Ցյուրիխում։
Ազգային թիմերը բաժանված են 12 խմբերի, որոնց հաղթողները կստանան ԱԱ-ի ուղեգիր: Եվս 4 ուղեգիր կխաղարկվի անցումային խաղերում:
F խմբում Հայաստանի հավաքականի մրցակիցները կլինեն Ազգերի լիգայի փլեյ-օֆֆ փուլի Պորտուգալիա-Դանիա զույգի հաղթողը, ինչպես նաև Հունգարիայի և Իռլանդիայի հավաքականները:
Ընտրական փուլը կսկսվի 2025 թվականի մարտին և կավարտվի 2026 թվականի մարտին: 2026 թվականի աշխարհի առաջնությունը համատեղ կանցկացնեն ԱՄՆ-ն, Մեքսիկան և Կանադան:
0Comments