Նախկին առաջին տիկին Մելանյա Թրամփի՝ Մելանիայի հուշերը լույս կտեսնեն այս աշնանը, որը նրա գրասենյակը նկարագրել է որպես «հզոր և ոգեշնչող պատմություն մի կնոջ մասին, որը կերտել է իր սեփական ուղին, հաղթահարել դժվարություններն ու հասել անձնական կատարելության», -news.am-ի փոխանցմամբ՝ գրում է ABC News-ը։ Սա ԱՄՆ նախկին առաջին տիկնոջ առաջին հուշերն են։
«Մելանիա» գիրքը կհրատարակի Skyhorse Publishing-ը, որը նաև տպագրել է Դոնալդ Թրամփի այնպիսի կողմնակիցների աշխատանքներն, ինչպիսիք են Նյու Յորքի նախկին քաղաքապետ Ռուդոլֆ Ջուլիանին և փաստաբան Ալան Դերշովիցը:
Skyhorse Publishing հրատարակչությունը միաժամանակ համագործակցել է երրորդ կուսակցության թեկնածու Ռոբերտ Ֆ. Քենեդի կրտսերի և Թրամփի նախկին ինսայդեր Մայքլ Քոհենի հետ:
«Նախկին առաջին տիկինն ընթերցողներին հրավիրում է իր աշխարհ՝ առաջարկելով արտասովոր կյանքով ապրած կնոջ ինտիմ դիմանկարը», - ասված է հուշերի ազդագրում: Հուշերը ներառում են անձնական պատմություններ և ընտանեկան լուսանկարներ, որոնք նա նախկինում երբեք չի դարձրել հանրության սեփականություն:
0Comments