Շոտլանդիայում հայտարարել են, որ այսուհետ կուղբերը կհամարվեն պաշտպանության ենթակա կենդանիներ, հաղորդում է Press Association-ը:
Շոտլանդիայի կառավարոթյունում հաստատել են, որ կուղբերը ներառվել են Ողնաշարավոր կենդանիների պաշտպանության Եվրոպական կոնվենցիայում:
Նման կոչով մասնավորապես հանդես է եկել Շոտլանդիայի վայրի բնության հիմնադրամը:
Կուղբերի պաշտպանության վերաբերյալ քննարկումներն անցկացվել են անցյալ տարվա հոկտեմբերին եւ մասնակիցների 83 տոկոսը կողմ է արտահայտվել կրծողներին հատուկ պահպանվող կենդանիների ցուցակում ներառելուն:
Օրենքի համաձայն, որն ուժի մեջ կմտնի ընթացիկ տարվա մայիսից, կուղբերի որսը կթույլատրվի միայն լիցենզիայի առկայության դեպքում, որը կտրվի Շոտլանդիայի վայրի բնության հիմնադրամի կողմից:
Լիցենզիաները կտրվեն Ողնաշարավոր կենդանիների պաշտպանության Եվրոպական կոնվենցիայի համաձայն:
0Comments