ՌԴ նախագահ Վլադիմիր Պուտինը դեկտեմբերի 19-ին կայցելի Մինսկ։ Բելառուսի մայրաքաղաքում նա բանակցություններ կվարի Ալեքսանդր Լուկաշենկոյի հետ։
Քննարկվելու են անվտանգության, տնտեսական համագործակցության, ի հայտ եկած մարտահրավերներին արձագանքելու միջոցառումների հարցեր։ Այս մասին հայտնում է Բելառուսի նախագահի մամուլի ծառայությունը։
Կրեմլը դեռ չի հաստատել բանակցությունները, գրում է Կոմերսանտը։
Բանակցությունները կսկսվեն ընդլայնված կազմով։ Դրանց կմասնակցեն Ռուսաստանի եւ Բելառուսի նախագահները, կառավարությունների անդամները, նախարարները, գերատեսչությունների ղեկավարները։ Կողմերը կքննարկեն «բելառուս-ռուսական ինտեգրման ամենահրատապ հարցերի ողջ շրջանակը»։
0Comments