Եգիպտոսը զբոսաշրջիկների հոսքը դեպի երկիր մեծացնելու նպատակով Կարմիր ծովի ափին՝ Մարսա Ալամ հայտնի կուրորտային քաղաքից ոչ հեռու նոր օդանավակայան կբացի, գրում է atorus.ru-ն:
Օդանավակայանում առաջին փորձնական թռիչքները կարող են իրականացվել արդեն այս տարվա հունիսի վերջին:
Եգիպտական լրատվամիջոցների տվյալներով՝ օդանավակայանը մոտակա գյուղի պատվին կստանա «Բերենիս» անունը: Նախագծում ներդրումների արժեքը 30 մլն դոլար է կազմել:
Ենթադրվում է, որ օդանավակայանում վայրէջք կատարած առաջին ուղևորները գերմանացիներ կլինեն, քանի որ հենց գերմանական տուրօպերատորներն են Կարմիր ծովի ափին հաստատման նոր հնարավորություններ փնտրում:
0Comments