Կաղամբով կարկանդակ

Հետաքրքիր և համեղ կարկանդակ կաղամբով:

Բաղադրիչներ

Ալյուր - 3.5 բաժակ

Կարագ - 200 գրամ

Ձու - 3 հատ

Կեֆիր կամ անյուղ թթվասեր - 1 բաժակ

Շաքարավազ - 1.5 ճաշի գդալ

Սոդա - 0.5 թեյի գդալ

Աղ - մի պտղունց

Միջուկի Համար

Կաղամբ - 1 կգ

Սոխ - 1 կապ

Մաղադանոս - 1 փոքր փունջ

Սամիթ - 1 փոքր փունջ

Կարագ - 200 գրամ

Ձու - 4 հատ

Աղ

Պատրաստման եղանակը

• Ալյուրը, շաքարավազը սոդան, աղը և կարագը խառնել իրար, հետո ավելացնել ձուն և կեֆիրը, ստանալ փափուկ խմոր։

• Խմորը տեղադրել սառնարանում , մինչև միջուկի պատրաստելը։

• Կաղամբը բարակ -բարակ կտրատել, աղով համեմել և թողնել ման 20 րոպե։

• Մանր կտրատել կանաչին և սոխը։

• Ձուն պինդ եփել, սառեցնել և կտրատել խորանարդիկների։

• Կաղամբը եթե ջուր է տվել քամել։

• Հալեցնել կարագը, հարել 1 ձվի սպիտակուցը, մինչև խիտ փրփրելը։

• Ավելացնել կաղամբին կտրատած կանաչին, սոխը, ձուն, փափկեցված կարագը, և հարած սպիտակուցը։

• Համեմել աղով։

• Բաժանել խմորը 2 մասի, մեկը մյուսից մեծ։

• Խմորի մեծ մասը գրտնակել , բացել տապակի չափով և տեղադրել տապակի մեջ ( տապակը նախորոք յուղել)։

• Խմորի վրա տեղադրել միջուկը. Ապա բացաց երկրորդ շերտը։

• Վրան քսել 1 ձվի մնացած դեղնուցը։

• Տեղադրել ջեռոց և եփել 180 աստիճանի տակ 30-40 րոպե։