Հայաստանը կմասնակցի 2024 թ-ին Մալմյոյում կայանալիք «Եվրատեսիլ» երգի մրցույթին: Մրցույթի պաշտոնական էջը ներկայացրել է մասնակից երկրների ցանկը:
«37 երկրների Հանրային հեռարձակողները հաստատել են իրենց մասնակցությունը «Եվրատեսիլ» երգի մրցույթին, որը կայանալու է մայիսին՝ Շվեդիայի Մալմյո քաղաքում»,-գրված է մրցույթի ինստագրամյան էջում:
«Եվրատեսիլը» կանցկացվի 68-րդ անգամ: Մրցույթը կայանալու է մայիսի 7-ին, 9-ին եւ 11-ին:
«Եվրատեսիլ 2023»-ում երկրորդ անգամ հաղթել էր Շվեդիան ներկայացնող Լորինը, որն իր երկրին նախորդ հաղթանակը շնորհել էր 2012-ին: Հայաստանն այս տարվա մրցույթին ներկայացնում էր Բրյունետը:
0Comments