Իրանը հետևում է Ադրբեջանի զարգացումներին և պահվածքին: Այս մասին ապրիլի 3-ին լրագրողների հետ զրույցում հայտարարեց «Հայաստան-Իրան համագործակցության զարգացման» հիմնադրամի ղեկավար Պույա Հոսեյնին։
Նրա գնահատմամբ՝ Իսրայելը Ադրբեջանին զենք է մատակարարում, որն ուղղված է ոչ միայն Հայաստանի, այլև Իրանի դեմ։
«Եթե Իրանը թուլանա, նրանք կարող են օգտվել իրավիճակից և նրա դեմ երկրորդ ճակատ բացել Հարավային Կովկասից»,- կարծում է նա։
Հոսեյնին հավելել է, որ Իրանը և Հայաստանը պետք է համագործակցություն հաստատեն անվտանգության ոլորտում, քանի որ այս հարցում փոխկապակցված են։ «Իրանն ու Հայաստանը բախվում են տարածաշրջանային նմանատիպ սպառնալիքների, ուստի անվտանգության ոլորտում համագործակցությունը պետք է հասնի այնպիսի մակարդակի, որը վերականգնի խախտված հավասարակշռությունը»,- ընդգծել է նա։
0Comments