Քիմ Քարդաշյանը կրկին ուշադրության կենտրոնում է. ռեալիթի շոուի աստղը իսկական նորաձևության ֆուրոր է արել Նյու Յորքում Skims x Nike փոփ-ափ բուտիկի բացմանը։

44-ամյա ոճային աստղը ներկայացել է բաց մոխրագույն, կիսաթափանցիկ կոմբինեզոնով, որը կատարելապես ընդգծում էր նրա հայտնի կազմվածքը։ Կերպարը լրացվում էր կողքերին սպիտակ շերտերով և կարերի վրա Nike-ի և Skims-ի լոգոներով. անսովոր դիզայնը ստեղծում էր կոստյումի վրայից ներքնազգեստ կրելու պատրանք։ 

Քիմը իր յուրօրինակ կերպարը լրացրել է մոխրագույն սրածայր կոշիկներով և գլխակապով։ Նրա մուգ մազերը ազատորեն սահում էին աքսեսուարի տակ, իսկ այտոսկրերի շեշտադրմամբ դիմահարդարումն էլ ավելի էր ընդգծում կերպարը։ 

Ի դեպ, սա պարզապես շքեղ ելույթ չէ. հանդերձանքը NikeSkims-ի նոր կապսուլային հավաքածուի մաս է կազմում, որը պաշտոնապես մեկնարկում է սեպտեմբերի 26-ին։ Հավաքածուն կներառի վերնաշապիկներ, լեգինսներ և այլ կազմվածքը ձևավորող իրեր, որոնք հատուկ նախատեսված են սպորտի և ակտիվ կենսակերպի համար։