Վրաստանի նախագահը մեղադրել է արտասահմանյան հատուկ ծառայություններին՝ երկրում իշխանության տապալման կոչերի համար
Հոկտեմբերի 30, 2025

Վրաստանի նախագահը մեղադրել է արտասահմանյան հատուկ ծառայություններին՝ երկրում իշխանության տապալման կոչերի համար

By Հոկտեմբերի 05, 2025 119

Վրաստանի նախագահ Միխեիլ Կավելաշվիլին մեղադրել է արտասահմանյան հատուկ ծառայություններին՝ երկրում իշխանության տապալման կոչերի համար, հաղորդում է Վրաստանի Առաջին ալիքը։

«Երեկ Վրաստանում ընտրությունները կայացել են ժողովրդավարության բարձրագույն չափանիշների պահպանմամբ։ Ցանկանում եմ խորին շնորհակալությունս հայտնել Վրաստանի Կենտրոնական ընտրական հանձնաժողովին և դրա յուրաքանչյուր աշխատակցին՝ ցուցաբերած բարձր պրոֆեսիոնալիզմի համար», — հայտարարել է նախագահը բրիֆինգի ժամանակ։

 

Կավելաշվիլին շնորհավորել է «Վրացական երազանք» կուսակցությանը՝ ընտրություններում հաղթանակի կապակցությամբ։

Բացի այդ, Վրաստանի նախագահը մեկնաբանել է Թբիլիսիում տեղի ունեցած իրադարձությունները, որոնք ուղեկցել են ընտրություններին։

«Ցավոք, զուգահեռ անցկացվել է ակցիա, որը ուղղված էր իշխանության տապալմանը։ Մեր հասարակությունը ականատես եղավ վանդալիզմի գործողությունների և կոչերի։ Չնայած մեր քաղաքացիների քաղաքացիական վարքագծի բարձր չափանիշին, Վրաստանում դեռևս գործում են ուժեր, որոնք գործում են արտասահմանյան հատուկ ծառայությունների հանձնարարությամբ։ Հասարակությունը տեսավ, թե ինչպես էին նրանք իրենց պահում այստեղ՝ այն վայրի մոտ, որտեղ մենք գտնվում ենք։

Վնասվել և կոտրվել է քաղաքի մի տեսարժան վայրի շուրջը գտնվող ցանկապատը, որը ես հաճախ եմ այցելում, որտեղ լինում են բազմաթիվ մարդիկ և զբոսաշրջիկներ, որոնք վայելում են այդ գեղեցկությունը — և այս ամենը երեկ ավերվել է։ Նման բռնի գործողության իրականացումը նախագահի վարչակազմի շենքի մոտ չպետք է անպատիժ մնա։ Կրկնում եմ՝ արտասահմանյան հատուկ ծառայությունների կողմից կազմակերպված ուժերը երեկ կոչ էին անում Վրաստանի քաղաքացիներին տապալել իշխանությունը։ Սա անպատիժ չի մնա — կհետևի խիստ արձագանք», — հայտարարել է Միխեիլ Կավելաշվիլին։

 

Rate this item
(0 votes)

Լրահոս

Ֆոտո

Թրամփը նախատեսում է Հունգարիայի վարչապետի հետ հանդիպել նոյեմբերի 8-ին

Ինչպես է Ֆրենսիս Քուրկջյանը վերստեղծել «փողի հոտը»

ՀՀ-ում համաներում չի սպասվում

Ալեքսանդրա Գրիգորյանը դարձավ Եվրոպայի չեմպիոն. նա նոր ռեկորդ սահմանեց

Ուկրաինայի գլխավոր շտաբը հայտնել է ռուսական երկու նավթավերամշակման գործարանների nչնչացման մասին

Եղեք զգոն հանրային տարբեր վայրերում անվճար Wi-Fi ցանցերից օգտվելուց. ՆԳՆ

Իրանում արգելվել է Հելոուինը

ՀԱՄԱՍ-ը հերքել է իսրայելական ուժերի վրա հարձակումը

2026 թ–ի ընտրություններն ավելի թանկ կարժենան, քան 2021–ինը. ԿԸՀ

Գազայի հատվածում ավիահարվածների հետևանքով զոհվել է 104 պաղեստինցի, այդ թվում՝ 46 երեխա և 20 կին

ԱՄՆ-ն փորձել է կազմակերպել Վենեսուելայի նախագահի առևանգումը․ AP

Բրազիլիայում զոհերի թիվը հասել է 100-ի. ոստիկանության և ավազակախմբի բախումը շարունակվում է

Մենք աջակցում ենք Հայաստանի և Ադրբեջանի հարաբերությունների կարգավորման գործընթացին. Կայա Կալաս

Լիտվան առնվազն մեկ ամսով փակել է Բելառուսի հետ սահմանը

Երևանի հեռուստաաշտարակից թվային հեռուստատեսային հեռարձակումը ժամանակավորապես կդադարեցվի