Ներմուծման մաքսատուրքերի փոխադարձ բարձրացման ֆոնին ԱՄՆ ֆինանսների նախարար Սքոթ Բեսենթը չի բացառում Միացյալ Նահանգների և Չինաստանի միջև առևտրային հարաբերությունների խզումը: Այս մասին նա ասել է Bloomberg TV-ին տված հարցազրույցում:
«Խզումը պարտադիր չէ, բայց նման բան կարող է տեղի ունենալ», – ասել է Բեսենթը։
Նախարարը նշել է, որ երկու երկրների միջև համաձայնության կարելի է հասնել, բայց ընդգծել է, որ Չինաստանի հետ համաձայնագիր կնքելն ավելի դժվար կլինի, քան մյուս երկրների հետ, քանի որ «Չինաստանն ինչպես մեր խոշորագույն տնտեսական մրցակիցն է, այնպես էլ մեր խոշորագույն ռազմական հակառակորդը»:
«Ինչ-որ պահի նախատեսվում է շատ բան անել», – հայտարարել է պաշտոնյան՝ հավելելով, որ ԱՄՆ նախագահ Դոնալդ Թրամփի սահմանած մաքսատուրքերը «կատակ չեն»:
«Դրանք մեծ թվեր են: Ես մտածում եմ, որ այն մարդիկ, որոնք կարծում են, թե դրանք կայուն են, չեն ցանկանում, որ դրանք մնան այդ նույն մակարդակին», – ասել է ԱՄՆ ֆինանսների նախարարը:
Ավելի վաղ նախագահ Դոնալդ Թրամփը սոցցանցերում գրել էր, որ ոչ ոք անպատիժ չի մնա, «հատկապես Չինաստանը, որն, անկասկած, մեզ ամենից վատ է վերաբերվում»։
Ապրիլի 12-ից Չինաստանը բարձրացրել է ԱՄՆ-ից ներմուծվող բոլոր ապրանքների նկատմամբ մաքսատուրքերը՝ հասցնելով դրանք 125%-ի։ Ապրիլի 10-ին ԱՄՆ նախագահ Դոնալդ Թրամփը Չինաստանից ներկրվող ապրանքների նկատմամբ մաքսատուրքերը բարձրացրել էր մինչև 145%:
Latest from Live24
- Ուկրաինան պատրաստ է իրական զինադադարի. Զելենսկի
- Սպիտակ տունը պահանջել է, որ Զելենսկին կոստյումով և փողկապով ներկայանա Թրամփի հետ հանդիպմանը
- Սպիտակ տանը շուտով կմեկնարկի Թրամփի հանդիպումը Զելենսկիի և եվրոպացի առաջնորդների հետ
- Նիկոլ Փաշինյանն ու Իլհամ Ալիևը որոշել են համատեղ դիմում ներկայացնել Դոնալդ Թրամփին Խաղաղության Նոբելյան մրցանակ շնորհելու հարցով
- Ես ավարտեցի 6 պատերազմ ընդամենը 6 ամսում․ ես ոչնչացրի Իրանի միջուկային օբյեկտները. Թրամփ
- Կարևոր օր Սպիտակ տանը. մեծ պատիվ է Ամերիկայի համար. Թրամփ
- ՀԱՄԱՍ-ը համաձայնել է ազատ արձակել Գազայում պահվող իսրայելցի պատանդների կեսին՝ պաղեստինցի բանտարկյալների հետ փոխանակելու համար
- Պուտինը Ալյասկայի բնակչին «Ուրալ» մոտոցիկլ է նվիրել
Լրահոս
Ֆոտո
