Մերձավոր Արևելքում աշխարհաքաղաքական ռիսկերի նվազման ֆոնին այսօր առավոտյան սկսել է նվազել նաև ոսկու բորսայական գինը։

Ավելի վաղ ԱՄՆ նախագահ Դոնալդ Թրամփը հայտարարել էր, որ Իսրայելն ու պաղեստինյան ՀԱՄԱՍ շարժումը պայմանավորվածություն են ձեռք բերել Գազայի հատվածի կարգավորման ծրագրի առաջին փուլի իրականացման շուրջ: Առաջին փուլում ՀԱՄԱՍ-ը կազատի իսրայելցի պատանդներին, իսկ Իսրայելն իր զորքը հետ կտանի մինչև անկլավի ներսում համաձայնեցված գիծը՝ միևնույն ժամանակ իսրայելական բանտերից ազատ արձակելով հարյուրավոր պաղեստինցիների, այդ թվում՝ ահաբեկչության համար ցմահ դատապարտվածներին: