Երևանի ներկայիս գործողությունները չեն հակասում Եվրասիական տնտեսական միության (ԵԱՏՄ) առջև ստանձնած պարտավորություններին։ ՏԱՍՍ-ին այս մասին ասել է Ռուսաստանի արտաքին գործերի նախարարության ԱՊՀ երկրների առաջին դեպարտամենտի տնօրեն Միքայել Աղասանդյանը։ 

Նա նշեց, որ մինչ այժմ Հայաստանի հայտարարությունները Եվրամիությանը միանալու մտադրության մասին միայն «քաղաքական հռչակագրեր» են։

«Միևնույն ժամանակ, բազմիցս ընդգծվել է, այդ թվում՝  Օվերչուկի կողմից, որ երկու միավորումների միաժամանակ անդամ լինելը անհնար է՝ դրանց բնույթից ելնելով», - նշել է Աղասանդյանը։ 

«Ներկայումս Հայաստանի գործողությունները չեն հակասում ԵԱՏՄ-ի շրջանակներում նրա պարտավորություններին։ Մենք կշարունակենք հետևել գործնական քայլերին։ Ոչ ոք չի արգելում Հայաստանին համագործակցել այլ երկրների հետ. ԵԱՏՄ բոլոր անդամներն էլ դա անում են։ Գլխավորն այն է, որ նման համագործակցությունը չհակասի Միության շրջանակներում նրա պարտավորություններին։ Առայժմ դա այդպես չէ»։

Դիվանագետի խոսքով՝ միությանը Հայաստանի մասնակցության բնույթը չի փոխվել և մնում է կառուցողական։ Երկիրը «ակտիվորեն աշխատում է ԵԱՏՄ-ում և տեսնում է իր մասնակցությունից օգուտներ»։

«Այո, առևտուրը նվազել է, բայց սա անկայուն իրավիճակ է: Նախկինում աճ էր նկատվում, բայց հիմա ամեն ինչ վերադառնում է ավելի բնականոն հունի։

Եթե նայենք վերջին տարիների դինամիկային, ապա 2015 թվականին ԵԱՏՄ-ին Հայաստանի անդամակցությունից ի վեր, գործընկերների հետ նրա առևտուրը կտրուկ աճել է»։