Ազգային ժողովը մոտ 20 մլն դրամ կծախսի «Ամառային դպրոց 2025»-ի համար
Օգոստոսի 30, 2025

Ազգային ժողովը մոտ 20 մլն դրամ կծախսի «Ամառային դպրոց 2025»-ի համար

By Օգոստոսի 01, 2025 62

ՀՀ Ազգային ժողովը 19 միլիոն դրամ կծախսի «Ամառային դպրոց 2025»-ի համար։ Այս մասին տեղեկանում ենք ծառայության պետական գնման պայմանագրից։ Ամառային դպրոցը նախատեսված է օգոստոսի 17-30-ը, կմասնակցի ընդհանուր առմամբ 60 երեխա:

Ծախսերը ներառում են տրանսպորտ, սնունդ, հյուրանոց (առնվազն 4-աստղանի հյուրանոց՝ Երևանի փոքր կենտրոնից մինչև 3 կմ հեռավորության վրա), խորհրդանշական նվերներ (արտաքին լիցքավորիչներ՝ power bank, շապիկներ, բաժակներ, թերմոսներ և այլն):

Նախատեսվում է նաև ապահովել մասնակիցների այցելությունները թանգարաններ, պատկերասրահներ, կինոթատրոններ, օպերա, նաև ռեստորաններ:

Ծառայությունները պատվիրված են «Լոռե Թրավել» ընկերությանը։

Նշենք, որ 2024 թվականին ևս «Ամառային դպրոցը» կազմակերպել է «Լոռե Թրավելը»․ պետգնման պայմանագիրն արժեցել է 22 միլիոն դրամ։ Ընկերության սեփականատերը գործարար Վլադիմիր Գևորգյանն է, որը հիմնադրել է «Գևորգիան Կոնցեռնը»։ Ըստ մամուլի հրապարակումների՝ կոնցեռնի կազմում են Վլադիմիր Գևորգյանին և նրա ընտանիքին առնչվող մի շարք ընկերություններ՝ «Կոնցեպտ Իվենթս», «Օլ հոթելս», «Պեցցո», «Լոռե Թրավել» և այլն։ Այս ընկերությունները տարբեր ժամանակներում հաղթել են պետական գնումների մի քանի տասնյակ մրցույթներում և, օրինակ, 2024թ․ կազմակերպել «Հայաստանի Հանրապետության վարչապետի գավաթ» սիրողական լողի մրցաշարը, «Հայաստանի Հանրապետության վարչապետի գավաթ» դպրոցականների թիմային խճուղավազքի մրցաշարը, «Գավառը՝ 2024 թվականի ՀՀ երիտասարդական մայրաքաղաք» միջոցառումը, «Հայաստանի Հանրապետության վարչապետի գավաթ» սիրողական սեղանի թենիսի մրցաշարը և այլն։

«Գևորգիան կոնցեռնը» նախորդ տարի 438 միլիոն 627.600 դրամ դրամաշնորհ էր ստացել ՀՀ ԿԳՄՍՆ-ից՝ Երևանում կայանալիք զինվորականների ըմբշամարտի աշխարհի 37-րդ առաջնության անցկացումը (ներառյալ նախապատրաստական աշխատանքները) կազմակերպելու համար։

Իսկ այս տարի Վլադիմիր Գևորգյանին պատկանող ընկերություններից մեկն էլ կազմակերպել էր Բասկետբոլի Մ20 տարեկանների Բ դիվիզիոնի 2025 թվականի առաջնությունը, որն անցկացվում էր Երևանում։

Rate this item
(0 votes)

Լրահոս

Ֆոտո

Ռուսաստանի ԱԳՆ-ն իրանական լրատվամիջոցներին մեղադրել է «ոչ հավաստի հրապարակումների» մեջ

ՀՀ-ն և Ադրբեջանը ԱՊՀ-ում համագործակցության աշխատանքների մասնակցելու շահագրգռվածություն են դրսևորում

«Վիլլերոյ & Բոխ» խանութ-սրահում հայտնաբերվել են վտանգավոր մանկական բաժակներ

Կա՛մ դիմում եք գրում, կա՛մ դառնում ՔՊ-ական․ «Հրապարակ»

Ովքեր են կազմակերպել Հայաստան-Պորտուգալիա խաղի տոմսերի վաճառքն ու ինչ կապ ունեն Մելիքբեկյանի հետ

Տարադրամի փոխարժեքները օգոստոսի 30-ին

Արագացված արտաքսումներ չեն լինի. ԱՄՆ դատարանի որոշումը

Ռուսաստանի ԱԳՆ-ն հյուպատոսություն կբացի Կապանում

Ինչու են Ռուսաստանում դիմել նման քայլի. «Փաստ»

ԱՄՆ դատարանը Թրամփի մաքսատուրքերի մեծ մասը անօրինական է ճանաչել

Մակրոնը և Մերցը պլանավորում են հանգստյան օրերին խոսել Թրամփի հետ. Bloomberg

Հունվարից մենք խնայել ենք տասնյակ միլիարդավոր դոլարներ. Ռուբիո

USAID–ն պաշտոնապես փակվում է. գործընթացը կգլխավորի Ռասել Վոուտը. Ռուբիո

Ռուսաստանի ՆԳՆ-ն այլ երկրներում գրանցված ավտոմեքենաների տուգանքների նոր կանոններ է առաջարկել

ՀՀ վարչական դատարանի որևէ դատավոր բերման չի ենթարկվել և ձերբակալված չէ․ ԲԴԽ մամուլի խոսնակ