Հայաստանի ֆուտբոլի ազգային հավաքականի և ռուսական «Կրասնոդարի» կիսապաշտպան Էդուարդ Սպերցյանը կարող է կարիերան շարունակել Իսպանիայի առաջնությունում։ Տեղեկությունը հայտնում է «Arménie Football»-ը:

Լրատվամիջոցի տեղեկություններով՝ իսպանական «Ժիրոնան» արդեն բանակցություններ է սկսել ֆուտբոլիստի հնարավոր տրանսֆերի շուրջ:

Նշվում է, որ այժմ քննարկվում է տեղափոխության գումարը: Աղբյուրը հայտնում է, որ իսպանական ակումբին կմիանա ևս մեկ կիսապաշտպան, սակայն դա ոչ մի կերպ չի ազդի հայ կիսապաշտպանի տրանսֆերի վրա:

Հիշեցնենք, որ նախորդ մրցաշրջանում Էդուարդ Սպերցյանը «Կրասնոդարի» կազմում անցկացրել է 35 հանդիպում, խփել է 11 գոլ և կատարել 7 գոլային փոխանցում: Հայ ֆուտբոլիստի տրանսֆերային արժեքը 25 մլն եվրո է: