Ազգային Ժողովի նախագահ Ալեն Սիմոնյանը համաձայնություն է տվել Գլխավոր դատախազ Աննա Վարդապետյանի միջնորդագրին՝ Սեյրան Օհանյանի և Արծվիկ Մինասյանի նկատմամբ քրեական հետապնդում սկսելու համար։

Այս մասին տեղեկացնում է ԱԺ-ի կայքը։ 

Գլխավոր դատախազ Աննա Վարդապետյանը միջնորդագիր է ներկայացրել ԱԺ նախագահ Ալեն Սիմոնյանին՝ թույլ տալու հանրային քրեական հետապնդում հարուցել ԱԺ «Հայաստան» խմբակցության ղեկավար Սեյրան Օհանյանի և խմբակցության քարտուղար Արծվիկ Մինասյանի նկատմամբ:

2,9 միլիոն ընդհանուր բնակչություն ունեցող Հայաստանում 75 հազար ներգաղթյալ է ապրում։ Նման տվյալներ է ներկայացրել Global relocate հանդեսը։

Հայաստանը աշխարհում վարկանիշային աղյուսակում զբաղեցնում է 23-րդ հորիզոնականը։

3,8 միլիոն բնակչություն ունեցող Վրաստանում ընդամենը 2 հազար ներգաղթյալ կա։ Ըստ վարկանիշային աղյուսակի՝ ներգաղթյալների ամենամեծ թիվը  Միացյալ Նահանգներում է (1,3 միլիոն մարդ):

Գերագույն ռադայի նախկին պատգամավոր Իլյա Կիվայի սպանության մեջ կասկածվողը ձերբակալվել է, հաղորդում է База-ի թելեգրամյան ալիքը։

Ռուսաստանցի քննիչների պնդմամբ՝ Արայիկ Ամիրխանյանը զոհի գտնվելու վայրի մասին տեղեկությունները փոխանցել է Ուկրաինայի Անվտանգության վարչությանը։ Մարդասպանը 2023 թվականին Մոսկվայի մարզում կրակել է Կիվայի վրա:

Ըստ База-ի՝  Укравтодор-ի նախկին «խոշորագույն կապալառու», Հայաստանի 44-ամյա քաղաքացի Արայիկ Ամիրխանյանը կասկածվում է Գերագույն ռադայի նախկին պատգամավոր Իլյա Կիվայի սպանությանը մասնակցելու մեջ։

Արայիկին անգամ կալանավորվելու կարիք չեղավ. երբ Կիվայի սպանության գործով զբաղվող քննիչները հայտնաբերեցին նրա հետքը, նրանք իմացան, որ մայիսի սկզբին Ամիրխանյանը կաշառակերության մեղադրանքով ուղարկվել է Մոսկվայի մարզի թիվ 8 նախնական կալանքի կենտրոն։ Ըստ աղբյուրների՝ քննիչները ենթադրում են, որ Ամիրխանյանը շահել է Կիվայի վստահությունը, հետևել է նրան, ապա Ուկրաինայի Անվտանգության վարչության աշխատակիցներին իր բնակության վայրի մասին տեղեկություններ է փոխանցել։

Ամիրխանյանի համար, ըստ երևույթին, դժվար չէր Կիվայի վստահությունը շահելը։ 2010-ականների երկրորդ կեսին Արայիկը մեծ աղմուկ բարձրացրեց Ուկրաինայում. Ամիրխանյանը ներգրավված էր ճանապարհային բիզնեսում, և Արայիկի անունը հաճախ էր հայտնվում «Ուկրավտոդոր»-ի հետ կապված սկանդալներում։ 2021 թվականին Ամիրխանյանը կասկածվում էր բյուջետային միջոցներից 500 միլիոն գրիվնա հափշտակելու մեջ, իսկ ավելի ուշ Վլադիմիր Զելենսկին նրան զրկեց Ուկրաինայի քաղաքացիությունից՝ դա բացատրելով նրա հայկական անձնագիր ունենալւ փաստով։

Ուկրաինայում դավաճանության և մի քանի այլ մեղադրանքների մեջ մեղադրվող Իլյա Կիվան սպանվել է 2023 թվականի դեկտեմբերի 6-ին։ Կիվայի մարմինը հայտնաբերվել է ձյան մեջ փորի վրա ընկած Սուպոնեվո գյուղում՝ «Վելիչ քանթրի քլաբ» հյուրանոցի տարածքում։ Մարդասպանն իր զոհին սպասելիս է եղել ակումբամերձ անտառում։

Առիթ եղել է խոսելու, որ հայկական պետականության տակ ականները սկսվել են շարվել դեռևս վաղ 90-ականներից: Այս համատեքստում 1993թ.-ին Խորհրդային Հայաստանի ՊԱԿ նախկին ղեկավար Մարիուս Յուզբաշյանի սպանությունը և դրա չբացահայտումը մեր նորագույն պատմության ամենամութ էջերից է: Այս մասին իր ֆեյսբուքյան էջում գրել է պատմական գիտությունների թեկնածու Միհրան Հակոբյանը: 

Յուզբաշյանը միութենական երկրների միակ ՊԱԿ ղեկավարն էր, որ գեներարալ-լեյտենանտի կոչում ուներ, Յուզբաշյանը երկար տարիներ աշխատել է Արևմտյան Ուկրաինայում, Արևելյան Գերմանիայում ու Մոսկվայում (ՊԱԿ-ի գլխամասում) և խորհրդային արտաքին անլեգալ հետախուզության գլխավոր պատասխանատուներից էր ու ամենաիրազեկ սպաներից մեկը:

Պաշտոնաթող գեներալ Յուզբաշյանի սպանության վարկածները, որ պտտվել է մամուլում և խոհանոցային զրույցներում, այն էր՝ «Յուզբաշյանին սպանել է ՀՀՇ-ն, որովհետև նա շատ բան գիտեր «Ղարաբաղ կոմիտեի» մասին», «Յուզբաշյանին սպանել է ՀՅԴ-ն, որովհետև նա շատ բան գիտեր դաշնակցականների մասին», «Յուզբաշյանին սպանել է ՊԱԿ-ը (որն արդեն գոյություն չուներ), որովհետև նա շատ բան գիտեր արտասահմանում ՊԱԿ-ի հատուկ գործողությունների և գործակալական ցանցի մասին», մի խոսքով՝ մեկը մյուսից անհեթեթ ու անտրամաբանական վարկածներ, իսկական պատի տակի խոսակցություններ:

Մինչդեռ մինչ օրս չբացահայտված է մնում հույժ կարևոր մարդու սպանության դեպքը, ավելին՝ Յուզբաշյանն ու նրա սպանությունը վաղուց մոռացության են մատնված: Եվ, սա մեծ կասկածների տեղիք է տալիս, որովհետև ո՞վ կարող է բացառել, որ Յուզբաշյանը սպանվել է, քանզի նախկին պաշտոնի բերում տեղեկացված էր, թե որ երկիրը (օրինակ՝ Թուրքիան, Մեծ Բրիտանիան և այլն) ինչ գործակալական ցանց է ներդնում Հայաստանում:

Գործակալական ցանց, որը գործում է պետական ապարատում, պաշտպանության ու ֆինանսական ոլորտներում, անգամ Եկեղեցում: Ցանց, որը տարիներով քաղցկեղի պես պետք է տարածվեր և ամբողջ ուժգնությամբ հարվածեր հայկական պետականությանը 2018-ին՝ փորձելով ոչնչացնել այն, ինչ հայերի ողնաշարն է՝ պետությունը, բանակը, Արցախը, հիմա արդեն Եկեղեցին:

Ո՞վ կարող է բացառել, որ Յուզբաշյանը գիտեր, թե իրականում ով է Ռուբինյան Կարապետը, Ժոկոն, Քոչարյան Անդրանիկը, Միքայելյան Սասունը, Մելքոնյան Գագիկը ու էլի շատ շատերը, որոնք տարիներ անց (մի մասն իրենց զավակներով) պետք է հայկական պետականությունն ու ինքնությունը մատաղ անեին թուրքերին և ադրբեջանցիներին՝ Նիկոլի գլխավորությամբ:

Ոչ մեկը սա չի կարող բացառել, ոչ մեկը, որովհետև հարցը բաց է՝ ով և ինչու 1993-ի հուլիսի 21-ի առավոտյան Կոմիտասի անվան պանթեոնում մարզանք անելուց սպանեց ԽՍՀՄ և Խորհրդային Հայաստանի հետախուզության ու հակահետախուզության ոլորտում ամենատեղեկացված մարդկանցից մեկին՝ գեներալ-լեյտենանտ Մարիուս Արամի Յուզբաշյանին:

Ն.Ս.Օ.Տ.Տ. Արամ Ա․ Վեհափառ Հայրապետի նախագահությամբ տեղի է ունեցել Կիլիկիա վերլուծական հարթակի առցանց նիստը։

Ժողովը նախ լսեց զեկույց Բեռնում անցկացված Արցախի հոգևոր և մշակութային ժառանգության պահպանմանը նվիրված համաժողովի մասին։ Խոսվեց Շվեյցարիայում Արցախի իրավունքների պաշտպանության համար իրականացված տարբեր նախաձեռնությունների մասին։ Մասնավորապես ընդգծվեց խորհրդարանական հանձնախմբի ձևավորումը, որը կոչ է անում երկխոսություն սկսել Արցախի և Ադրբեջանի ներկայացուցիչների միջև։ Այս համատեքստում վերահաստատվեց Արցախի պետական կառույցների շարունակական գործունեության իրավական նշանակության կարևորությունը։

Ժողովի մասնակիցները խորը մտահոգություն են հայտնել Հայաստանում բարձրաստիճան եկեղեցականների նկատմամբ իշխանությունների հրապարակումների պատճառով առաջացած մթնոլորտի վերաբերյալ։ Նրանք անընդունելի են համարել հարցերի՝ այս ձեւով բարձրացումն ու արծարծումը, որոնք ներհասարակական լարվածություն է ստեղծում։

Քիչ առաջ հայտնի դարձավ, որ Գլխավոր դատախազ Աննա վարդապետյանը դիմում է ներկայացրել ԱԺ-ին՝ միջնորդելով, որ խորհրդարանը թույլ տա քրեական գործ հարուցել ԱԺ «Հայաստան» խմբակցության ղեկավար Սեյրան Օհանյանի և նույն խմբակցության քարտուղար Արծվիկ Մինասյանի հանդեպ:

ArmLur.am-ը տեղեկացավ, որ դատախազը Խորհրդարան է ներկայացրել 68 էջանոց մեղադրանք, որ վերաբերում է Բնապահպանության նախարար աշխատած Արծվիկ Մինասյանին։

Ըստ մեղադրանքի՝ Արծիկ Մինասյանը չարաշահել է պաշտոնեական դիրքը որպես նախարար և թույլ է տվել՝ ՊՆ նախկին նախարար Սեյրան Օհանյանի համար առանձնատուն կառուցվի Սևանա լճի ափին Դրախտիկ գյուղում՝ ՀՀ նախկին ոստիկանապետ Վլադիմիր Գասպարյանի առանձնատան կողքին։

Գլխավոր դատախազն ԱԺ պատգամավորներ Սեյրան Օհանյանի և Արծվիկ Մինասյանի նկատմամբ քրեական հետապնդում հարուցելուն համաձայնություն տալու միջնորդագրեր է ներկայացրել ՀՀ ազգային ժողովի նախագահին։

Հրապարակի փոխանցմամբ՝  խոսքը վերաբերում է Սեւանի ափին գտնվող Սեյրան Օհանյանի ամառանոցին: 

Արծվիկ Մինասյանի դեպքում մեղադրանքը նույնպես վերաբերում է Սեյրան Օհանյանի ամառանոցի հետ կապված թույլտվություններ տալուն:

Միջնորդագրին ամբողջությամբ ծանոթացեք հետեւյալ հղմամբ՝

http://www.parliament.am/draft_docs8/1102_S.Ohanyan.pdf

Բոլշևիկները ստեղծեցին իրենց սեփական կրոնը՝ պատարագով, նահատակներով և ապակե մասունքատուփի մեջ դրված անապակ «սուրբ մարմնով»։ Այս մասին տելեգրամյան իր ալիքում գրել է Սուրբ Աթոռում ՀՀ նախկին դեսպան Միքայել Մինասյանը` նկատի ունենալով Լենինի դամբարանը:

«Սա կարելի էր համարել ամենածիծաղելի կատակը, բայց մտածեք.

- Բուրգ-դամբարանը բոլորին ծանոթ հավերժության խորհրդանիշ է, միայն թե փարավոնի մարմնի փոխարեն հեղափոխության առաջնորդն է։

- Սարկոֆագը նման է սրբի տապանի, որտեղ պետք է հանգչի սրբի մարմինը։ Միակ տարբերությունն այն է, որ խաչի փոխարեն կարմիր աստղ է։

- Նոր առաքյալներն ու սրբերը, որոնց աճյունն ամփոփված է Կրեմլի պատի մեջ, Լենինի գործի համար ամենահայտնի մարտիկներն են։

- Բոլշևիկներն ադապտացրել են նաև Սուրբ Երրորդությունը. Մարքսը «հայրն» է, Լենինը «որդին» է, իսկ «հոգին»՝ կոմունիզմի ուրվականը Կոմունիստական կուսակցության մանիֆեստից։

Զարմանալի չէ, որ հեղափոխություններն ու հեղափոխականները միշտ բարդ հարաբերություններ ունեն կրոնի և եկեղեցու հետ։ Ահա թե ինչու նրանք ստիպված են ստեղծել սիմուլյակրներ (պատճեններ)․ ինչպես Գերագույն Էակի պաշտամունքը Մեծ Ֆրանսիական հեղափոխության ժամանակ, ինչպես Լենինի դամբարանը և բոլշևիկյան Երրորդությունը, ինչպես 2018 թվականի Նիկոլի դեմքով սրբապատկերները։

Հավանաբար ծիծաղելի է Նիկոլին հիշատակել այս ցուցակում, բայց ինձ համար այս ցուցակում կարևորը ոչ թե մարդկանց և իրադարձությունների կալիբրն է, այլ նրանց կողմից օգտագործվող տեխնոլոգիան:

Հավատքը պաշտպանելը նշանակում է մերժել հեղափոխությունը, որովհետև հեղափոխությունը հիմնված է զանգվածների հավատքի վրա։ Եվ այն չի հանդուրժի որևէ այլ հավատք»,- գրել է նա:

Ուկրաինայի զինված ուժերի հատուկ գործողությունների ուժերի ստորաբաժանումները հունիսի 9-ի գիշերը, համագործակցելով Ուկրաինայի պաշտպանության ուժերի այլ ստորաբաժանումների հետ, հարված են հասցրել Ռուսաստանի Նիժնի Նովգորոդի մարզում տեղակայված «Սավասլեյկա» օդանավակայանին։

Ռուսական կործանիչները, որոնց թվում՝ ՄիԳ-31-ը և Սու-30/34-ը, խոցվել են Ուկրաինայի պաշտպանության ուժերի կողմից, հաղորդում է Online.ua-ն։

ԱԺ «Հայաստան» խմբակցության ղեկավար, պաշտպանության նախկին նախարար Սեյրան Օհանյանը տեղյակ չէ, որ գլխավոր դատախազն իր եւ Արծվիկ Մինասյանի նկատմամբ հանրային քրեական վարույթ հարուցելու հարցով միջնորդագիր է ներկայացրել ԱԺ նախագահին։

«Ծանոթ չեմ, որեւէ մեկնաբանություն չեմ կարող տալ»,– NEWS.am–ի հետ զրույցում ասաց Օհանյանը։

Նշենք, որ Ազգային ժողովից մեզ հայտնել են, որ հարցն առաջիկայում կքննարկվի։