Այն ժամանակ Արցախի խնդրի հետ կապված հարցեր կային, հիմա, երբ այդ խնդիրները չկան, կարծում եմ` ավելի սերտ հարաբերություններ կսկսեն ձևավորվել։ Այս մասին Սպուտնիկ Արմենիայի հետ զրույցում նշել է Պոլսո հայոց պատրիարք Սահակ արքեպիսկոպոս Մաշալյանը՝ խոսելով հայ-թուրքական հարաբերությունների մասին։

-Ինչպե՞ս եք գնահատում Հայաստանի և Թուրքիայի միջև հարաբերությունների կարգավորման գործընթացը։ Որքանո՞վ է այն համապատասխանում ժամանակի պահանջներին։

– Թուրքիայի հայերը մշտապես աջակցել են հայ–թուրքական հարաբերությունների կարգավորմանը, սակայն երկու երկրի հարաբերությունները պետք է երկարաժամկետ հեռանկարում դիտարկել, քանի որ խոսքը 100 տարվա թշնամանքի մասին է։ Մեծ հաջողություն է նույնիսկ խաղաղության մասին խոսելը, ձեր գալը, դռները բացելը, ճանապարհները, սահմանները, դիվանագիտական հարաբերությունները վերսկսելը։ Այն ժամանակ Արցախի խնդրի հետ կապված հարցեր կային, հիմա, երբ այդ խնդիրները չկան, կարծում եմ` այդ պատնեշները կսկսեն վերանալ, և ավելի սերտ հարաբերություններ կսկսեն ձևավորվել։ Իհարկե, ցանկանում ենք, որ շուտ լինեն, բայց պետությունների կյանքը, ազգային կյանքը հազարավոր տարիներով է չափվում։ Հետևաբար այս գործընթացը, որը մի քանի տարի առաջ է սկսվել, ըստ իս` ճիշտ ընթացքով է գնում։ Միշտ աջակցել ենք Թուրքիայի և Հայաստանի հարաբերությունների զարգացմանը, որովհետև մենք այսպես ասած հատուկ տեղ ունենք հայ աշխարհում։ Մենք ո՛չ արցախահայ ենք, ո՛չ սփյուռքահայ, այլ հայկական այն մասնիկն ենք, որ Ցեղասպանությունից հետո մնացել ենք Թուրքիայում, ապրել ենք Թուրքիայում, լեզու գտել և պահպանել ենք մեր հաստատություններն ու կառույցները մինչև այսօր։

Այլընտրանք չկա, քանի որ խաղաղության դեպքում երկու կողմն էլ շահում են, թշնամության դեպքում` կորցնում։ Լինում է, որ անցյալը պետք է մոռանաս։ Դեռևս ամբողջությամբ չենք կարող մոռանալ, բայց պետք է նորը կերտելու համար նորին դիմես։ Հետևաբար այդ իմաստությունն են ունեցել այստեղի հայերը, և դրա շնորհիվ պահպանել ենք մեր կառույցները, մեր հայկական կյանքը Թուրքիայում։ Սա, օրինակ, դաս է Հայաստանի և սփյուռքի համար։ Նայեք դեպքերին, որոնցից 100 տարուց ավելի է անցել. ո՛չ հայերն են այդ ժամանակվա հայերը, ո՛չ թուրքերն են այդ ժամանակվա թուրքերը։ Հետևաբար նոր պայմաններ են եկել, որոնց համաձայն` պետք է կերտենք մեր քայլերը։ Անցյալի համար չենք կարող ապրել։ Անցյալից դասեր կքաղենք, մենք մեր օրերով պետք է ապրենք, և մեր օրերը ստիպում են, որ կողմերը լավ հարաբերություններ ունենան։ Այսինքն՝ կա՛մ որպես թշնամիներ իրար դեմ կկանգնենք, կա՛մ իրար բարեկամ կդառնանք։

– Թուրքիայում էլ կա՞ հայերի հետ բարեկամանալու նման պատրաստակամություն։

– Պատրաստակամություն թուրքական հասարակության մեջ կա, օրինակ՝ թուրքերենով հայկական հարցի մասին գրքերի պահանջարկը մեծ է։ Թուրքիայի հասարակությունը հույս ունի, որ ճանապարհները կբացվեն, կբարեկամանան։ 30 տարվա ընթացքում առնվազն 200 000 հայ եկավ Թուրքիա ու գնաց, նրանք տեսան, թե թուրքերը ինչպիսին են, ինչպես կարելի է հարաբերվել։ Հավանաբար թուրքական կառավարության այսպես ասած ճկունություն էր, որ այստեղ ապրող հայաստանցիները որևէ վատ վերաբերմունք չտեսան՝ «հայաստանցի» ասելով, «հայ» ասելով։ Հայկական կողմի նկատմամբ վստահություն է ստեղծվել, այսինքն՝ նրանք ճանաչեցին, թե հայը ով է, իսկ հայաստանցիները ճանաչեցին, թե թուրքը ով է։

Հետևաբար հաշտությունը դիվանագիտական մակարդակից ժամանակի ընթացքում կիջնի կրթական մակարդակի։ Այսինքն՝ թե՛ թուրքերը, թե՛ հայերն իրենց դասագրքերում բարեկամությունը սնուցող տարրեր պետք է մտցնեն, որը ժամանակ է պահանջում, որովհետև երկու ազգն էլ իրենց ազգային ինքնությունը հիմնել են թշնամության վրա։ Այսինքն՝ եթե Հայաստանում մեկին «թուրք» ես ասում, դա կռվի պատճառ է, այստեղ էլ, եթե երկու թուրք կռվում են, մեկը մյուսին «էրմենի» (հայ) է ասում, նրանք էլ վատ են ընդունում։ Մենք պետք է բարեկամությամբ տասնյակ տարիներ ապրենք, որպեսզի այն հեքիաթ դառնա։ Մենք թուրքերի հետ միասին ապրելու 1000-ամյա փորձ ունենք։ Ուրեմն այս 1000 տարվա ընթացքում միշտ վատ բաներ չեն եղել, չէ՞։ Լավ բաներ են եղել, և այդ լավ բաները պետք է առաջին պլան մղել։

Մանրամասները՝ սկզբնաղբյուր կայքում 

ԼՀԿ առաջնորդ Էդմոն Մարուքյանը քաղբանտարկյալներ Սամվել Կարապետյանի և Միքայել սրբազանի հետապնդման վերաբերյալ նամակով դիմել է Եվրոպայի խորհրդի Խորհրդարանական վեհաժողովի Մոնիթորինգի հանձնաժողովում Հայաստանի պարտավորությունների հարցով համազեկուցողներ Բորիանա Աբերգին և Պիերո Ֆասսինոյին, ինչպես նաև ԵԽ Մարդու իրավունքների հանձնակատար Մայքլ Օ’Ֆլահերթին։

Հարգելի գործընկերներ,

Հաշվի առնելով, որ ես նույնպես ընդգրկված եմ եղել ԵԽԽՎ Մոնիթորինգի հանձնաժողովում և մենք համատեղ ծավալել ենք արդյունավետ գործունեություն Եվրոպայի խորհրդի չափանիշները պաշտպանելու և առաջ մղելու գործում, դիմում եմ ձեզ որպես Եվրոպայի ազատականների և ժողովրդավարների դաշինքի (ALDE) անդամ ուժի՝ Լուսավոր Հայաստան կուսակցության առաջնորդ, նախկին գործընկեր և իրավապաշտպան։

Տեղյակ եմ, որ երեկ հանդիպել եք Հայաստանի Հանրապետության վարչապետ Նիկոլ Փաշինյանի հետ։ Ուստի ցանկանում եմ ներկայացնել Հայաստանում տիրող իրավիճակը, քանի որ վստահ չեմ, որ այդ հարցերը բարձրաձայնվել են նրա կողմից։

2025թ. հունիսի 17-ից ապօրինի կալանավորված է բարերար Սամվել Կարապետյանը՝ միայն հարցազրույց տալու համար։ Նրա հարցազրույցը միտված էր Հայ Առաքելական Սուրբ Եկեղեցու պաշտպանությանը, և հենց այդ պատճառով նա այժմ պահվում է նախկին Հայկական ԽՍՀ Պետական անվտանգության կոմիտեի նկուղում (հայ ժողովրդին առավել հայտնի՝ որպես ԿԳԲ-ի «պոդվալ»)։ Սամվել Կարապետյանի փաստաբանների բոլոր բողոքները ընդդեմ ապօրինի կալանքի մերժվել են վերադաս դատարանների կողմից, իսկ միջնորդությունները նրա կալանքը որևէ այլընտրանքային խափանման միջոցով փոխելու վերաբերյալ նույնպես մերժվել են։ Օգոստոսի 15-ին Սամվել Կարապետյանի կալանքի ժամկետը նույն ապօրինի մեղադրանքի հիմքով ևս երկու ամսով երկարացվել է։

Հունիսի 28-ից նույն կալանավայրում է նաև Հայ Առաքելական Սուրբ Եկեղեցու Շիրակի թեմի առաջնորդ Միքայել արքեպիսկոպոս Աջապահյանը՝ կրկին հարցազրույց տալու համար։ Հարկ եմ համարում ընդգծել, որ Միքայել սրբազանը վարչապետի իմպիչմենթի գործընթացի շրջանակում խորհրդարանական ընդդիմության միասնական վարչապետի թեկնածուն է և ունի 36 պատգամավորի ստորագրություն։ Միքայել սրբազանի փաստաբանների բոլոր բողոքները ընդդեմ ապօրինի կալանքի, ինչպես նաև դատաքննության ընթացքում ներկայացված միջնորդությունները ևս մերժվել են։

Սույն թվականի սեպտեմբերի 29-ին դատարանը Աջապահյանին մեղավոր է ճանաչել հարցազրույց տալու համար, որը փորձ է արվել տեղավորել ՀՀ Քրեական օրենսգրքի 422-րդ հոդվածի 2-րդ մասի ձևակերպումների մեջ։ Հանրային մեղադրողը միջնորդել է դատարանին որպես պատիժ կիրառել 2 տարի 6 ամիս ազատազրկում։ Հոկտեմբերի 3-ին դատարանը պետք է հրապարակի Միքայել սրբազանի նկատմամբ նշանակվող պատժի չափը։

Ի՞նչ է սա, եթե ոչ ազատ խոսքի համար քաղաքական հետապնդում և խոսքի ազատության կոպտագույն սահմանափակում։ Ի՞նչ է սա, եթե ոչ Եվրոպայի խորհրդի երեք հիմնարար արժեքների խախտում՝ մարդու իրավունքների, ժողովրդավարության և իրավունքի գերակայության։

Հարգարժան գործընկերներ,

ձեր ուշադրությունն եմ հրավիրում Հայաստանում տիրող իրավիճակի վրա և կոչ եմ անում չդառնալ մեր երկրում հակաժողովրդավարական գործընթացների եվրոպական հովանավորներ։ Տեղի ունեցող զարգացումները կոպտորեն ոտնահարում են Մարդու իրավունքների և հիմնարար ազատությունների եվրոպական կոնվենցիան և չեն համապատասխանում Եվրոպայի խորհրդի հիմնադիր փաստաթղթերին, մարդու իրավունքների, ժողովրդավարության և իրավունքի գերակայության սկզբունքներին, ինչպես նաև Հայաստանի Հանրապետության ստանձնած միջազգային պարտավորություններին։

Խնդրում եմ պահանջել Հայաստանի Հանրապետության վարչապետից՝ անհապաղ դադարեցնել այս ապօրինի քրեական հետապնդումները և ազատ արձակել բարերար Սամվել Կարապետյանին ու Հայ Առաքելական Սուրբ Եկեղեցու Շիրակի թեմի առաջնորդ Միքայել արքեպիսկոպոս Աջապահյանին։

Լիահույս եմ, որ այս նամակից զատ մոտ ապագայում հնարավորություն կունենանք հանդիպել Ստրասբուրգում, որտեղ ավելի մանրամասն կներկայացնեմ այս քաղաքական հետապնդումների փաստերը և Հայաստանի Հանրապետության ետընթացի այլ դրսևորումները ժողովրդավարության հիմնարար չափանիշների տեսանկյունից։

Հարգանքով,
ԼՀԿ նախագահ
Էդմոն Մարուքյան

ԱՄՆ կառավարությունը պաշտոնապես դադարեցրել է իր գործունեությունը կեսգիշերին, այն բանից հետո, երբ Կոնգրեսը և Սպիտակ տունը չեն կարողացել համաձայնության գալ դաշնային ֆինանսավորման երկարաձգման վերաբերյալ։ Այս մասին հայտնում է NBC news-ը։

Նախագահ Դոնալդ Թրամփի Հանրապետական ​​կուսակցությունը վերահսկում է Կոնգրեսի երկու պալատները, սակայն նրան անհրաժեշտ է դեմոկրատների աջակցությունը՝ Սենատում օրինագիծն ընդունելու համար, որտեղ անհրաժեշտ է 60 ձայն։ Երկու կուսակցություններն էլ չկարողացան մշակել երկկուսակցական օրինագիծ, քանի որ Սենատը մերժեց և՛ Հանրապետական ​​կուսակցության, և՛ դեմոկրատների առաջարկները՝ կառավարության փակման վերջնաժամկետից ընդամենը մի քանի ժամ առաջ։

Կարգավորման հստակ ուղի չկա, քանի որ երկու կողմերն էլ հիմնարարորեն տարաձայնություններ ունեն փակուղու լուծման վերաբերյալ։

Սա, հավանաբար, կհանգեցնի հարյուր հազարավոր աշխատողների չվճարվող արձակուրդի, և շատ կառավարական ծրագրեր ու ծառայություններ կդադարեցվեն։

Կոնգրեսի բյուջետային գրասենյակը հայտարարել է, որ ամեն օր մոտ 750,000 աշխատակից կհայտնվի արձակուրդում, մինչդեռ մյուսները, ովքեր աշխատում են կարևոր աշխատանքներում, ինչպիսիք են Տրանսպորտային անվտանգության վարչության գործակալները, օդային երթևեկության կարգավարները, դաշնային իրավապահ մարմինների աշխատակիցները և զինվորականները, ստիպված կլինեն աշխատել առանց վարձատրության։

Մասնակի միացումից հետո աշխատանքները պիտի շարունակվեն մինչ ծրագրի ամբողջական ավարտը. այն պետք է կառուցվի երկու շղթայով, մինչև Դդմաշեն (Սևան քաղաքի մոտակայքում), որտեղ պիտի կառուցվի ևս մեկ ենթակայան։

«Արդյունքում Իրան–Հայաստան էլեկտրաէներգիայի փոխհոսքերի թողունակությունը կավելանա` ներկայիս 330-ից հասնելով ավելի քան 1 000 ՄՎտ–ի։ Սակայն դա տեղի կունենա միայն այն ժամանակ, երբ լարման գիծը կառուցվի ամբողջությամբ (երկու շղթայով) և միանա Դդմաշենի ենթակայանին։ Մասնակի ավարտից հետո (մեկ շղթայով մինչև Նորավանի ենթակայան) գծի թողունակությունը կհասցվի մոտավորապես մինչև 500 ՄՎտ»,–ասացին «Բարձրավոլտ Էլեկտրացանց» ՓԲԸ–ից։

Դդմաշենի ենթակայանը կդառնա մեկ այլ` Հայաստան–Վրաստան բարձր լարման գծի մի մաս, քանի որ Դդմաշենից 400 կիլովոլտանոց գիծը կհասցվի Վրաստանի սահման։ Այստեղ աշխատանքները շուտով կմեկնարկեն։ Դրանք բաժանված են երեք մասի` Դդմաշենի ենթակայան, Այրումի փոխակերպիչ կայան և բուն գիծը, որն ընկած կլինի դրանց միջև։ Փոխակերպիչ կայանը կկառուցվի սահմանին և կապահովի տարբեր հաճախություններով աշխատող հայկական և վրացական էներգահամակարգերի անընդհատ կապը, որն այժմ հատվածային է, և կավելացնի փոխհոսքերի հնարավորությունը։

Նախօրեին Սենատում հանրապետականներն ու դեմոկրատները չեն կարողացել համաձայնության գալ բյուջեի ընդունման շուրջ և նիստն ավարտել է՝ «շաթդաունը» դարձնելով անխուսափելի: Սենատը չի կարողացել ընդունել կառավարության ֆինանսավորման մասին երկու օրինագծերից և ոչմեկը:Սպիտակ տունը հանձնարարել է կառավարական հաստատություններին պատրաստվել աշխատանքի դադարեցմանը:

ԱՄՆ նախագահ Դոնալդ Թրամփն ավելի վաղ հայտարարել էր, որ կարող է կառավարության գործունեության ընդմիջման ժամանակ իրականացնել անձնակազմի և աշխատավարձերի կրճատումներ: Նա դեմոկրատներին է մեղադրել բյուջեն չհամաձայնեցնելու հարցում և խոստացել է ստեղծված իրավիճակն օգտագործել` ազատվելու այն ծրագրերից, որոնք հանրապետականներին դուր չեն գալիս:

Զելենսկին հայտարարել է, որ Զապորոժիեի ատոմակայանում իրավիճակը ճգնաժամային է։ Նրա խոսքով՝ ատոմակայանը արդեն յոթ օր է, ինչ էլեկտրաէներգիա է ստանում դիզելային գեներատորներից, սակայն «գեներատորներն ու ատոմակայանը նախատեսված չեն դրա համար»։

«Մենք տեղեկություններ ունենք, որ գեներատորներից մեկը խափանվել է։ Հենց ռուսներն են խոչընդոտում ատոմակայան տանող էլեկտրահաղորդման գծերի վերանորոգմանը և տարրական անվտանգության վերականգնմանը»,-հավելել է Ուկրաինայի նախագահը։

Կոնգոյի Դեմոկրատական ​​Հանրապետության նախկին նախագահ Ջոզեֆ Կաբիլան հեռակա կարգով մահապատժի է դատապարտվել ռազմական դատարանի կողմից՝ պետական ​​դավաճանության համար, հաղորդում է Le Figaro-ն։

54-ամյա Կաբիլան, որը ներկա չէր Կոնգոյի Դեմոկրատական ​​Հանրապետության մայրաքաղաք Կինշասայում կայացած դատական ​​նիստին և չէր ներկայացված փաստաբանի կողմից, մեղավոր է ճանաչվել «Մարտի 23-ի շարժում» (M23) հակակառավարական զինված խմբավորմանը օգնելու համար։ Կաբիլայի` վերջերս երկրում հայտնվելը մտահոգություն է առաջացրել Կինշասայում, և որոշ դիտորդներ կարծում են, որ դատավճիռը նպատակ ունի կանխելու նրա հետ երկրի ներսում ընդդիմության միավորումը։ Պետության նախկին ղեկավարի (2001-2019) ներկա գտնվելու վայրի մասին տեղեկություններ չկան։

Հունվարից փետրվար ամիսներին Ռուանդայի կողմից աջակցվող M23 շարժումը և դրա ուժերը լայնածավալ հարձակումներ են իրականացրել երկրի արևելքում՝ վերադարձնելով Ռուանդայի հետ սահմանի երկայնքով հսկայական տարածքներ ջախջախված Կոնգոյի բանակից։ Այս ռազմական անհաջողություններից կարճ ժամանակ անց, որոնք թուլացրին Կինշասայի ռեժիմը, Կաբիլան, որը, ըստ իր շրջապատի, լքել էր Կոնգոյի Դեմոկրատական ​​Հանրապետությունը 2023 թվականին, անսպասելիորեն հայտնվեց Գոմայում, որը Հյուսիսային Կիվու նահանգի մայրաքաղաքն է և M23 շարժման հենասյունը։

Կառավարության որոշմամբ, նախկին նախագահի՝ որպես ցմահ սենատորի, խորհրդարանական անձեռնմխելիությունը վերացվեց մայիսի վերջին, և նրա դավաճանության դատավարությունը սկսվեց հուլիսի վերջին

Փաստաբան Լիպարիտ Սիմոնյանը «Ժողովուրդ» օրաթերթին հայտնեց, որ «ՀՀ Վճռաբեկ դատարանի 26․09․2025 թ․ որոշմամբ մեղադրյալ Ջալալ Հարությունյանի և նրա պաշտպանի վճռաբեկ բողոքը վարույթ ընդունելն մերժվել է, և դատավճիռն ստացել է օրինական ուժ։ Դատապարտյալ Ջալալ Հարությունյանը պատիժը կկրի համապատասխան քրեակատարողական հիմնարկում։

Հաշվի առնելով վերոշարադրյալ հիմնավորումները և ղեկավարվելով ՀՀ քրեական դատավարության օրենսգրքի 31-րդ, 281-րդ և 383-րդ հոդվածներով՝ Վճռաբեկ դատարանը

Ո Ր Ո Շ Ե Ց․

ՀՀ վերաքննիչ քրեական դատարանի՝ 2025 թվականի հունիսի 18-ի որոշման դեմ մեղադրյալ Ջալալ Անատոլիի Հարությունյանի և նրա պաշտպան Ա․ Ապրեսյանի վճռաբեկ բողոքները վարույթ ընդունելը մերժել։

Որոշումն օրինական ուժի մեջ է մտնում կայացման օրը։

Նախագահող՝ Հ․ Ասատրյան
Դատավորներ՝ Ս․ Ավետիսյան, Հ․ Գրիգորյան, Ա․ Դանիելյան, Ա․ Պողոսյան

«Հրապարակ» թերթը գրում է. Իշխանություններն արդեն մի քանի շաբաթ է՝ Էջմիածնում «խոդի են տվել» ասֆալտի մեքենաները՝ 24/7 ռեժիմով ասֆալտ փռող մեքենաներն այս բակից այն բակ են տարվում, կարկատաններով բարեկարգում բակերը, փողոցները։ Իսկ ՔՊ-ի թեկնածու Արգիշտի Մեխակյանը օրվա մեծ մասը քաղաքացիների ընդունելությամբ է զբաղված, դեռ չհայտարարված-չսկսված քարոզարշավ է իրականացնում, խոստումներ տալիս` նոր աշխատատեղեր, բակերի բարեկարգում եւ այլն։

Հոկտեմբերի 2-ից կմեկնարկի թեկնածուների առաջադրումը, չնայած մինչ օրս մի քանի կուսակցության անուն է շրջանառվում, որոնք արդեն հայտարարել են Էջմիածնի ընտրություններին մասնակցելու մասին, սակայն չեն բացառում, որ մասնակից ուժերի թիվը մեկ տասնյակի կհասնի, գուցե անգամ անցնի։

ՑԹԻ նախկին տնօրեն, պատմաբան Հայկ Դեմոյանի ֆեյսբուքյան գրառումը.

«Գլխավոր ախտորոշումը
Որքան էլ որ որոշ քաղաքական ընդդիմադիր շրջանակներ փորձում են մերօրյա բոլոր խնդիրների ու ողբերգությունների մեղավոր ու պատասխանատու կարգել Նիկոլ Փաշինյանին, այդուհանդերձ պետք է արձանագրենք, որ դա շատ շահեկան, սակայն մակերեսային մոտեցում է: Իրական խնդիրն ավելի ողբերգական ու սոսկալի բնույթ ունի. ներկայիս հայ հասարակության տակավին զգալի մասը բացահայտ ստահակի ու տականքի կենսակերպ է որդեգրել ու բացարձակապես չի ցանկանում հաշիվ տալ ու պատասխանատու տեսնել իրեն՝ տեղի ունեցած մերօրյա ողբերգությունների բոլոր դրվագներում:

Ստահակության այդ ախտորոշումը հնարավոր է տալ հենց Նիկոլ Փաշինյանի օգնությամբ: Վերջինիս բոլոր մայմունություններն ու խեղկատակությունները, ներդրված գործակալի գործառույթներից բխող հայտարարություններին հավանություն տվող, կեցցեներ ասող ու գովաբանող պաշտոնյային, գիտնականին, լրագրողին, վերլուծաբանին կամ որևէ կոչում ու բնութագրում չունեցող ՀՀ քաղաքացուն հենց այդպես պետք է բնութագրել ու հասարակության հենց այս խմբին պետք է դիտել այս անելանելի թնջուկի գլխավոր պատասխանատու:

Որևէ սկզբունքից ու սկզբունքայնությունից զուրկ, պատվազուրկ, շահամոլ ու ցանկացած գնով ծախվելու պատրաստ այս օրգանիզմներն են սնուցում ու պահում Նիկոլ Փաշինյան կոչված երևույթը: Խոսքն այստեղ բոլորովին չի վերաբերում այն մարդկանց, ովքեր դարձան «թավշյա, ոչ բռնի, ժողովրդական» հորջորջվող այլանդակության զոհը, սակայն ունենալով բարոյականություն ու ինքնախոստովանանքի մարդկային պարզ հատկություններ, գիտակցեցին դա ու ընդունեցին իրենց ստորաբար խաբելու հանգամանքը: Ուշադրություն դարձրեք, որ ես այդ մարդկանց չեմ կարող անվանել սխալ քայլ կատարած անձինք, այլ անվանում եմ խաբեության զոհ դարձածներ:

Իսկ նրանք, ովքեր տակավին ծափահարում, հավանություն են տալիս Նիկոլի գրածներին ու ասածներին ես դավաճան չեմ համարում, քանզի դավաճան համարելու դեպքում պետք է ընդունենք իրենց ազգային ինքնությունը որպես «հայի», հետևաբար սրանց հիմնական ինքնության հիմնական կրող սյուները պետք է համարենք անբարոյականությունն ու ստահակությունը:

Հիմնավորումներ ստահակության դրվագներով
ա. Անբարոյականություն է նախապես ծրագրված ու իրականացված այսպես կոչված «թավշյա, ոչ բռնի, ժողովրդական» հեղափոխությանը շարունակաբար հավատարմություն ցուցաբերելը
բ. Ստահակություն է Հայոց ցեղասպանության պատմական փաստը կասկածի տակ դնողին ու ժխտողին հավատալն ու երկրպագելը
գ. Անբարոյականություն է տիեզերական մասշտաբի ու անգերազանցելի ստախոսություններին հավատալը հավանելն ու չլսելու տալը
դ. Արցախը հայաթափվել է ու դա անողը բացեիբաց խոստովանել է, որ արել է գիտակցաբար՝ համաձայնության գալով Իլհամ Ալիևի հետ:

Անբարոյականների ու ստահակների համար ևս մեկ անգամ կրկնում եմ, թե դա ինչ է նշանակում՝ հանցակցություն ծայրագույն հանցագործության՝ ցեղասպանություն իրականացնելու գործում: Հետևաբար բոլորովին էլ զարմանալ պետք չի, երբ մատնացույց ես անում, որ օրը ցերեկով վերանորոգման անվան տակ պղծել ու ավերել են Հայոց ցեղասպանության հուշահամալիրը, ցույց ես տալիս ակնհայտ կոռուպցիոն ռիսկեր պարունակող փաստերը, միևնույն է, նրանք շարունակելու են հավատարմության աննահանջ նշաններ ցույց տալ թավշուկներին:

Իրենք միևնույն է չեն հասկանում, որ Արցախ տալը հանուն Հայաստանի չէր, այլ իշխանության մնալու և իշխանավարումը երկարացնելու միջոցներից մեկն է, քանզի Ալիևը երբեք չի թաքցրել, որ իր հիմնական թիրախը Հայաստանն է ու ողջ հայությունը, իսկ Արցախը ցեղասպանության միջոցով հայաթափելով մենք այսօր ավելի խոցելի ենք դարձրել մեր երկիրը: Սա անհերքելի փաստ է:

Հասարակության մեջ բարոյականության պարզագույն նորմերի ամրագրումն ու դրանց հիման վրա պետական կառավարման իրականցումը միայն կարող են ապահովել խորքային բուժում ու նոր «հիվանդությունների» կանխարգելում՝ այդ կերպ բացառելով նոր նիկոլների ու նիկոլականների ծնունդը:

Ժողովուրդը նրանք են, ովքեր ապրում են պարզ բարոյականության նորմերով ու մարդկային գրված ու չգրված օրենքներով: Հետևաբար, ժողովուրդը Նիկոլ չի կարող ընտրել, նրանց ընդամենը ժամանակավորապես կարելի է խաբել նիկոլներով»։

Աղբյուրը` Հայկ Դեմոյան