Ռազմական պատմաբան Յուրի Կնուտովը «Россия 24» հեռուստաալիքի եթերում հայտարարել է, որ ուկրաինական ճակատը ոչ միայն քանդվում է, այլ արդեն սկսում է փլուզվել, փոխանցում է RussianMirror-ը։

Նա Զելենսկու և Սիրսկու քաղաքականությունը համեմատեց Հիտլերի քայլերի հետ։

«Իրականում ճակատը ոչ թե պարզապես քանդվում է, այլ այն արդեն փլուզվում է: Զելենսկու և Սիրսկու գործողությունները՝ մեկը մյուսի հետևից հրամանատարներին փոփոխելով նույնությամբ կրկնում են Հիտլերի՝ 1944-1945 թթ-ի գործողությունները, այդ կերպ փորձելով գոնե ինչ-որ կերպ փակել ճակատի ճաքերը, որոնք այժմ ի հայտ են գալիս»,- ասել է Կնուտովը:

Ավելի վաղ ռազմական պատմաբան Կնուտովը հայտարարել էր, որ մարդիկ, ովքեր մնացել են Ուկրաինայում, կիսում են նացիստական ​​գաղափարախոսությունը։

ՆԳՆ ներքին անվտանգության և հակակոռուպցիոն վարչության վերահսկողության արդյունքներով 53 ծառայող ազատվել է աշխատանքից, նախաձեռնվել է 46 քրեական վարույթ։ Այս մասին հայտնում է ՀՀ ՆԳՆ մամուլի ծառայությունը։

«2024 թվականի ընթացքում ՆԳՆ ներքին անվտանգության և հակակոռուպցիոն վարչությունում կատարվել են 1911 ծառայողական քննություններ և ուսումնասիրություններ:
Նախարարության կառուցվածքային ստորաբաժանումների, ենթակա ծառայությունների՝ Ոստիկանության, Փրկարար ծառայության, Միգրացիայի և քաղաքացիության ծառայության ծառայողների, քաղաքացիական ծառայողների և աշխատակիցների, ինչպես նաև ենթակա կազմակերպությունների (ՊՈԱԿ-ների) աշխատողների նկատմամբ կիրառվել են 632 կարգապահական տույժեր։
Մասնավորապես՝

Ոստիկանության ծառայողների և աշխատակիցների նկատմամբ կիրառվել է 561 կարգապահական տույժ, այդ թվում՝
- հայտարարվել է «Նկատողություն»` 274,
- հայտարարվել է «Խիստ նկատողություն»` 95,
- պաշտոնային դրույքաչափն իջեցվել է մինչև 3 ամիս ժամանակով՝ 130,
- պաշտոնն իջեցվել է մեկ աստիճանով՝ 7,
- կոչումն իջեցվել է մեկ աստիճանով՝ 4,
- աշխատանքային պայմանագիրը լուծվել է՝ 1,
- ազատվել են ոստիկանությունում ծառայությունից` 50։
Միաժամանակ, ոստիկանության 21 ծառայող ազատվել է ոստիկանությունում ծառայությունից ոչ կարգապահական տույժի կարգով՝ «Ոստիկանությունում ծառայության մասին» օրենքի 45-րդ հոդվածի 1-ին մասի 9-րդ, 9.1-րդ և 11.1-րդ կետերի հիմքով։
ՆԳՆ կառուցվածքային ստորաբաժանումների քաղաքացիական ծառայողների նկատմամբ կիրառվել է 7 կարգապահական տույժ, մասնավորապես՝ հայտարարվել է 2 «Նախազգուշացում», 5 «Նկատողություն»։
Փրկարար ծառայության ծառայողների նկատմամբ կիրառվել է 27 կարգապահական տույժ, այդ թվում՝
- հայտարարվել է «Նկատողություն»` 11,
- հայտարարվել է «Խիստ նկատողություն»` 12,
- հիմնական աշխատավարձն իջեցվել է մինչև 20 տոկոսով՝ 2,
- ծառայությունը դադարեցվել է՝ 2:

Միգրացիայի և քաղաքացիության ծառայության քաղաքացիական ծառայողների նկատմամբ կիրառվել է 7 կարգապահական տույժ, մասնավորապես՝ հայտարարվել է 3 «Նախազգուշացում», 4 «Նկատողություն»։
ՆԳՆ ենթակա կազմակերպությունների աշխատողների նկատմամբ կիրառվել է 30 կարգապահական տույժ, մասնավորապես՝ հայտարարվել է 23 «Նկատողություն», 7 «Խիստ նկատողություն»։
2024թ․ ընթացքում ՆԳՆ ներքին անվտանգության և հակակոռուպցիոն վարչության կողմից նախապատրաստվել և նախաքննության մարմիններ են ուղարկվել 51 ծառայողական քննությունների նյութեր, որոնցով նախաձեռնվել են 46 քրեական վարույթներ (36-ը՝ ոստիկանության ծառայողների, 1-ը՝ փրկարար ծառայության, 5-ը՝ միգրացիայի և քաղաքացիության ծառայության, 2-ը՝ ՆԳՆ կառուցվածքային ստորաբաժանումների, 1-ը՝ ենթակա կազմակերպությունների աշխատակիցների, 1-ը՝ քաղաքացիների վերաբերյալ։
Դրանք պարունակել են կաշառք ստանալու, պաշտոնեական լիազորություները չարաշահելու կամ անցնելու (այդ թվում՝ բռնության գործադրմամբ կամ դրա գործադրման սպառնալիքով), պաշտոնեական կեղծիքի, պաշտոնեական անփութության, ապացույցներ, բացատրություններ կամ դատավարական փաստաթղթեր կեղծելու, պետական գաղտնիք պարունակող տեղեկություններ հրապարակելու, վստահված գույքի հափշտակության, խարդախության, գողության, շորթման, փաստաթղթեր հափշտակելու, հանցավոր ճանապարհով ստացված գույք ձեռք բերելու կամ իրացնելու, հրազենի, զենքի, ռազմամթերքի պահպանության պարտականությունը չկատարելու կամ ոչ պատշաճ կատարելու, հրապարակային սակարկություններ կամ գնումներ անցկացնելիս չարաշահումների, պետական սահմանն ապօրինի հատելուն օժանդակելու հատկանիշներ։
Ներքին գործերի նախարարությունում հրավիրված կարգապահական հանձնաժողովի 6 նիստի ընթացքում քննարկվել են ոստիկանության 45 ծառայողի վերաբերյալ իրականացված ծառայողական քննությունների 40 նյութեր: Քննարկման արդյունքներով՝ ՆԳ նախարարի և ոստիկանության պետ-ներքին գործերի նախարարի տեղակալի հրամաններով ոստիկանության 43 ծառայողի նկատմամբ կիրառվել են կարգապահական տույժեր, մասնավորապես՝ 3 ծառայողի հայտարարվել է «Նկատողություն», 3 ծառայողի՝ «Խիստ նկատողություն», իսկ 37 ծառայող ազատվել է ոստիկանությունում ծառայությունից։ Բացի այդ, ոստիկանության 1 ծառայողի նկատմամբ իրականացվող ծառայողական քննությունը դադարեցվել է, իսկ 1 ծառայողի նկատմամբ իրականացված ծառայողական քննության նյութերի դրա արդյունքներով կազմված եզրակացության քննարկումը՝ հետաձգվել:
Ներքին գործերի նախարարության առաջնահերթությունների շարքում առանցքային են հանրային հաշվետվողականությունն ու վերահսկողության ապահովումը։ Այս համատեքստում, նախարարությունն առանձնակի ուշադրություն է դարձնում ծառայողական քննությունների և ուսումնասիրությունների արդյունքների հանրային իրազեկմանը, ինչը կարևոր քայլ է թափանցիկության և վստահության ամրապնդման գործում»,- նշված է հաղորդագրության մեջ։

ՀՀ ՆԳՆ ոստիկանություն

Երեքշաբթի օրը` հունվարի 28-ի երեկոյան Երևանի քաղաքապետ Տիգրան Ավինյանը տեսաուղերձի միջոցով հայտարարեց, որ հանրային տրանսպորտի գինը վերանայվել է` դարձել է 150 դրամ` 300 դրամի փոխարեն: Սա փաստացի Ավինյանի երկրորդ հետքայլն է` տրանսպորտի սակագնի բարձրացման հարցում: Թեմայի վերաբերյալ «Հրապարակը» զրուցել է Երևանի ավագանու «Հանրապետություն» խմբակցության անդամ Անի Խաչատրյանի հետ:

- Տիկին Խաչատրյան, քաղաքացիների մոտ տպավորություն է ստեղծվում, թե իշխանությունները` «Հանրապետություն» խմբակցության հետ միասին անմտածված քայլեր են անում, չհիմնավորված թանկացումների գնում: Դրա վառ ապացույցը Ավինյանի երկրորդ հետքայլն էր: Ստացվում է, որ ոչ մի հաշվարկ չե՞ք անում` նման կտրուկ թանկացումից առաջ:

- Ոչ, բնականաբար այդպես չէ, հաշվարկներ արվում են ու դրանք կան, մենք ասել ենք, որ Երևանի կողմից արվող դոտացիաների հաշվին է, որ նման զիջումներ են արվում: Այսինքն` մենք շարունակելու ենք քաղաքային բյուջեից գումար տրամադրել ավտոբուսների համար, քաղաքացիների անհանգստությունների պատճառով: Բայց այնպես չէ, որ նահանջ է ու մենք մեր նախնական ասածներից հետ ենք կանգնել, ոչ, բացարձակ: Ուղղակի առաջարկվում են փաթեթներ ու 150 դրամ:

- Դե, այնպես չէ, որ Երևան քաղաքի բյուջեն ինչ-որ մեկն իր հայրական տնից օժիտ է բերել, դա էլ է քաղաքացիների հարկերի հաշվին գոյանում: Ի դեպ` ո՞վ է հաշվարկներ անո՞ւմ:

- Հաշվարկներն արվում են համապատասխան բաժինների ու վարչությունների կողմից, հաշվարկներ արվել են, ֆինանսները մեզ է ներկայացնում, ինչից հետո մենք էլ մեր մասնագիտական հանձնաժողովներում քննարկում ենք այդ հարցերը:

- Մարդիկ 150 դրամից էլ են դժգոհ, այդ հավելյալ 50 դրամից է՞լ գուցե հետ կանգնեք:

- Գիտեք ինչ, ես 300 դրամի, ներողություն, երեք անգամյայի կողմնակից եմ, ու ես ինքս հետ չէի կանգնի թանկացումից, բայց մեզ մոտ որոշումները մեծամասնությունն է կայացնում, եթե ինձ մնար, կթանկանար տրանսպորտը ավելի շատ:

Առավել մանրամասն` սկզբնաղբյուրում

Ֆրանսիան փետրվարի 12-ին հրավիրում է Ուկրաինայի, Գերմանիայի, Լեհաստանի, Իտալիայի, Իսպանիայի, Մեծ Բրիտանիայի և Եվրամիության արտաքին գործերի նախարարներին, ինչպես նաև ԱՄՆ նոր պետքարտուղար Մարկո Ռուբիոյին Ուկրաինայում պատերազմը քննարկելու համար։ Այս մասին հաղորդում է Reuters-ը՝ վկայակոչելով դիվանագետների:

Դեռևս պարզ չէ, արդյոք Ռուբիոն ներկա կլինի բանակցություններին, ասել են դիվանագետները, ովքեր խոսել են անանունության պայմանով՝ քննարկելու համար հանդիպումը, որը դեռ պաշտոնապես չէր հայտարարվել:

Ռազմական լրագրող, քաղաքագետ Վասիլի Ֆատիգարովը «Ռոսիա 24» հեռուստաալիքի եթերում հայտարարել է, որ արեւմտյան երկրների կողմից Ուկրաինային մատակարարվող զենքերը տարածվել են աշխարհով մեկ, փոխանցում է RussianMirror-ը։

Նրա խոսքով՝ զենքի ու զինամթերքի մնացած քանակությունը օրեցօր նվազում է։

«Հիմա բոլորովին անհասկանալի է, թե ինչ կլինի սրա հետ, քանի որ Թրամփը, ինչպես գիտենք, աուդիտ է պատվիրել, իսկ աուդիտը հստակ կբացահայտի հսկայական չափերի հասնող գողությունը: Զենքերը, որոնք, իբր, առաքվել են Ուկրաինային, տարածվել են աշխարհով մեկ»,- ասել է Ֆատիգարովը: .

Լրագրողը կարծում է, որ մատակարարված զենքը վաճառվել է, իսկ գումարները «գրպանվել են Կիևի պաշտոնյաների կողմից»։

Ավելի վաղ ՆԱՏՕ-ի գլխավոր քարտուղար Մարկ Ռյուտեն Դավոսի Համաշխարհային տնտեսական ֆորումի շրջանակներում հայտարարել էր, որ Եվրոպան պետք է վճարի Կիևին ամերիկյան զենքի նոր մատակարարումների համար։

Թուրքիայի նախագահ Ռեջեփ Թայիփ Էրդողանը Անկարայում ընդունել է պաղեստինյան ՀԱՄԱՍ շարժման պատվիրակությանը:  Այդ մասին հայտնել է Թուրքիայի ղեկավարի գրասենյակը։

«Նախագահ Ռեջեփ Թայիփ Էրդողանը նախագահական համալիրում ընդունել է ՀԱՄԱՍ-ի Շուրայի խորհրդի նախագահ Մուհամմեդ Դարվիշին և ՀԱՄԱՍ-ի պատվիրակությանը»,- նշված է հաղորդագրությունում:

Թուրքական կողմից հանդիպմանը ներկա են եղել նաև արտգործնախարար Հաքան Ֆիդանը և Ազգային հետախուզության ղեկավար Իբրահիմ Քալինը։

Իսրայելը հունվարի 30-ին ազատ կարձակի պաղեստինցի 110 բանտարկյալների, այդ թվում՝ 30 անչափահասների: Այս մասին հայտնել է պաղեստինյան ՀԱՄԱՍ շարժման՝ գերիների հարցերով գրասենյակը:

Նշվում է, որ փոխանակման գործարքի առաջին փուլի շրջանակում ազատ կարձակվեն 32 ցմահ ազատազրկման դատապարտված գերիներ, երկար ժամկետներով 48 ազատազրկվածներ և 30 երեխաներ:

Ավելի վաղ պաղեստինյան ՀԱՄԱՍ շարժման ռազմական թևի՝ «Ալ-Քասամ» բրիգադների ներկայացուցիչները հայտարարել էին, որ հինգշաբթի օրը կազատեն իսրայելցի ևս երեք պատանդների:

Դուբայից Մոսկվա թռչող «Победа» ավիաընկերության Boeing 737 մարդատար ինքնաթիռը Կասպից ծովի մոտակայքում տագնապի ազդանշան է ուղարկել։

Ինքնաթիռը հարկադիր վայրէջք է կատարել Աստրախանում, հայտնում է ՌԻԱ Նովոստին։

Աղբյուրի տեղեկություններով՝ վթարային վայրէջքի պատճառ է հանդիսացել հրդեհի ազդանշանի միացումը, սակայն հրդեհ տեղի չի ունեցել։

Երգիչ Արկադի Դումիկյանն Ինստագրամի իր էջի «սթորի» բաժնում հրապարակումներ է կատարել Հայոց ցեղասպանության վերաբերյալ՝ վարչապետ Նիկոլ Փաշինյանի՝ Հայոց ցեղասպանության վերաբերյալ աղմկահարույց ելույթից հետո։

«Սա իմ ազգի պատմությունն է։

Սա իմ պատմությունն է։

Երբեք չեմ մոռանա,– գրել է նա՝ հրապարակելով հատված իր «Դուդուկ» երգի տեսահոլովակից։

Նա նաև ևս մի հրապարակում է կատարել՝ նշելով․ «Երբեք չենք մոռանա, թե ինչ եք արել, տականքնե՛ր»։ 

SHAMSHYAN.com-ը հունվարի 16-ին ֆոտոռեպորտաժ, տեսանյութ էր հրապարակել Կոտայքի մարզում տեղի ունեցած արտակարգ դեպքի մասին, երբ պարզվել էր, որ տեղի ունեցածը ոչ թե անզգուշաբար առաջացած հրդեհ էր, այլ հրկիզում։ Հրկիզել էին Կոտայքի մարզում և Երևանում հայտնի տեխսպասարկման կետերից մեկը և ժամանած հրշեջ-փրկարարները տեղում հայտարարել էին հրդեհի վտանգավորության «ԲԻՍ 1» աստիճան։

Աղբյուրի տեղեկություններով՝ հավաստի փաստեր էին ձեռք բերվել, ինչի հիման վրա էլ «Զվարթնոց» օդանավակայանում հայտնաբերել ու ոստիկանություն էին տեղափոխել Հայաստանում ակտիվ քաղաքական գործունեությամբ զբաղվող մի գործչի։

Նախաքննության շահերից ելնելով՝ այս պահին քաղաքական այդ գործիչի և նրա հետ եղած ևս 2 անձի ինքնությունները չենք բացահայտում։

Նշված անձինք կասկածվում են խոշոր չափի գումարի դիմաց տեխսպասարկման այդ կետը հրկիզելու մեջ։


Ավելին՝ սկզբնաղբյուրում։