ԱՄՆ մայրաքաղաք Վաշինգտոնից ոչ հեռու American Airlines ավիաընկերության ուղևորատար ինքնաթիռի և ԱՄՆ զինված ուժերի Black Hawk ուղղաթիռի՝ օդում բախվելուց հետո Պոտոմակ գետից դուրս է բերվել 18 մարդու մարմին։ Այս մասին հաղորդում է CBS News-ը՝ վկայակոչելով դեպքի վայրում աշխատող ոստիկաններից մեկին։
Կոլումբիայի շրջանի հրշեջ ծառայության ղեկավարը լրագրողներին հայտնել է, որ որոնողափրկարարական աշխատանքների իրականացումը բավական բարդ է ցրտի և քամու պատճառով։
Դեպքի վայրում աշխատում է 300 փրկարար։ Բախումը տեղի է ունեցել, երբ Կանզասի Վիչիտա քաղաքից Վաշինգտոն (Կոլումբիայի շրջան) չվերթ իրականացնող ինքնաթիռն արդեն պատրաստվում էր վայրէջքի Ռեյգանի անվան Վաշինգտոնի ազգային օդանավակայանում։
Ուղևորատար ինքնաթիռում գտնվում էր 64 մարդ՝ 60 ուղևոր և անձնակազմի 4 անդամ։
Իսկ Վիրջինիայի Ֆորտ Բելվուար ռազմակայանից ուսումնական թռիչքի դուրս եկած ռազմական ուղղաթիռում գտնվում էր 3 զինվոր։
Թող կոռուպցիան իրենց մեջ փնտրեն, մի ապրանքի համար 6 անգամ վճարում ենք, էլի բյուջեում փող չկա
Տեսանյութ
Վաշինգտոնի մերձակայքում American Airlines ավիաընկերության կործանված մարդատար ինքնաթիռում եղել են ռուսական գեղասահքի դպրոցի ներկայացուցիչներ։ ՏԱՍՍ-ի աղբյուրը պարզաբանել է, որ օդանավում են եղել Ռուսաստանի հավաքականի կազմում 1994 թվականի գեղասահքի աշխարհի չեմպիոններ Եվգենյա Շիշկովան և Մաքսիմ Նաումովը, փոխանցում է RussianMirror-ը։
«Քանի դեռ չենք պարզել, չեմ կարող խոսել։ Հայտնի է, որ այնտեղ մերոնք են եղել։ Անուն չեմ ուզում տալ, բայց մերոնք էին: Շուտով ամեն ինչ կտեսնեք: Հիմա այս մասին խոսելու ժամանակը չէ»,- Матч ТВ-ի հետ զրույցում ասել է սպորտային գործակալ Արի Զաքարյանը:
American Airlines ավիաընկերության 5342 չվերթն իրականացնող ինքնաթիռն օդ է բարձրացել Կանզաս նահանգի Վիչիտա քաղաքից և Վաշինգտոնի մոտակայքում վայրէջքի պահին բախվել ռազմական ուղղաթիռին։ Բախումից հետո ինքնաթիռն ընկել է Պոտոմակ գետը։ Ընդհանուր առմամբ, ինքնաթիռում եղել է 64 մարդ (60 ուղևոր և անձնակազմի չորս անդամ)։
Վիչիտայում հունվարի 20-26-ը տեղի էր ունեցել գեղասահքի ԱՄՆ առաջնությունը։
Դեպի Հայաստան դրամական փոխանցումները 2024 թվականի նոյեմբերին 2023 թվականի նոյեմբերի համեմատ նվազել են 21,7 %-ով: Հայաստանի վերաբերյալ իր ամենամսյա մակրոտնտեսական զեկույցում այս մասին նշել է Համաշխարհային բանկը։
Նվազել են ինչպես Ռուսաստանից, այնպես էլ ԱՄՆ-ից փոխանցումները։
Կենտրոնական բանկի տվյալներով՝ 2024 թվականի նոյեմբերին ֆիզիկական անձանց դրամական փոխանցումների ընդհանուր ներհոսքը Հայաստան կազմել է 177,9 մլրդ դրամ (ընթացիկ փոխարժեքով՝ մոտ 447 մլն դոլար), ընդ որում` ոչ առևտրային փոխանցումները կազմել են 31,1 մլրդ դրամ (78 մլն դոլար)։
Ինչպես ավելի վաղ նշվել էր, գնաճը դեկտեմբերին կազմել է 1,5 %։ Սա 2023 թվականի ապրիլից ի վեր ամենաբարձր ցուցանիշն է (մինչև 2023 թվականի սկիզբը «ռելոկանտների էֆեկտով» պայմանավորված՝ արձանագրվել էր կտրուկ գնաճ, բայց 2023 թվականի գարնանից սկսեց կտրուկ նվազել, և մոտ մեկուկես տարի գրեթե միշտ 1%-ից ցածր էր կամ նույնիսկ բացասական)։
Արտաքին առևտուրը հունվար-նոյեմբերին (առկա վերջին տվյալները) աճել է, արտահանումը՝ 74%-ով՝ մինչև 12,3 մլրդ դոլար, ներմուծումը՝ 41%-ով՝ մինչև 15,9 մլրդ դոլար։ Սակայն մեկ ամսվա կտրվածքով (2024 թվականի նոյեմբերին 2023 թվականի նոյեմբերի համեմատ) արտաքին առևտուրը նվազել է, ներմուծումը՝ 35%-ով, արտահանումը՝ 21,4%-ով` կազմելով համապատասխանաբար 752 մլն դոլար և 1 մլրդ 166 մլն դոլար։
Դա հիմնականում պայմանավորված է թանկարժեք մետաղների և քարերի, ինչպես նաև մեքենաների վաճառքի ծավալների անկմամբ։ Ավտոմեքենաների վերավաճառքը կրճատվեց, երբ 2023 թվականի կեսերին Վրաստանը մեքենաները ՌԴ վերարտահանելու արգելք սահմանեց։ Այդուհանդերձ, վերարտահանման ծավալները Հայաստանում շարունակում են մի քանի անգամ ավելի բարձր մնալ, քան մինչև 2022 թվականը։
Չհաշված մեքենաների, թանկարժեք մետաղների և քարերի վերաարտահանումը՝ արտահանումն աճել է 32%-ով։
Բյուջեի պակասուրդը կրճատվել է` հոկտեմբերի 138,5 մլրդ դրամից (348 մլն դոլար) նոյեմբերին հասնելով 20,7 մլրդ դրամի (52 մլն դոլար)։
Իսրայելի ավիահարվածի հետևանքով Թուրքիայի 3 քաղաքացի է մահացել. նրանք փորձում էին ապօրինի հատել լիբանանա-իսրայելական սահմանը։ Տեղեկությունը հայտնում է Թուրքիայի ԱԳՆ–ն։
Նշվում է, որ ավելի վաղ կորել է այդ անձանց հետ կապը, իշխանությունները որոնողական աշխատանքներ են իրականացրել։
«Մենք ամենավճռական ձևով դատապարտում ենք այս հակաօրինական հարվածը, որը հանգեցրեց մեր քաղաքացիների մահվան։ Իսրայելը պետք է անհապաղ դադարեցնի իր ագրեսիվ քաղաքականությունը, որն անտեսում է մարդկային կյանքերը և մեծացնում լարվածությունը տարածաշրջանում»,– ասվում է հաղորդագրությունում։
Նախարարությունից նաև հայտնել են, որ անհրաժեշտ գործողություններ են իրականացվում, որպեսզի մահացածների դիերն անհապաղ տեղափոխվեն Թուրքիա։
Մինչ այդ թուրքական իշխանությունները նշել են, որ մոբիլիզացրել են բոլոր ռեսուրսները կորած քաղաքացիներին գտնելու համար ու ընտանիքների հետ մշտապես կապի մեջ են եղել։
«Արաբիկա» տեսակի սուրճի բորսայական գները շարունակում են նոր ռեկորդ սահմանել. դրա արժեքն առաջին անգամ գերազանցել է տոննայի դիմաց 8 հազար դոլարի նշագիծը, վկայում են սակարկությունների տվյալները: Այս մասին հայտնում է ՌԻԱ Նովոստին։
Նախ, «Արաբիկայի» մարտյան ֆյուչերսների արժեքն աճել է 1,04 %-ով՝ 1 տոննայի դիմաց հասնելով 7 963 դոլարի։ Արդեն սակարկությունների ընթացքում ցուցանիշը հասել է 1 տոննայի դիմաց ռեկորդային 8 019 դոլարի։
Միևնույն ժամանակ, 0,49 %-ով բարձրանում է «Ռոբուստա» տեսակի սուրճի մարտյան ֆյուչերսների գինը`1 տոննայի դիմաց հասնելով 5 587 դոլարի:
«Արաբիկա» սուրճի արժեքը երրորդ օրն անընդմեջ թարմացնում է ռեկորդը. հունվարի 27-ին 1 տոննայի գինը հասել է 7,8 հազար դոլարի, իսկ հունվարի 28-ին՝ 7,9 հազար դոլարի: Հունվարի սկզբից ֆյուչերսները թանկացել են ավելի քան 10 %-ով։ Նախորդ տարվա նոյեմբերին համապատասխան ցուցանիշը բարձրացել է ավելի քան 7 հազար դոլար, սեպտեմբերին՝ 6 հազար դոլար։
Շվեյցարիայի Հայկական և Հայամետ Միությունների Խորհուրդը (CAAS) տարածել է հայտարարություն՝ արձագանքելով հունվարի 24-ին Ցյուրիխում Նիկոլ Փաշինյանի հնչեցրած հայտարարություններին.
«Շվեյցարիայի Հայկական և Հայամետ Միությունների Խորհուրդը (CAAS) իր խորը մտահոգությունն է հայտնում Հայաստանի վարչապետ Նիկոլ Փաշինյանի` Ցյուրիխում շվեյցարահայ համայնքի տարբեր ոլորդներում ներգրավված անդամների հետ վերջին հանդիպման ժամանակ արված հայտարարությունների կապակցությամբ։ Այս հայտարարությունները, որոնք մենք համարում ենք վիճահարույց, վարկաբեկում են Հայոց ցեղասպանության հիշատակը և օրինաչափ հարցեր են առաջացնում մարդկության դեմ այս հանցագործության ամբողջական ըմբռնման և դրա միջազգային ճանաչման Հայաստանի կառավարության հանձնառության վերաբերյալ:
Ավելի քան կես դար Հայոց ցեղասպանության ճանաչումը առաջնահերթություն է եղել զոհերի ժառանգների և հանուն պատմական արդարության գործող կազմակերպությունների համար։ Որպես Շվեյցարիայի հայկական սփյուռք՝ մենք կարծում ենք, որ այս ճանաչման կարևորությունը թերագնահատելը կամ հարաբերականացումը հակասում են աշխարհասփյուռ հայ համայնքի ակնկալիքներին։
Հիշեցնում ենք, որ Հայոց ցեղասպանության միջազգային ճանաչումը հիմնված է անվիճելի պատմական փաստերի վրա, որոնք հաստատվել են հարյուրավոր հետազոտողների, ակադեմիական հաստատությունների և մի շարք պետությունների կողմից, այդ թվում՝ Շվեյցարիայի, որը պաշտոնապես ճանաչել է Հայոց ցեղասպանությունը 2003 թվականին իր Ազգային խորհրդի մակարտակով, բայց ամենակարևորը՝ հենց Հայաստանի Հանրապետության կողմից։ Ցեղասպանության Ճանաչմանն ուղղված այս պայքարը վեր է քաղաքական բաժանումներից և համընդհանուր արդարություն է հետապնդում:
CAAS-ը կոչ է անում Հայաստանի կառավարությանը և նրա ներկայացուցիչներին կատարել իրենց պարտականությունները: Հայոց ցեղասպանության ճանաչումը երբեք չպետք է վտանգի ենթարկվի քաղաքական կամ դիվանագիտական նկատառումներով, և չպետք է թույլ տա հայ ազգի հակառակորդներին շահարկել նման հայտարարությունները ժխտողական նպատակներով։ Մենք կոչ ենք անում վարչապետին պարզաբանել իր արտահայտությունները և միանշանակ վերահաստատել իր հավատարմությունը Հայոց ցեղասպանության միջազգային ճանաչմանը։
Եթե Հայաստանի կառավարությունը շարունակի հրաժարվել Հայոց ցեղասպանության միջազգային ճանաչման համար պայքարից, CAAS-ի, ընդհանրապես Սփյուռքի և այս գործի բոլոր դաշնակիցների պարտականությունը կլինի անդադար շարունակել այս պատմական պայքարը: Զոհերի հիշատակը, նրանց ժառանգների պատիվը, արդարության ու ճշմարտության հիմնարար սկզբունքները պահանջում են, որ երբեք չդադարեցվի այդ պայքարը՝ անկախ քաղաքական հանգամանքներից կամ հանդիպած խոչընդոտներից։
Մենք նաև կոչ ենք անում հայկական սփյուռքին և հայ ժողովրդի բարեկամներին մնալ միասնական և զգոն՝ ընդդեմ ռևիզիոնիզմի (հաստատված փաստերի վերանայման) կամ մեր ընդհանուր գործը մղող հիմնարար արժեքներից հրաժարվելու ցանկացած փորձի։ Զոհերի հիշատակը, նրանց ժառանգների արժանապատվությունը և պատմության դասերը չեն կարող զոհաբերվել կարճաժամկետ շահերի անվան տակ»։
Սիրիայի իշխանությունները Մոսկվայից պահանջել են արտահանձնել նախկին նախագահ Բաշար ալ-Ասադին և նրա գլխավոր օգնականներին, որոնք փախել են Ռուսաստան անցյալ դեկտեմբերին ապստամբների կողմից Դամասկոսը գրավելուց հետո: Այս մասին Սիրիայի դե ֆակտո առաջնորդ Ահմեդ ալ-Շարաան հայտարարել է ՌԴ փոխարտգործնախարար Միխայիլ Բոգդանովի հետ հանդիպման ժամանակ, գրում է The Times Of Israel-ը՝ հղում անելով բանակցությունների ընթացքին ծանոթ աղբյուրներին։
Պարբերականի աղբյուրների համաձայն՝ Ռուսաստանի Դաշնության ղեկավար Վլադիմիր Պուտինի մամուլի քարտուղար Դմիտրի Պեսկովը հրաժարվել է մեկնաբանել, թե արդյոք իրականում նման պահանջ է դրվել։ Կրեմլը նաև հայտարարում է, որ շարունակում է երկխոսություն հաստատել Սիրիայի նոր ղեկավարության հետ՝ երկրում իր ռազմական օբյեկտները պահպանելու համար։ Տարտուսում ռազմածովային բազայի և Լաթաքիա նավահանգստային քաղաքի մոտ գտնվող Հմեյմիմ ավիաբազայի կորուստը կարող է լուրջ հարված հասցնել տարածաշրջանում Ռուսաստանի ռազմական հնարավորություններին։
Ասադին արտահանձնելու Ռուսաստանի պահանջի մասին տեղեկությունը հաստատել է նաեւ բանակցություններին ծանոթ սիրիական կողմի Reuters-ի աղբյուրը։
Ռուսական պատվիրակությունը Դամասկոս է ժամանել հունվարի 28-ին Ասադի տապալումից հետո առաջին անգամ, ով դեկտեմբերի սկզբին ընտանիքի հետ փախել էր Մոսկվա։ Բանակցություններին մասնակցել են Պուտինի հատուկ ներկայացուցիչներից երկուսը` մեկը Մերձավոր Արեւելքի, մյուսը` Սիրիայի: Խոսքը փոխարտգործնախարար Միխայիլ Բոգդանովի և Ալեքսանդր Լավրենտիևի մասին է։
Եվրախորհրդի խորհրդարանական վեհաժողովը (ԵԽԽՎ) ընդունել է բանաձեւ, որը կոչ է անում Վրաստանին առաջիկա ամիսներին անցկացնել նոր խորհրդարանական ընտրություններ, գրում են վրացական լրատվամիջոցները։
ԵԽԽՎ-ն որոշել է վրացական պատվիրակության մանդատները վավերացնել մինչև 2025 թվականի ապրիլը։
«Եվրախորհրդի Խորհրդարանական վեհաժողովը կոչ է անում Վրաստանի իշխանություններին անհապաղ նախաձեռնել ներառական գործընթաց՝ ներգրավելով բոլոր շահագրգիռ կողմերին և հասարակական գործիչներին, ներառյալ իշխող մեծամասնությունը, ընդդիմությունը և քաղաքացիական հասարակությունը, որպեսզի շտապ շտկեն վերջին խորհրդարանական ընտրությունների ժամանակ նկատված թերություններն ու խախտումները»,- մեջբերում են ԵԽԽՎ մամուլի հաղորդագրությունը վրացական լրատվամիջոցները:
ԵԽԽՎ-ն կոչ է անում Վրաստանի իշխանություններին անհապաղ և արդյունավետ միջոցներ ձեռնարկել՝ վերսկսելու Վրաստանի ուղին դեպի եվրաինտեգրում, ինչպես նաև հարգել քաղաքացիների իրավունքներն ու ազատությունները և «ազատ արձակել բոլոր քաղբանտարկյալներին մինչև 2025 թվականի ապրիլին Վեհաժողովի նստաշրջանի սկիզբը»։
Մեկնաբանելով «Իմեդի» հեռուստաընկերության եթերում ԵԽԽՎ բանաձեւը՝ Վրաստանի վարչապետ Իրակլի Կոբախիձեն հայտարարել է, որ այդ փաստաթուղթն անհեթեթ է։
«Այս բանաձեւը ցույց է տալիս, որ եվրոպական բյուրոկրատիան, ինչպես Բրյուսելում, այնպես էլ Ստրասբուրգում, բավականին ծանր վիճակում է։ Մենք իմացանք բոլորովին անհեթեթ որոշման մասին: Նրանք հաստատեցին ԵԽԽՎ-ում մեր պատվիրակությանը, այսինքն՝ ճանաչեցին մեր խորհրդարանական ընտրությունների արդյունքները և անմիջապես հայտարարեցին, որ եթե մինչև ապրիլ Վրաստանում նոր խորհրդարանական ընտրություններ չանցկացվեն, իրենք կչեղարկեն մեր պատվիրակության լիազորությունները»,- ասել է Կոբախիձեն։
Նրա խոսքով, ԵԽԽՎ-ն ճանաչում է Վրաստանում կայացած ընտրությունները, բայց ցանկանում է նոր ընտրություններ, քանի որ իրենց աջակցած ընդդիմադիր քաղաքական ուժը՝ «Միացյալ ազգային շարժումը», պարտվել է ընտրություններում։
«Այս պայմաններում մեր պատվիրակությունը մտադիր չէ շարունակել աշխատանքը ԵԽԽՎ-ում։ Եթե փոխվի վերաբերմունքը վրաց ժողովրդի և Վրաստանի նկատմամբ, մենք, իհարկե, կվերադառնանք ԵԽԽՎ։ «Այժմ այնտեղ աշխատանքը շարունակելու իմաստ չկա»,- ասել է Կոբախիձեն։
Միաժամանակ նա նշել է, որ Վրաստանը մնում է Եվրոպայի խորհրդի անդամ և պատրաստ է ցանկացած համագործակցության այս կազմակերպության հետ։
Ավելի վաղ իշխող «Վրացական երազանք» կուսակցության ներկայացուցիչ Թեա Ցուլուկիանին հայտարարել էր, որ վրացական պատվիրակությունը ժամանակավորապես դադարեցնում է իր մասնակցությունը ԵԽԽՎ-ի աշխատանքներին։
Հունվարի 30-31-ը, փետրվարի 1-3-ը հանրապետությունում սպասվում է առանց տեղումների եղանակ:
Քամին՝ հյուսիսարևմտյան, 2- 5 մ/վ։
Օդի ջերմաստիճանը հունվարի 30-ից փետրվարի 3-ը՝ հատկապես ցերեկային ժամերին, աստիճանաբար կբարձրանա 2-3 աստիճանով։
Երևանում հունվարի 30-31-ը, փետրվարի 1-3-ը սպասվում է առանց տեղումների եղանակ:
Ֆոտո
