Պուտինն ու Փեզեշքիանը հեռախոսազրույց են ունեցել. ինչ է քննարկվել
Ռուսաստանի նախագահ Վլադիմիր Պուտինը և Իրանի նախագահ Մասուդ Փեզեշքիանը հեռախոսազրույց են ունեցել, հայտնում է Կրեմլի մամուլի ծառայությունը:
Նախագահները պայմանավորվել են ակտիվացնել գործնական համագործակցության և արտաքին քաղաքական համակարգման ամրապնդման ուղղությամբ համատեղ աշխատանքը։
«Կարծիքներ են փոխանակվել միջազգային եւ տարածաշրջանային հրատապ հարցերի շուրջ, ներառյալ Իրանի եւ ԱՄՆ-ի միջև իրանական միջուկային ծրագրի շուրջ Օմանի միջնորդությամբ բանակցությունների ընթացքը», - ասվում է Կրեմլի հաղորդագրության մեջ:
Կողմերը քննարկել են համապարփակ ռազմավարական գործընկերության պայմանագրի հիման վրա ռուս-իրանական համագործակցության զարգացմանը վերաբերող հարցեր:
Շահիդ Ռաջայի նավահանգստում տեղի ունեցած պայթյունի հետևանքով մոտ 70 մարդու մահվան կապակցությամբ Պուտինը ցավակցություն է հայտնել։ Իրանի նախագահն իր հերթին շնորհակալություն է հայտնել ՌԴ-ին՝ նշված պայթյունի հետևանքների վերացման գործում ցուցաբերած աջակցության համար՝ նշելով ՌԴ ԱԻՆ-ի բարձր պրոֆեսիոնալիզմը:
Ապրիլի 26-ին տեղի ունեցած պայթյունի հետևանքով Իրանի կրած կորուստները կազմել են մոտ 3-5 մլրդ դոլար:
Իրանի նախագահը նաև ջերմորեն շնորհավորել է Վլադիմիր Պուտինին և Ռուսաստանի բոլոր քաղաքացիներին՝ Հայրենական մեծ պատերազմում տարած հաղթանակի 80-ամյակի կապակցությամբ:
Latest from Live24
- Լևոն Տեր-Պետրոսյանը վիրահատության է ենթարկվել
- ՀՀ տնտեսությունը 2025 թ. առաջին եռամսյակում աճել է 4.1 %–ով. վիճակագրական կոմիտե
- Նարեն և Դավիթ անունները, Սարգսյան և Գրիգորյան ազգանունները կրկին ամենատարածվածն են ՀՀ–ում
- Դուրս գանք փողոց` «մի բան կլինի»-ով չէ. Արմեն Ռուստամյանը` իմպիչմենտի գործընթացի մասին
- Ֆրիդրիխ Մերցը երկրորդ փորձից Գերմանիայի նոր կանցլեր է ընտրվել
- «Էքրեմ Իմամօղլուն կսպանվի». Օզել
- Իսրայելը ոչնչացրել է Եմենի օդանավակայանը
- Ինչ է ասել Զախարովան Մոսկվայի շքերթին Փաշինյանի և հայկական զորախմբի մասնակցության մասին
Լրահոս
Ֆոտո
