Երևանում մարտի 12-ի ցերեկը, 13-17-ին սպասվում է առանց տեղումների եղանակ։ Հայտնում են «Հիդրոօդերևութաբանության և մոնիթորինգի կենտրոն»-ից:
Մարզերում մարտի 12-ի ցերեկը, 13-17-ին սպասվում է առանց տեղումների եղանակ։ Քամին հարավարևելյան՝ 2-5մ/վ: Օդի ջերմաստիճանը մարտի 12-ի ցերեկը, 13-17-ին աստիճանաբար կբարձրանա 4-6 աստիճանով։
Կառավարությունն ապրիլից կկրճատի տեղահանված արցախցիներին տրվող 50 հազարական դրամի աջակցության ծրագիրը։
Tert.am-ի հետ զրույցում ասաց Աշխատանքի և սոցիալական հարցերի նախարարի մամուլի քարտուղար Զառա Մանուչարյանը:
Նախորդ տարեվերջից նոր ծրագիր է ընդունվել, որը տրամաբանական շարունակությունը պետք է լիներ 40+10 հազար դրամ ծրագրի։ Մանուչարյանի խոսքով՝ 2025 թվականի հունվար ամսից Արցախից բռնի տեղահանված մեր հայրենակիցների համար գործում է աջակցության ծրագիրը, իսկ 40+10 հազար դրամ աջակցության ծրագիրը հունվարից այլևս չի գործում.
«Դրա փոխարեն ընտանիքի ամեն մի անձին 50 հազար դրամի չափով աջակցության ծրագիր ենք գործարկել, որը բոլորի համար չէ ու առաջիկա ամիսներին գնալով նվազելու է: Այս պահին ոչ միայն խոցելի խմբերը, այլ բոլորը, հունվարից մինչև մարտ ամսվա վերջ ստանալու են անձը 50 հազար դրամ, իսկ արդեն ապրիլից ստանալու են թիրախային խմբերը՝ որոնք են ՝ 1-ին և 2-րդ խմբի հաշմանդամություն ունեցող անձինք, կերակրողին կորցրած անձինք, մինչև 18 տարեկանները և կենսաթոշակառուները։ Այս անձինք ապրիլ, մայիս և հունիս ամիսներին ստանալու են անձը 40 հազար դրամ աջակցություն, իսկ արդեն հուլիսից այդ 40 հազարը կդառնա 30 հազար դրամ», -ասաց Մանուչարյանը:
Թե ինչով է պայմանավորված այս նվազումը, Մանուչարյանը պարզաբանում է ՝ նախարարությունը միշտ ասում է, որ անում են միջնաժամկետ և երկարաժամկետ ծրագրեր, սա մեկն էր միջնաժամկետ ծրագրերից։
«Երկարաժամկետը բնակապահովման ծրագիրն է, որը այս պահին էլ գործում է, որին մեր հայրենակիցները դիմում են և սերտիֆիկատ են ստանում։ Նախարարությունը զուգահեռ իրականացնում է նաև բնակապահովման պետական աջակցության ծրագիրը: Դեռ նախորդ տարվանից մեր հայրենակիցներին ծանուցել ենք, որին զուգահեռ Աշխատանքի և սոցիալական հարցերի նախարարությունը մեկ այլ ծրագիր է դրել հանրային քննարկման, որ աջակցություն տրվի այն ընտանիքներին, ովքեր անապահով են և ունեն լրացուցիչ աջակցության կարիք»,-ասաց Մանուչարյանը:
Այժմ աջակցության ծրագիրը հանրային քննարկման փուլում է, որը առաջիկայում կքննարկվի կառավարության նիստում:
Ուկրաինայի Նախագահ Վլադիմիր Զելենսկին և ԱՄՆ նախագահ Դոնալդ Թրամփը փորձելու են 30 օրում լիակատար հրադադար հաստատել ռազմաճակատի ողջ երկայնքով։ Այս մասին հայտնել է Վլադիմիր Զելենսկին Facebook-յան իր էջում։
«Ամերիկյան կողմը հասկանում է մեր փաստարկները, ընդունում է մեր առաջարկները: Ես ուզում եմ շնորհակալություն հայտնել Նախագահ Թրամփին մեր թիմերի զրույցի կառուցողական լինելու համար», - ասել է Զելենսկին։
Ամերիկյան կողմից առաջարկ է եղել անհապաղ կատարել առաջին քայլը և փորձել 30 օրում լիակատար հրադադար հաստատել ռազմաճակատի ողջ երկայնքով:
«ԱՄՆ-ն պետք է համոզի Ռուսաստանին դա անել», - հավելել է նա։
«Ուկրաինան պատրաստ է խաղաղության։ Ռուսաստանը պետք է ցույց տա, որ պատրաստ է դադարեցնել պատերազմը կամ շարունակել այն։ Ժամանակն է ամբողջական ճշմարտության», - եզրափակել է նախագահը։
Իշխանական օլիգարխ-պատգամավոր Խաչատուր Սուքիասյանի թիկնապահներն ազատ են արձակվել։
Հիշեցնենք, որ ՆԳՆ դիմակավորված անձինք երեկ Թումանյան փողոցում կանգնեցրել են Խաչատուր Սուքիասյանի` «Գռզո»-ի թիկնապահներին, գետնին պառկեցրել ու բերման ենթարկել։
ՆԳՆ-ից «Փաստինֆո»-ի հետ զրույցում հայտնեցին, որ երեկ 4 անձ բերման է ենթարկվել՝ ապօրինի զենք պահելու հիմքով: Նրանք արդեն ազատ են արձակվել։
Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի զրույցը տեղի կունենա հաջորդ ուրբաթ։ Այս մասին, ըստ Լուրերի, Telegram-ի իր ալիքում հայտնել է Կրեմլի լրագրող Դմիտրի Սմիրնովը։
«Պուտինի զրույցը Թրամփի հետ տեղի կունենա ուրբաթ օրը, և դա կլինի ավելին, քան պարզապես հեռախոսազանգ»,- Eadaily-ի փոխանցմամբ՝ գրում է Սմիրնովը։
Նա այսպես է մեկնաբանել Թրամփի այսօրվա հայտարարությունը.
ԱՄՆ առաջնորդը Սպիտակ տան մոտ լրագրողներին ասել է, որ այս շաբաթ կզանգահարի Պուտինին։
«Ես կխոսեմ Վլադիմիր Պուտինի հետ, տանգոյի համար երկուսն են պետք, ինչպես ասացի։ Հուսով եմ, որ նա նույնպես կհամաձայնի, և ես վստահ եմ, որ սա արդեն 75 տոկոսով կլինի այս խնդրի լուծումը, մնացածը վերաբերում է փաստաթղթերին, ցամաքային բանակցություններին։ (Այս շաբաթ կխոսե՞ք նրա հետ։) Կարծում եմ՝ այո»,- ասել է Թրամփը։
Թարգմանությունը՝ Մանուել Թամազյանի
«Հրապարակ» թերթը գրում է. «Փաշինյանը հրահանգել է թիմին՝ ոչ մի կերպ չխառնվել ՀՀ երկրորդ եւ երրորդ նախագահների թիմերի միջեւ շաբաթներ ձգվող լեզվակռվին: Առաջարկել է` թուլանալ եւ հաճույք ստանալ, թե ինչպես են իրենց հակառակորդներն իրար միս կրծում։ Թիմում զարմացել են, երբ տեսել են նրա արձագանքն այդ վեճին:
Նա ասել է, որ իրեն ոչ ոք իշխանության չի բերել` «2018-ի ժողովրդական, ոչ բռնի, թավշյա հեղափոխությունը իշխանության է բերել Ժողովրդին», իսկ ինքը «ժողովրդի իշխանության տեղապահն» է, եւ ժողովուրդն իրեն մեկ ուրիշով կփոխարինի, «երբ ցանկանա»: Ինչո՞ւ է Փաշինյանը խախտել իր իսկ որոշումը եւ միջամտել նախկին նախագահների վեճին:
ՔՊ մեր աղբյուրի կարծիքով, Փաշինյանը Գյումրի կատարած անփառունակ այցից հետո, հավանաբար, այնքան է մտահոգվել իշխանության վարկանիշով, որ պատրաստ է ամեն գործիք օգտագործել` այդ ընտրություններում հաղթելու համար: Եվ վստահ է, որ նորից աշխատելու է նախկինների դեմ ատելություն հրահրելու մեթոդը` կիջեցնի Սերժ Սարգսյանին ու Ռոբերտ Քոչարյանին, գուցե Գյումրիում ՔՊ-ն հաղթի»։
«Հրապարակ» թերթը գրում է. «Նիկոլ Փաշինյանը երեկ ֆեյսբուքյան էջում կարճ տեսանյութ տարածեց՝ կից գրառմամբ, որ հարցազրույց է տվել թուրքական լրատվամիջոցների ներկայացուցիչներին։
Ըստ որոշ տեղեկությունների՝ Նիկոլ Փաշինյանը խոսել է հայ-թուրքական հարաբերությունների կարգավորման, սահմանն առանց նախապայմանների բացելու մասին, ինչպես նաեւ՝ ցեղասպանության ճանաչման պատմությունը վերանայելու, Մեղրիով երկաթուղային անխոչընդոտ բեռնափոխադրում ապահովելու պատրաստակամության։
Ըստ էության, հաստատվում են լուրերը, որ Փաշինյանը սերտ շփումներ ունի Թուրքիայի նախագահ Էրդողանի հետ եւ պատրաստ է իր իշխանությունը պահելու դիմաց Ռուսաստանին փոխարինել Թուրքիայով»:
ՀՀ ԱԺ պատգամավոր Տիգրան Աբրահամյանը գրում է․ «Բաքվում տեղի ունեցող «դատավարության» շրջանակներում, Ադրբեջանը քարոզչական առումով բավականին վտանգավոր ուղերձներ է փոխանցում և´ հայաստանյան հանրությանը, և´ միջազգային լսարանին:
Շատ դեպքերում դրանք այնպես խնամքով են քողարկվում, որ այդ «ռումբերը» նույնիսկ հայաստանյան տեղեկատվական տիրույթում դրական լույսի ներքո են շրջանառվում, իսկ եթե նույնիսկ խնդրահարույց լինելը ֆիքսվում է, ապա դրա վտանգավորությունն իր ողջ ռիսկայնությամբ չի ընկալվում:
Անհրաժեշտ է շատ զգույշ և նրբանկատ գործել Բաքվից շրջանառվող տեղեկատվության հետ, որովհետև 1-2 իրականությանը մոտ տեղեկատվությունից հետո, ակնհայտ կեղծ ու վտանգավոր թեմաներ են «սղացնում»:
Իրավիճակը մեզ համար չափազանց վտանգավոր է դառնում հատկապես այն պատճառով, որովհետև հայաստանյան կառավարիչները տեղեկատվական անվտանգության ապահովման իրենց գործառույթն ամբողջությամբ տապալել են` խիստ խոցելի դարձնելով մեր հասարակությանը:
Ու սա վերաբերվում է ոչ միայն կեղծ դատավարությանը, այլ Ադրբեջանից կիրառվող տեղեկատվական քաղաքականությանն իր ամբողջության մեջ»:
«Հրապարակ» թերթը գրում է. «Գրել էինք, որ Փաշինյանը որոշել է կրկին ռեւերանսներ անել Ռուսաստանին, որի դիրքերն այսօր ամրապնդվում են։ Դրանով էին պայմանավորված եվրաքվեի նախագիծը 2 ամսով հետաձգելը եւ ՌԴ-ին ուղղված վերամերձեցման քայլերը, մասնավորապես` միջգերատեսչական հարաբերությունները վերականգնելու հրահանգը: Սակայն ՌԴ-ում չեն հավատում Փաշինյանի անկեղծությանը, եւ Ռուսաստանի Դաշնային ժողովի Դաշնության խորհրդի նախագահ Վալենտինա Մատվիենկոյի այցի հետաձգումը, ըստ լուրերի, պայմանավորված է նրանով, որ ստուգեն Փաշինյանի գործողությունների անկեղծությունը եւ հասկանան՝ ինչպես են շարունակում համագործակցությունը ՀՀ հեղհեղուկ իշխանությունների հետ:
Մատվիենկոն, ըստ նախնական պայմանավորվածության, պետք է ժամաներ փետրվարի վերջին, մինչդեռ ասվեց, որ հունիսի 5-6-ը կգա։ ՌԴ-ում սպասում են, տեսնեն՝ Փաշինյանը կմասնակցի՞ մայիսի 9-ին Կարմիր հրապարակի միջոցառումներին։ Իշխանական աղբյուրները կասկած չունեն, որ կմասնակցի, 2023-ին էլ է մասնակցել, 24-ի մայիսի 8-ին էլ ԵԱՏՄ գագաթնաժողովին մասնակցեց ու վերադարձավ։
Մինչ Մատվիենկոյի ժամանումը, Ալեն Սիմոնյանը կմեկնի ՌԴ` ապրիլի 17-18-ին ԱՊՀ վեհաժողովի՝ հաղթանակի 80-ամյակին նվիրված նիստին մասնակցելու: Տեղեկություններ կան, որ բանակցում են նաեւ Պետդումայի նախագահ Վոլոդինին Հայաստան բերելու շուրջ։ Մինչեւ մայիս Կապանում կբացվի նաեւ ՌԴ հյուպատոսությունը»:
ԱՄՆ նախագահ Դոնալդ Թրամփի վարչակազմը Սաուդյան Արաբիայում բանակցություններից հետո չեղարկել է Ուկրաինային ռազմական օգնության և հետախուզական տվյալների տրամադրման դադարեցումը, իսկ Կիևը հայտնել է, որ պատրաստ է 30-օրյա հրադադարի, եթե Մոսկվան դրան համաձայնություն տա։
Այս մասին հաղորդում է The Associated Press-ը՝ վկայակոչելով ամերիկացի և ուկրաինացի պաշտոնյաների։
ԱՄՆ վարչակազմը ռազմական օգնությունը դադարեցնելու և հետախուզաական տվյալների տրամադրումը կասեցնելու որոշում էր կայացրել փետրվարի 28-ին Սպիտակ տանը ԱՄՆ նախագահի և նրա ուկրաինացի գործընկեր Վոլոդիմիր Զելենսկիի միջև տեղի ունեցած թեժ վիճաբանությունից հետո։
ԱՄՆ պետքարտուղար Մարկո Ռուբիոն, որը գլխավորում էր Ջիդդայում ԱՄՆ պատվիրակությունը, հայտնել է, որ Վաշինգտոնը հրադադարի առաջարկը կներկայացնի Մոսկվային։ «Մենք նրանց կասենք, թե ինչ կա բանակցությունների սեղանին։ Ուկրաինան պատրաստ է դադարեցնել հարվածները և սկսել բանակցել։ Եվ հիմա նրանք պետք է որոշեն՝ ասել այո թե ոչ։ Եթե նրանք ասեն ոչ, ապա ցավոք, մենք կհասկանանք, թե որն է այստեղ խաղաղության խոչընդոտը», – ասել է Ռուբիոն լրագրողներին մարտի 11-ին տեղի ունեցած գրեթե 8-ժամյա բանակցություններից հետո։
«Ուկրաինական պատվիրակությունն այսօր մեկ բան հստակեցրեց. նրանք կիսում են նախագահ Թրամփի խաղաղության տեսլականը», – հավելել է Սպիտակ տան Ազգային անվտանգության հարցերով խորհրդական Մայք Ուոլցը։
Թրամփն իր հերթին հույս է հայտնել, որ հրադադարի համաձայնագիրը կարող է կնքվել «առաջիկա մի քանի օրերի ընթացքում»։
«Ես ասում էի, որ առայժմ Ռուսաստանի հետ ավելի հեշտ է գործ ունենալ, քան Ուկրաինայի, ինչն այդպես չպետք է լիներ։ Բայց դա այդպես է, և մենք հույս ունենք մեր խոսքը հասցնել Ռուսաստանին: Բայց մենք Ուկրաինայից ստացել ենք լիարժեք հրադադարի (համաձայնություն)։ Դա լավ է», – ասել է Թրամփը մարտի 11-ի երեկոյան։
ԱՄՆ նախագահը նաև ասել է, որ պլանավորում է խոսել ՌԴ նախագահ Վլադիմիր Պուտինի հետ, և որ զրույցը կարող է տեղի ունենալ արդեն այս շաբաթ։Ռուսաստանը չի մեկնաբանել ԱՄՆ-ի և Ուկրաինայի հայտարարությունները։
ՌԴ արտգործնախարարության պաշտոնական ներկայացուցիչ Մարիա Զախարովան հայտնել է, որ ԱՄՆ պաշտոնյաների հետ բանակցությունները կարող են տեղի ունենալ այս շաբաթ։ Ավելի վաղ հաղորդվել էր, որ ԱՄՆ նախագահի հատուկ պատվիրակ Սթիվ Ուիթքոֆը կմեկնի Մոսկվա՝ ՌԴ նախագահ Վլադիմիր Պուտինի հետ հանդիպման։
Ֆոտո
