Ինձ որակում են որպես իշխանությունների սրտի օլիգարխ, բայց ես մինչև 2018թ. հեղափոխությունն էլ արդեն հաջողակ գործարար էի, ունեցել եմ մի շարք ձեռարկություններ: Այս մասին Հետքի հետ հարցազրույցում հայտարարել է գործարար Նարեկ Նալբանդյանը: 

Նա նշեց, որ յուրահատուկ բիզնես ջիղ ունի, կարողացել է փակված ձեռնարկությունները նորից վերակենդանացնել և կրկին աշխատեցնել: 

«Մինչև 2018թ. հեղափոխությունը ես ձեռք եմ բերել Տափերականի և Մասիսի ալրացաղները, Մասիսի ավտոպարկը, որը համալրված էր 100-ից ավելի ավտոտրանսպորտային միջոցներով»,- նշեց նա՝ հավելելով որ մինչև 2018թ. իր ձեռնարկությունները եղել են խոշոր հարկ վճարողներ: 

Ինչ վերաբերում է իր կողմից Ծաղկաձորի Գոլդեն Փելես հյուրանոցային համալիրի և Հովիկ Աբրահամյանի առանձնատան ձեռքբերմանը, ապա ըստ նրա, դրանք իր համար հերթական ձեռբերումներն են եղել, սակայն հանրության մոտ դրանք հնչեղություն են ստացել այն պատճառով, որ դրանք փոխկապակցված են եղել նախկին իշխանությունների հետ: 

Թուրքիայի նախագահ Ռեջեփ Թայիփ Էրդողանը հայտարարել է, որ նշանակել է իրավաբանական փորձագետների տասը հոգուց բաղկացած խումբ և նրանց լիազորել է սկսել աշխատանքը նոր Սահմանադրության վրա։ «23 տարվա ընթացքում մենք բազմիցս ցույց ենք տվել մեր անկեղծ մտադրությունները՝ ամրապնդելու  մեր ժողովրդավարությունը քաղաքացիական ազատական ​​նոր Սահմանադրությամբ»,- ասել է նա։

Ավելի վաղ Թուրքիայի իշխող «Արդարություն և զարգացում» կուսակցության փոխնախագահ Հուսեյն Յայմանը Մուղլայում կուսակցական ակտիվիստների հետ հանդիպման ժամանակ ասել էր, որ չնայած երկրի նախագահ Ռեջեփ Թայիփ Էրդողանի՝ կրկին առաջադրվել չցանկանալու մասին խոսքերին, կուսակցությունը մտադիր է նրան առաջադրել որպես թեկնածու հաջորդ ընտրություններում։

Մայիսի 22-ին Էրդողանը հայտարարել է, որ չի ծրագրում իր թեկնածությունն առաջադրել հաջորդ նախագահական ժամկետի համար: Այս մասին նա հայտարարել է Բուդապեշտից Անկարա ուղեւորվող ինքնաթիռում՝ Թյուրքական պետությունների կազմակերպության ոչ պաշտոնական գագաթնաժողովին մասնակցելուց հետո։ Էրդողանն ընդգծել է, որ իրեն չի մտահոգում վերընտրությունը, և որ իր առաջնահերթությունը Թուրքիայի համար նոր Սահմանադրության ստեղծումն է։

Դոնալդ Թրամփը շնորհավորել է Վրաստանի նախագահ Միխեիլ Կավելաշվիլիին Անկախության օրվա կապակցությամբ, որը հանրապետությունում նշվել է մայիսի 26-ին։ ԱՄՆ նախագահի շնորհավորանքի մասին ասված է Վրաստանի նախագահի վարչակազմի հայտարարության մեջ։

«Պարոն նախագահ, այսօր Վրաստանի անկախության 107-րդ տարեդարձն է՝ վրաց ժողովրդի ինքնիշխանության, անվտանգության և ազգային ինքնության համար պայքարում դարաշրջանային մի ամսաթիվ, որը շարունակվում է սերնդեսերունդ՝ լուրջ դժվարությունների և մարտահրավերների ֆոնին: Իմ վարչակազմը տրամադրված է ամրապնդել խաղաղ և արդյունավետ հարաբերությունները Վրաստանի կառավարության հետ: Ապագայում ես անհամբեր սպասում եմ մեր երկրների միջև տնտեսական կապերի խորացմանը՝ արդար առևտրի աջակցման և երկկողմ համագործակցության շրջանակների ընդլայնման միջոցով: Սրտանց շնորհավորում եմ վրաց ժողովրդին այս կարևոր ամսաթվի կապակցությամբ, որն արտացոլում է երկրի ակնառու և բազմազան պատմությունը», -ըստ 1tv.ge-ի՝ ասված է շնորհավորական նամակում:

Ավելի վաղ Վրաստանի վարչապետ Իրակլի Կոբախիձեն բաց նամակ էր գրել Թրամփին և ԱՄՆ փոխնախագահ Ջեյմս Դեյվիդ Վենսին, որում տարակուսանք էր հայտնել երկու երկրների միջև հարաբերությունների վերագործարկման հեռանկարների վերաբերյալ Վաշինգտոնի լռության կապակցությամբ։ Կոբախիձեն նշել էր, որ իր նամակը դեռևս անարձագանք է մնացել։

Ռուսաստանի նախագահ Վլադիմիր Պուտինը հստակ հասկացրել է, որ Ռուսաստանում ոչ ոք չի կարող «խուլիգանություն անել» անօդաչու թռչող սարքերով։ Նման  հայտարարություն է արել պետության ղեկավարի մամուլի քարտուղար Դմիտրի Պեսկովը՝ մեկնաբանելով Ռուսաստանի շրջանների վրա Կիևի հարձակումները։

«Եթե խուլիգանություն անեք, քոթակ կստանաք»,- ВГТРК-ի լրագրող Պավել Զարուբինին ասել է Կրեմլի խոսնակը, հաղորդում է ТАСС-ը։

Պեսկովը նշել է, որ Ռուսաստանը կշարունակի ապահովել իր անվտանգությունը՝ անկախ բանակցությունների առաջընթացից և ԱՄՆ նախագահ Դոնալդ Թրամփի հայտարարություններից։

Մեկնաբանելով Գերմանիայի կանցլեր Ֆրիդրիխ Մերցի խոսքերը՝ Դմիտրի Պեսկովը նշել է, որ եթե Ուկրաինային մատակարարվող զենքի շառավիղը մեծացնելու որոշման մասին հայտարարությունները ճիշտ են, ապա սա լուրջ սրացում է։

«Մերցը հիմա պոչ է խաղացնում է։ Իրականում ոչինչ պարզ չէ», - ասել է նա։ Պեսկովը հիշեցրել է, որ Մերցը սկզբում պնդում էր, թե եվրոպացիները նման որոշում են ընդունել Լոնդոնի հետ միասին, սակայն կաբինետի անդամը հերքեց այդ տեղեկությունը։ Հետագայում Մերզը շարունակեց պնդել նման որոշում ընդունելու մասին, թեև արդեն ընդունելով, որ այն ընդունվել էր մի քանի ամիս առաջ։

ՌԴ նախագահի մամուլի քարտուղարը շեշտել է, որ նման գործողությունները, եթե դրանք իսկապես տեղի են ունեցել, սրացում են, և այն էլ՝ շատ լուրջ։ Նա ընդգծել է, որ նման քայլերը հակասում են Ուկրաինայում խաղաղության գործընթացի փորձերին և համաձայնության հասնելու հնարավորությանը։

Պեսկովը հավելել է, որ Եվրոպան և Միացյալ Նահանգները համառորեն հրաժարվում են նկատել ուկրաինական անօդաչու թռչող սարքերի հարվածները ռուսական քաղաքացիական թիրախների վրա։

Մայիսի 26-ի ուշ երեկոյան շտապօգնության ենթակայանից ոստիկանություն հաղորդում ստացվեց, որ շտապօգնության խումբը կանչով մեկնել է Երևանի Արարատյան փողոցի մի տուն, որտեղ անհայտ քաղաքացին կացնով հարձակվել է բժշկի վրա։

Համայնքային ոստիկանության Շենգավիթի բաժնի օպերատիվ խումբը շտապ մեկնել է դեպքի վայր: Բարեբախտաբար` միջադեպը ծանր հետևանքներ չի ունեցել:

Պարզվել է, որ ժամը 20.57-ին շտապօգնության խումբը ինքնազգացողության վատացում կանչով մեկնել է նշված հասցե, որտեղ 45-ամյա տղամարդը, ակնհայտորեն գտնվելով ալկոհոլի ազդեցության տակ, նախ բժշկին պատմել է, թե ինչպես է կոտրել տան սանհանգույցը, հետո հանկարծ միջանցքից վերցրել է կացին, անկանոն շարժումներ արել ու նետել բժշկի ուղղությամբ։

Ժամը 22.55-ին տղամարդը ձերբակալվել և տեղափոխվել է ոստիկանություն, այնուհետև կազմված փաստաթղթերով հանդերձ ներկայացվել քննչական բաժին:

Նախաձեռնվել է քրեական վարույթ, և 45-ամյա տղամարդը տեղափոխվել է ձերբակալվածների պահման վայր։

Ու սա վերջին շրջանում տեղի ունեցած նման դեպքերից ընդամենը հերթականն էր, երբ ամենամարդասիրական նպատակներով մեկնած մարդկանց դիմավորում են ընդգծված մարդատյացությամբ: Բայց խնդիրը, բարոյականից զատ, ունի նաև քրեաիրավական կողմ. սրանք որպես կանոն` քրեորեն պատժելի արարքներ են:

Հորդորում, բայց նախևառաջ պահանջում ենք` մասնագիտական առաքելությունը կատարող անձանց նկատմամբ լինել առնվազն հարգալից, անհարկի չմիջամտել և չխոչընդոտել նրանց պրոֆեսիոնալ գործունեությունը, իսկ եթե կասկածներ ունեք, որ նրանք ինչ-որ հարցում այնուամենայնիվ թերացել են` ձեռնարկել միայն ու միայն օրինական, քաղաքակիրթ միջոցներ, այլապես քրեաիրավական հետևանքներն անխուսափելի են:

Ռուսաստանի և Ուկրաինայի ներկայացուցիչների հաջորդ հանդիպումը խաղաղության նախաձեռնությունները քննարկելու համար կարող է տեղի ունենալ Ժնևում։ Ինչպես տեղեկացնում է  Fox News-ը, այդ մասին հայտնել է Ուկրաինայի հարցով ԱՄՆ-ի նախագահի հատուկ բանագնաց Կիտ Քելլոգը։ 

«Մենք կարծում ենք, որ հաջորդ հանդիպումը հավանաբար կկայանա Ժնևում: Մենք կցանկանայինք այն անցկացնել Վատիկանում և գրեթե պատրաստ էինք դրան, բայց ռուսները չցանկացան գնալ այնտեղ: Հետևաբար, կարծում եմ, որ հաջորդ տարբերակը կլինի Ժնևը», – ասել է Քելլոգը։

Ռուսաստանը ՄԱԿ-ի անվտանգության խորհրդի նիստ է խնդրել՝ կապված խաղաղության սպառնալիքի հետ, որը բխում է եվրոպական այն երկրներից, որոնք «փորձում են խանգարել» Ուկրաինայում հակամարտության խաղաղ կարգավորմանը․ հայտարարել է համաշխարհային կազմակերպությունում ՌԴ մշտական ներկայացուցչի տեղակալ Դմիտրի Պոլյանսկին 

«Կիևի ռեժիմի եվրոպացի հովանավորները մայիսի 29-ին Ուկրաինայի հումանիտար իրավիճակի վերաբերյալ նիստ են խնդրել: Մենք որոշեցինք հայելային պատասխանել և, մեր հերթին, նիստ խնդրել՝ կապված միջազգային խաղաղությանն ու անվտանգությանը սպառնացող սպառնալիքների հետ, որոնք բխում են եվրոպական մի շարք պետությունների գործողություններից։ Դրանք փորձում են խոչընդոտել ուկրաինական ճգնաժամի խաղաղ կարգավորմանն ուղղված ջանքերին։ Ակնկալում ենք՝ այն կնշանակվի մայիսի 30-ին», – գրել է դիվանագետը:

Մայիսի 28-ից երթևեկության կազմակերպման փոփոխություն կկատարվի Ֆուչիկի և Մարգարյան փողոցների խաչմերուկում: Այս մասին տեղեկացնում է Երևանի քաղաքապետարանը։

Մասնավորապես՝ Մարգարյան փողոցում՝ Բաշինջաղյան փողոցից եկող ուղղությամբ կարգելվի հետադարձը:

ԱՄՆ նախագահ Դոնալդ Թրամփը հայտարարել է, որ ՌԴ նախագահ Վլադիմիր Պուտինը կրակի հետ է խաղում։

«Վլադիմիր Պուտինը չի հասկանում, որ եթե ես չլինեի, Ռուսաստանի հետ շատ վատ բաներ կկատարվեին, և ես նկատի ունեմ՝ իսկապես շատ վատ։ Նա կրակի հետ է խաղում»,- սոցցանցում գրել է Թրամփը։